ԵՐԵՎԱՆ, 17 հունիսի — Sputnik. Ազգային անվտանգության ծառայությունը տեղեկացրել է Ազգային ժողովի նախագահ Արա Բաբլոյանին պատգամավոր Մանվել Գրիգորյանին բերման ենթարկելու փաստի մասին։
Տեղեկությունը տարածել է ԱԺ աշխատակազմի տեղեկատվության և հասարակայնության հետ կապերի վարչության պետ Կնյազ Սարոյանը։
Հաղորդագրությունն ամբողջությամբ.
«Հարգելի լրագրողներ, ի պատասխան Ձեր հարցումների՝
Հայտնում ենք, որ նախօրեին ՀՀ Ազգային ժողովի նախագահը ստացել է ՀՀ ԱԱԾ-ի կողմից գրություն այն մասին, որ պատգամավոր Մանվել Գրիգորյանը ժամը 18.00-ին ձերբակալվել է»։
Հիշեցնենք, որ երեկ` հունիսի 16-ին ՀՀ ԱԺ պատգամավոր Մանվել Գրիգորյանը բերման է ենթարկվել ԱԱԾ։ Խուզարկությունների արդյունքում առգրավվել է մեծ քանակությամբ զենք և զինամթերք։
