Երբ հարևանը պատժամիջոցների տակ է. Հայաստաննն ու Իրանը խոսելու բան ունեն
(Թարմացված է 17:42 14.08.2018)
Իրանի նախագահ Ռոհանին վերջերս էներգետիկայի նախարար Ռեզա Արդականիանի միջոցով Հայաստանի վարչապետ Նիկոլ Փաշինյանին Թեհրան այցելելու հրավեր է փոխանցել։ Հաշվի առնելով երկու երկրների փոխշահավետ հարաբերությունները` երկու երկրների առաջնորդները քննարկելու բան ունեն ու կարող են պայմանավորվածությունների հասնել։Ռուբեն Գյուլմիսարյան, Sputnik Արմենիա
Հայաստանի շուրջ շարունակում է աճել ամերիկյան պատժամիջոցների տակ հայտնվող պետությունների թիվը։ Վերջինն այդ ցուցակում հայտնվել է Թուրքիան, սակայն եթե Երևանն այդ երկրի հետ կիսապաշտոնական ու միջնորդավորված տնտեսական հարաբերություններ ունի, ապա Իրանն ու Ռուսաստանը մոտ են մեզ և՛ քաղաքական, և՛ գործարար ոլորտներում։
©
Sputnik / Asatur Yesayants
Բնականաբար, այդ երկրներից ոչ մեկն իրեն այնքան թույլ չի համարում, որ ենթարկվի վաշինգտոնյան կամայականություններին։
«Իրանը երբեք չի փոխի իր քաղաքականությունը տարածաշրջանում ԱՄՆ-ի պատժամիջոցների կամ սպառնալիքների պատճառով։ Միացյալ Նահանգների հետ ցանկացած երկխոսություն կսկսվի միայն այն ժամանակ, երբ այն սկսի գործել որպես ուրիշներին հարգող պետություն ու կդադարի պատժամիջոցներ կիրառել», — երկուշաբթի հայտարարել է Իրանի արտգործնախարար Մոհամմադ Ջավադ Զարիֆը։
Իրանի պաշտոնական անձանց ասածին կարելի է վստահել, անկասկած է նաև այն, որ հայ-իրանական համագործակցությունը շարունակվելու է։ Ընդ որում` հիմա` պատժամիջոցների շրջանում, նոր հնարավորություններ են հայտնվում ինչպես «Մեղրի» ազատ տնտեսական գոտու, այնպես էլ էներգակիրների ներմուծման ու արտահանման ու մնացած ոլորտներում։
Մի շարք փորձագետների կարծիքով` ԱՄՆ-ն ըմբռնումով է մոտենում բարդ շրջապատում գտնվող Հայաստանի ու պատժամիջոցների տակ գտնվող Իրանի շփմանը։ Այս մասին վերջերս խոսել է մասնավորապես իրանագետ Գոհար Իսկանդարյանը։
«Ամերիկացիները հասկանում են` Հայաստանն ինչ իրավիճակում է, նրանք հասկանում են, որ արևմուտքից ու արևելքից շրջափակված երկիրը մեծ ընտրություն չունի։ Միաժամանակ Հայաստանի ու Իրանի առևտրային ու տնտեսական համագործակցության ծավալներն աննշան են, ու դրանք չեն կարող որևէ սպառնալիք ներկայացնել ամերիկացի ներդրողների համար», — նշել է Իսկանդարյանը։
Ավելին` Իրանից գործնական նոր առաջարկներ են գալիս։ Իրանի էներգետիկայի նախարար Արդականիանը երկուշաբթի հայտնել է, որ Ռուսաստանին Հայաստանի միջոցով էլեկտրաէներգիա մատակարարելու բանակցություններ են անցկացնում։
«Մենք Ռուսաստանին էլեկտրաէներգիա մատակարարելու վերաբերյալ բանակցություններ ենք սկսել Հայաստանի հետ», — ասել է իրանցի նախարարը։
Նա ճշտել է, որ Իրանի էներգետիկայի համար կարևոր է միանալ էներգամատակարարման եվրոպական ցանցերին, ընդ որում` Թեհրանն այդ նպատակին հասնելու մի քանի ճանապարհ ունի։
©
Sputnik / Владимир Федоренко
«Տարբերակներից մեկը մեր հյուսիսային հարևանների միջոցով միանալն է», — ասել է նա։
Այսպիսով` էլեկտրաէներգիայի արտահանում-ներկրումը նոր պայմանավորվածություններով ու հնարավորություններով կհարստանա։
Ճիշտ է` երկրու երկրների միջև երկար ժամանակ օդից կախված երկաթուղու կառուցման գաղափարը, ամենայն հավանականությամբ, դեռ գաղափարի մակարդակում կմնա, թեև Հարավկովկասյան երկաթուղու ղեկավարությունը տարբերակներ դիտարկելու պատրաստակամություն է հայտնել։
