Ցուցարարները պահանջում են Երևանի քաղաքապետի հրաժարական (25 հուլիսի 2018 թ.)

ՀՀԿ–ն չի մասնակցի Երևանի ավագանու նիստին

232
(Թարմացված է 13:04 15.07.2018)
Երևանի ավագանու նոր ընտրություններ կլինեն:

ԵՐԵՎԱՆ, 15 հուլիսի — Sputnik.  Երևանի ավագանու «Հանրապետական կուսակցություն» խմբակցությունը  պաշտոնապես հայտարարում է, որ Երևանի քաղաքապետի որևէ թեկնածություն չի առաջադրի հուլիսի 16-ին կայանալիք ընտրությանը. ավելին խմբակցությունը չի մասնակցի Ավագանու համապատասխան նիստին։

«Հաշվի առնելով երկրում ստեղծված նոր իրողությունը, Երևանի ավագանու «Հանրապետական կուսակցություն» խմբակցությունը հուլիսի 16-ին կայանալիք Երևանի քաղաքապետի ընտրություններին չի առաջադրելու թեկնածու և չի մասնակցելու Երևանի ավագանու համապատասխան նիստին։

Խորապես համոզված ենք, որ, ստեղծված իրավիճակում Երևան քաղաքի հետագա բնականոն և շարունակական զարգացումը ապահովելու նպատակով, նոր քաղաքապետին և ավագանու անդամներին պետք է ընտրեն մայրաքաղաքի բնակիչները»։

Հիշեցնենք, որ թեկնածու չի առաջադրելու նաև մայրաքաղաքի ավագանու «ԵԼՔ» խմբակցությունը։ Մինչ այս պահը թեկնածու առաջադրելու մասին հայտարարել էր միայն «Երկիր ծիրանին»

232
թեգերը:
Տարոն Մարգարյան