Ալեքսանդր Սարգսյան. ՀՀ երրորդ նախագահի եղբայրը

Սերժ Սարգսյանի եղբորորդին կկալանավորվի՞. կորոշի դատարանը

373
(Թարմացված է 21:32 10.07.2018)
ՀՀ Քննչական կոմիտեում քննվող քրեական գործով Սերժ Սարգսյանի եղբորորդուն պաշտոնապես մեղադրանք է առաջադրվել։

ԵՐԵՎԱՆ, 10 հուլիսի — Sputnik. Սերժ Սարգսյանի եղբոր` Ալեքսանդր Սարգսյանի որդի Հայկ Սարգսյանին սպանության փորձ կատարելու, ապօրինի կերպով հրազեն և ռազմամթերք ձեռք բերելու և պահելու մեղադրանք է առաջադրվել։ ՀՀ Քննչական կոմիտեից հայտնում են, որ նախաքննական մարմինը նրան նկատմամբ խափանման միջոց է ընտրել կալանավորումն ու այդ միջնորդությամբ դիմել դատարան։

Հիշեցնենք, Հայկ Սարգսյանին մեղադրանք է առաջադրվել 2007թ–ին կատարված սպանության փորձի համար։

2007 թ–ի ապրիլի 1-ին երեկոյան, Երևանի Թումանյան-Նալբանդյան փողոցների խաչմերուկում, Ալեքսանդր Սարգսյանի տան մոտ հնչած կրակոցից ստացած վնասվածքով հիվանդանոց էր տեղափոխվել Երևանի բնակիչ, 25–ամյա Դավիթ Սիմոնյանը։

Նույն օրը ոստիկանություն է ներկայացել նրա ընկեր Արթուր Ղևոնդյանը, ներկայացրել ատրճանակը, որից արձակվել էր կրակոցն ու հայտնել, որ այն գտել է մանկապարտեզի մոտից և անզգուշությամբ կրակել ընկերոջ վրա։

Այս փաստով հարուցված քրեական գործը որոշ ժամանակ անց կարճվել էր` տուժողի հետ հաշտվելու հիմքով, քանի որ Դավիթ Սիմոնյանը բողոք չէր ներկայացրել։

11 տարի անց` 2018 թ–ի հունիսի 29-ին Դ. Սիմոնյանը դիմում է ներկայացրել դատախազություն՝ նշելով, որ իրեն կրակել և մարմնական վնասվածքը պատճառել էր ոչ թե Ղևոնդյանը, այլ Հայկ Սարգսյանը՝ իրենց տան առաջին հարկում գտնվող թիկնազորի համար նախատեսված սենյակում։

Իսկ ընկերը կեղծ ցուցմունք էր տվել, քանի որ Սարգսյանները սպառնացել էին, որ հակառակ դեպքում երկար չի ապրի։

11 տարի առաջ կարճված քրեական գործը նոր հանգամանքների ի հայտ գալուց հետո վերաբացվել է։ Նախաքննությունը շարունակվում է։

373
թեգերը:
Հայաստան
թեմա:
ՀՀ նախագահ Սերժ Սարգսյան (142)
Ըստ թեմայի
Ալեքսանդր Սարգսյանն ԱԱԾ աշխատակիցների ուղեկցությամբ հեռացել է տնից
ԱԱԾ–ն գործողություններ է իրականացնում Ալեքսանդր (Սաշիկ) Սարգսյանի տանը. լուսանկարներ
Ոստիկանապետը խոսել է Ալեքսանդր(Սաշիկ) Սարգսյանի մեքենայի խուզարկության մասին