Բացի այդ, հայ վարչապետն ու իրանցի նախագահը Թեհրանում նույնպես քննարկելու բան ունեն։ Երկու կողմերի ակտիվ համագործակցությունն ակնհայտ է քաղաքական, առևտրատնտեսական, ֆինանսական, գյուղատնտեսական, արդյունաբերական, գիտակրթական, մշակութային ու ռազմական ոլորտներում։
Մենք բարդ տարածաշրջանում ենք գտնվում, բայց դե ընտրության հնարավորություն չունենք։ Պետք է հարաբերություններ զարգացնել բոլոր հարևանների հետ, հատկապես այն հարևանների, որոնք երբեք բարոյականության ու անկեղծության մեջ կասկածելու առիթ չեն տվել։ Այդ իմաստով Իրանն օրինակելի է, իսկ պատժամիջոցները գալիս են ու անց կենում։ Մնում է խոստումներին հավատարիմ մնալը։
Մեկնարկել է Հայրենիքի փրկության շարժման ղեկավարների հանդիպումը նախագահի հետ
(Թարմացված է 11:40 03.03.2021)
Հայրենիքի փրկության շարժման պատվիրակությունն այս պահին հանդիպում է ՀՀ նախագահ Արմեն Սարգսյանի հետ։ ԵՐԵՎԱՆ, 3 մարտի - Sputnik. Հայրենիքի փրկության շարժման պատվիրակությունն այս պահին հանդիպում է ՀՀ նախագահ Արմեն Սարգսյանի հետ։ Տեղեկությունը հայտնում է «Փաստինֆոն»։
Նախագահի հետ հանդիպմանը մասնակցում են «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։
«Հիմա գնում ենք նախագահի հետ հանդիպման, որից հետո պարզ կլինի նախագահի դիրքորոշումը, ինչու է այն փոխվել, և կպատասխանեմ ձեր հարցերին»,-հանդիպումից առաջ «Փաստինֆո»-ի թղթակցին ասել է «Հայրենիք» կուսակցության նախագահ Արթուր Վանցյանը
Բաքուն պահում է Հայաստանի ավելի քան 100 քաղաքացիների. սփյուռքի գործերի գլխավոր հանձնակատար
(Թարմացված է 11:25 03.03.2021)
Զարեհ Սինանյանը նշել է, որ Ռուսաստան կատարած այցի ընթացքում քննարկել է գերիների հարցը ՌԴ փոխարտգործնախարար Անդրեյ Ռուդենկոյի հետ:
ԵՐԵՎԱՆ, 3 մարտի - Sputnik. Ադրբեջանն իր մոտ է պահում Հայաստանի հարյուրից ավելի քաղաքացիների, հետաձգում է այդ հարցի լուծումն ու ձգձգում է Երևանի ու Բաքվի միջև երկխոսության մեկնարկը: ՌԻԱ Նովոստիին տված հարցազրույցում նման կարծիք է հայտնել Սփյուռքի հարցերով գլխավոր հանձնակատար Զարեհ Սինանյանը:
©
Sputnik / Asatur Yesayants
Սինանյանը նշել է, որ փետրվարի 24-ից մարտի 2-ը Ռուսաստան կատարած այցի ընթացքում քննարկել է այդ հարցը ՌԴ փոխարտգործնախարար Անդրեյ Ռուդենկոյի հետ:
«Մեզ համար գլխավոր թեման Ադրբեջանից հայ ռազմագերիների ու պահվող անձանց վերադարձն է, այդ հարցը քննարկել եմ նաև Ռուսաստանի ԱԳՆ-ում կայացած հանդիպման ժամանակ․․․ Գիտեմ, որ նրանք հարյուրից շատ են, բայց կոնկրետ թվեր չունեմ։ Մենք երկխոսություն ենք վարում, քանի որ ուզում ենք պարզել, թե քանի մարդ է Ադրբեջանում գերության մեջ հայտնվել, նրանք (Բաքվում - խմբ.) դա ավելի լավ գիտեն։ Հասկանալի է, որ ռազմական գործողություններից հետո մենք ունենք Ադրբեջանում գտնվող մարդկանց ցուցակ, անհետ կորածների ցուցակ էլ կա։ Եվ տվյալ դեպքում թվերը անընդհատ փոխվում են», - ավելացրել է նա։
Նրա խոսքով՝ Երևանը հույս ունի, որ Մոսկվան հետագայում էլ կնպաստի այդ հարցի կարգավորմանը։
«Մենք հույս ունենք, որ Ռուսաստանի Դաշնության հետ աշխատելիս մենք կկարողանանք հաջողության հասնել։ Ռուսական կողմը հավաստիացրել է, որ աջակցելու է այդ հարցի կարգավորմանը, և մենք հավատում ենք դրան։ Այդ հարցի ձգձգումը հետաձգում է Հայաստանի ու Ադրբեջանի միջև երկխոսության մեկնարկը», - ասել է Սինանյանը։
Հիշեցնենք, որ նոյեմբերի 9-ին՝ հրադադարի հաստատումից հետո, Հայաստան է վերադարձել 69 գերի։ Ադրբեջանում գտնվող հայ գերիների թվի վերաբերյալ պաշտոնական տվյալներ չկան։ Ոչ պաշտոնական տվյալներով՝ նրանց թիվը մոտ 300 է։
«Դըմփ–դըմփ–հու»–երով «փարթին» անարգանք է Արցախի, զոհերի ու գերիների նկատմամբ. Զոհրաբյան