Ռոբերտ Քոչարյան

«Հայաստանը վերադարձնում է ինքնիշխանությունը». Աշոտ Մանուչարյանը` Քոչարյանի գործի մասին

440
(Թարմացված է 15:48 10.08.2018)
Հայաստանին հետևողականորեն տանում էին դեպի ոչնչացում, այժմ գործընթացն այդ հաջողվեց կանգնեցնել, կարծում է Արցախյան շարժման առաջնորդներից մեկը։

ԵՐԵՎԱՆ, 10 օգոստոսի — Sputnik. ՀՀ երկրորդ նախագահ Ռոբերտ Քոչարյանի կալանավորումը Հայաստանի կորուսյալ ինքնիշխանության վերադարձման գործընթացի սառցալեռի միայն վերևի մասն է։ Այս մասին այսօր հրավիրված մամուլի ասուլիսին ասաց ազգային անվտանգության հարցերով ՀՀ առաջին նախագահի նախկին խորհրդական Աշոտ Մանուչարյանը։ 

Նրա համոզմամբ` 1999 թվականի հոկտեմբերի 27-ից հետո Հայաստանը կորցրեց իր անկախության վերջին ծիլերը։ Երկիրն անցում էր կատարել արտաքին կառավարման ռեժիմի։ Իսկ նախկին նախագահ Քոչարյանը, ինչպես նաև նրա հետնորդ Սերժ Սարգսյանը դրսից նշանակված ադմինիստրատորներ էին, կարծում է Մանուչարյանը։

«Հայաստանին հետևողականորեն կործանման էին տանում, Լիբիայի, Սիրիայի, Իրաքի օրինակով։ Գործընթացը հաջողվեց կանգնեցնել։ Այժմ ապամոնտաժվում է նախկին անճոռնի համակարգը։ Քոչարյանի գործով քրեական դատավարությունն այդ համատեքստում եմ դիտարկում», – ասաց Լևոն Տեր–Պետրոսյանի նախկին խորհրդականը։

Երկրորդ նախագահին պաշտպանող փաստաբաններին Մանուչարյանը քաղաքական դիվերսանտ անվանեց։ Նրա կարծիքով` նրանք փորձում են սաբոտաժի ենթարկել համակարգի ապամոնտաժումը։ Նախկին խորհրդականը դիվերսանտ է համարում նաև այն պատգամավորներին, որոնք հանդես են եկել որպես Քոչարյանին կալանքից ազատելու երաշխավոր։

Աշոտ Մանուչարյանը պնդում է, որ Քոչարյանը տապալել է սահմանադրական կարգը, ոչ թե 2008 թվականին, այլ դեռևս 2003-ին, երբ կեղծել է ընտրությունները և, փաստորեն, խափանել է Սահմանադրության մեջ փոփոխություններ մտցնելու հանրաքվեն։

Այժմ, քաղաքական գործչի կարծիքով, Քոչարյանն ու Սարգսյանը արտաքին խնամակալների դրդմամբ փորձում են դիմադրել, այդ պատճառով նրանց պետք է զրկել երկրի և հասարակության առողջացման գործընթացի վրա ազդելու բոլոր հնարավորություններից։

Ներկայիս վարչապետ Նիկոլ Փաշինյանի առանցքային խնդիրը քաղաքական գործիչը համարում է «թավշյա հեղափոխության» ձեռքբերումների պահպանումը և նոր պետության կառուցումը։

440
թեգերը:
Ռոբերտ Քոչարյան, Հայաստան
թեմա:
Ռոբերտ Քոչարյանի գործը (71)
Ըստ թեմայի
Նախաքննության շահերից է բխում Քոչարյանի անազատության մեջ մնալը. ՀՔԾ պետ
ՀՔԾ պետը` Հովիկ Աբրահամյանի մասին
Շարմազանով. «Այն պատճառաբանությունները, որ տալիս են ՀՔԾ-ն ու Դատախազությունը, անհիմն են»
ՀՔԾ–ում պետական միջոցների յուրացման նոր դեպք է բացահայտվել
Մենք իրավաբաններ չենք, բայց Քոչարյանի գործի վերաբերյալ ՀՔԾ պետի ՊԻՏԻ–ին կասկածելի է