ԵՐԵՎԱՆ, 25 հունիսի — Sputnik. Վաչագան Ղազարյանը ձերբակալվել է։
ՀՀ հատուկ քննչական ծառայությունից տեղեկացնում են, որ վարույթ ընդունված քրեական գործով ծառայության քննիչի որոշմամբ ձերբակալված Ազգային անվտանգության ծառայության պետական պահպանության ծառայության պետի նախկին առաջին տեղակալը կասկածվում է ՀՀ քրեական օրենսգրքի 310.1-րդ հոդվածով և 314.3-րդ հոդվածի 2-րդ մասով նախատեսված հանցանքների կատարման մեջ։
Նշված հոդվածները ենթադրում են ապօրինի հարստանալը, ինչպես նաև «Հանրային ծառայության մասին» ՀՀ օրենքով նախատեսված հայտարարագրերում կեղծ տվյալներ ներկայացնելը և հայտարարագրման ենթակա տվյալները թաքցնելը:
Նախաքննությունը շարունակվում է:
