Նիկոլ Փաշինյան

Ո՞վ կմնա Փաշինյանի կողքին. նախարարի հրաժարակա՞ն, թե՞ քաղաքական ճգնաժամ

491
(Թարմացված է 15:07 13.06.2018)
Նոր կառավարության առաջին հրաժարականն արդեն մեծ աղմուկ է առաջացրել։ Քաղաքագետը համարում է, որ նախարարի հրաժարականը պետք է օրինակ դառնա մյուսների համար։

ԵՐԵՎԱՆ, 13 Հունիս — Sputnik. ՀՀ աշխատանքի և սոցիալական հարցերի նախարար Մանե Թանդիլյանի հրաժարականը բացառապես իր դիրքորոշման հետևանք էր։ Sputnik Արմենիայի հետ զրույցում, մեկնաբանելով ՀՀ կառավարությունում կուտակային կենսաթոշակային համակարգի շուրջ տեղի ունեցած խմորումները, ասաց քաղաքագետ Երվանդ Բոզոյանը։

«Կարծում եմ, որ նրա քայլն օրինակ պետք է ծառայի բոլորի համար։ Պաշտոնյաներն իրենց դիրքորոշումը պետք է ավելի բարձր դասեն, քան նախարարական աթոռը»,- ասաց նա` կարծիք հայտնելով, որ եթե Մանե Թանդիլյանի օրինակին հետևեր նաև Արծվիկ Մինասյանը, դրանից ՀՅԴ վարկանիշն ավելի կբարձրանար։

Քաղաքագետը հիշեցրեց, որ եթե Մանե Թանդիլյանը ժամանակին ակտիվ մասնակցում էր կուտակային կենսաթոշակային համակարգի դեմ պայքարող «Դեմ եմ» շարժմանը, ապա Արծվիկ Մինասյանը հենց ՍԴ-ում էր ներկայացնում շարժման շահերը։

«Այս իմաստով նրա երկիմաստ պահվածը բացասաբար է ազդելու իր կուսակցության իմիջի վրա», —ասաց Բոզոյանը։

Ինչ վերաբերում է կուտակային կենսաթոշակային համակարգին, Բոզոյանի համոզմամբ, երկիրը, որը պաշտոնական տվյալներով ավելի քան 30% աղքատություն ունի, նման ռեֆորմներ չպիտի անի։

Միաժամանակ Նիկոլ Փաշինյանն ու իր քաղաքական թիմը, քաղաքագետի դիտարկմամբ, խորհրդարան ներկայացրած մեկ այլ օրինագծով էլ հարվածում են հեղափոխական պայքարում իրենց սատարած «Ծառուկյան» դաշինքի շահերին։ Խոսքը «Բարեգործության մասին» օրենքում նախատեսվող փոփոխությունների մասին է։ Նախագծով սահմանվում է, թե որ ծրագրերն են ենթակա բարեգործական որակմանը և որոնք կարող են որակվել որպես հարկային արտոնություններ ստացող: Այս սահմանափակումը շատ ցավոտ են ընդունել «Ծառուկյան» դաշինքի ներկայացուցիչները`նշելով, որ այն ուղղված է Գագիկ Ծառուկյանի բարեգործական գործունեության դեմ։

Քաղաքագետ Երվանդ Բոզոյանը հիշեցնում է, որ Փաշինյանը նախկինում էլ էր հայտարարել, որ ընտրություններից առաջ արվող բարեգործությունն ընտրակաշառք է և այն պետք է արմատախիլ արվի։

«Նույն հարաբերություններն են նաև ՀՅԴ-ի հետ, որովհետև Արմեն Ռուստամյանի արձագանքը Արծվիկ Մինասյանի ու Նիկոլ Փաշինյանի վեճին նույնպես ցույց է տալիս, որ Դաշնակցությունն էլ ոգևորված չէ այսպիսի վիճակով։ Հիշենք նաև Սարդարապատի օրը, երբ ՀՅԴ-ին փաստացի չէին հրավիրել»,- ասաց Բոզոյանը։

Եվ այդուհանդերձ, նոր իշխանությունում առկա քողարկված ճգնաժամն արդեն որոշ դեպքերում բացահայտվել է, բայց, քաղաքագետի դիտարկմամբ, ինստիտուցիոնալ ճգնաժամ այսօր չկա։

Թավշյա հեղափոխության արդյունքում խախտված քաղաքական դաշտը`ընդդիմության և իշխանության դասական բաժանմամբ, Բոզոյանի կարծիքով, հնարավոր կլինի վերականգնել միայն առաջիկա արտահերթ ընտրությունների արդյունքում, իսկ մինչ այդ սկսված խմորումները կշարունակվեն ու գուցե նաև խորանան։

Հիշեցնենք` հունիսի 11-ին ՀՀ կառավարությունն արտահերթ նիստում ընդունել է կուտակային կենսաթոշակային պարտադիր համակարգում փոփոխություններ անելու մասին նախագիծը, որով առաջարկվում է գործող 5/5 համամասնության փոխարեն սահմանել 2.5/7.5 համամասնությամբ վճարում, այսինքն վճարման 2.5%-ը պետք է վճարի քաղաքացին, 7.5%-ը`պետությունը։ Նիկոլ Փաշինյանը նշեց, որ դրանով շահառու քաղաքացիների բեռը զգալի կնվազի, աշխատավարձերը որոշակի չափով կավելանան։

Տնտեսական զարգացման և ներդրումների նախարար Արծվիկ Մինասյանը դեմ արտահայտվեց նախագծին` նշելով, որ իր քաղաքական թիմը` ՀՅԴ-ն, սկզբունքորեն դեմ է պարտադիր բաղադրիչին, և ինքը չի կարող կողմ լինել նախագծին։

Վարչապետ Փաշինյանին զայրացրեց նախարարի այս դիրքորոշումը։ Նա ասաց, որ ոչ ոք չպետք է դեմ քվեարկի ընդունվող որոշումներին։

Երեկ հայտնի դարձավ, որ հրաժարականի դիմում է ներկայացրել ՀՀ աշխատանքի և սոցիալական հարցերի նախարար Մանե Թանդիլյանը, որը մինչ այդ նախագիծ էր ներկայացրել հուլիսի 1-ից ուժի մեջ մտնող պարտադիր բաղադրիչը մեկ տարով հետաձգելու մասին։

Լուրեր տարածվեցին նաև Արծվիկ Մինասյանի հրաժարականի մասին, որոնք ավելի ուշ հերքվեցին։

491
թեգերը:
Մանե Թանդիլյան, Արծվիկ Մինասյան, Նիկոլ Փաշինյան, Հայաստան
Հանրապետության հրապարակ

Անկախ բոլոր տարաձայնություններից` Հայաստանում քաղաքական ուժերը միավորում են ջանքերը

5
(Թարմացված է 14:15 27.09.2020)
Ընդդիմադիր ուժերը վաղ առավոտից աջակցություն ու համերաշխություն են հայտնում` իրենց հնարավորություններն ու ջանքերը ներդնելու հանուն Հայոց բանակի և ժողովրդի։

ԵՐԵՎԱՆ, 27 սեպտեմբերի– Sputnik. Հայաստանյան ընդդիմադիր քաղաքական ուժերը մի կողմ են դնում քաղաքական տարաձայնություններն ու միավորում ջանքերն ընդդեմ հակառակորդի։ Այսօր առավոտից աջակցության և համերաշխության հայտարարություններով են հանդես եկել ՀՀԿ առաջնորդ, ՀՀ երրորդ նախագահ Սերժ Սարգսյանը, «Բարգավաճ Հայաստան» կուսակցության առաջնորդ Գագիկ Ծառուկյանը, ԱԺ «Լուսավոր Հայաստան» խմբակցության ղեկավար Էդմոն Մարուքյանը, Հայ Հեղափոխական Դաշնակցությունը։

«Այս վճռական պահին Հայաստանի Հանրապետական կուսակցության գործադիր մարմինը համերաշխության և միասնության կոչ է անում մեր բոլոր հայրենակիցներին` վերահաստատելով իր պատրաստակամությունը՝ կանգնելու հայրենիքի, պետության և հայ զինվորի կողքին: Նենգ թշնամու կողմից պարտադրված պայքարում այլևս յուրաքանչյուրս մեր հայրենիքի պաշտպանն ենք: Մենք պարտավոր ենք սթափ գնահատել ստեղծված իրավիճակը և լինել մեր բանակի կողքին, նրա շարքերում, նաև ամուր թիկունք լինել` անկախ քաղաքական տարաձայնություններից»,– նշված է Սերժ Սարգսյանի գրասենյակի տարածած հաղորդագրության մեջ։
Նշվում է` հայրենիքն ամենաթանկն է և նրա պաշտպանությունը վեր է ամեն ինչից:
ՀՀԿ-ն հայտնել է այն մասին, որ ներդնում է իր ողջ ներուժը, այդ թվում՝ փորձառությունն ու դիվանագիտկան կապերը՝ սատար կանգնելու Արցախի ժողովրդի։
«Արցախը չի՛ լինելու Ադրբեջանի կազմում երբեք: Աստված պահապան մեր ժողովրդին և արդար պայքարին»,– եզրափակվում է հայտարարությունը։

Համախմբման մասին Facebook-ի պաշտոնական էջում գրառում է կատարել նաև Գագիկ Ծառուկյանը։

«Այսօր բոլորս պետք է համախմբվենք հայ զինվորի կողքին: Մեր ուժը մեր միասնությունն է: Հայ զինվորն ու հայկական բանակն անպարտելի են:
Աստված պահապա՛ն Հայաստանի և Արցախի հանրապետություններին, մեր զինվորներին, սպաներին և հայ ժողովրդին»,– նշված է հաղորդագրության մեջ։
ԱԺ ընդդիմադիր խմբակցության`«Լուսավոր Հայաստանի» ղեկավար Էդմոն Մարուքյանն էլ Facebook–ի իր էջում հայտնել է, որ առավոտից սկսած մի կողմ են թողնվել բոլոր ներքին տարաձայնությունները՝ մեկտեղելով ջանքերը՝ հանուն մեր պետականության ու ռազմական նոր հաջողությունների։
«Նպատակը մեկն է՝ ջարդել թշնամու ողնաշարը բոլոր ուղղություններով՝ ռազմականից մինչև դիվանագիտական։ Կեցցե՜, Հայ Ազգը, կեցցե՜ Արցախի Հանրապետությունը, կեցցե՜ Հայաստանի Հանրապետությունը, կեցցե՜ Հայոց Բանակը»,– գրել է Մարուքյանը։
Հայ Յեղափոխական Դաշնակցության գրասենյակն էլ հաղորդագրություն է տարածել, որում նշված է, թե կուսակցությունն իր ողջ համահայկական կարողականությամբ և վճռականությամբ կագնած է Հայոց բանակի կողքին:

ՀՅԴ–ական կամավորականներն էլ վաղ առավոտից անդամագրվում են ճակատ մեկնելու համար։ «Կամավորական շարժում» ՀԿ նախագահ Հրանտ Մարգարյանը հայտարարել էր, որ գնում են ճակատ առանց հավակնությունների` պատրաստ կատարելու Հայոց բանակի հրամանատարության կարգադրությունները;

https://www.facebook.com/marukyan.edmon/posts/4414564911948535

https://www.facebook.com/GagikTsarukyan/posts/10159150422112845

https://www.facebook.com/3rdPresidentofRA/posts/458598541738188

5
թեմա:
Ադրբեջանական ագրեսիա Արցախում. 2020
Աննա Նաղդալյան

ԱԳ նախարարը մշտական կապի մեջ է ԵԱՀԿ ՄԽ համանախագահների հետ

8
(Թարմացված է 13:42 27.09.2020)
Այս պահին իրենց նպատակը լարվածության թուլացումն է, համապարփակ ճիշտ տեղեկատվության տրամադրումը։

ԵՐԵՎԱՆ, 27 սեպտեմբերի– Sputnik. Ամբողջ դիվանագիտական ծառայությունն այս պահին աշխատում է արտակարգ ռեժիմով։ Տեղեկությունն այսօր կայացած ճեպազրույցի ժամանակ հայտարարեց ԱԳՆ մամուլի խոսնակ Աննա Նաղդալյանը։

«Ադրբեջանի ագրեսիայի հետևանքով ստեղծված իրավիճակի մասին համապատասխան տեղեկատվություն է փոխանցվել տարբեր երկրների գերատեսչություններին, միջազգային կազմակերպություններին»,– նշեց Նաղդալյանը` հավելելով, որ վաղ առավոտից նախարար Զոհրաբ Մնացականյանը մշտական կապի մեջ է ԵԱՀԿ Մինսկի խմբի համանախագահների հետ։ 

Նախարարը նաև մշտական կապ մեջ է ՌԴ և մի շարք այլ երկրների պաշտոնակից գործընկերների հետ։

Կան որոշակի ավերածություններ, կորուստներ, դրանք հիմնականում չնչին են. Հովհաննիսյան

«Այն արձագանքը, որ ստանում ենք, սա է`«անհապաղ դադարեցնել բոլոր գործողությունները տեղում»,– նշեց Նաղդալյանը` շեշտելով, որ այս պահին իրենց նպատակը լարվածության թուլացումն է, համապարփակ ճիշտ տեղեկատվության տրամադրումը։

Նրա գնահատմամբ`այս պահի դրութմաբ լիակատար փոխըմբռնում կա միջազգային գործընկերների հետ։

8
թեգերը:
հայ-ադրբեջանական, Աննա Նաղդալյան, Արտաքին գործերի նախարարություն (ԱԳՆ), ԵԱՀԿ Մինսկի Խումբ
Ըստ թեմայի
«ՊԲ-ն կասեցնում է թշնամու առաջխաղացումը՝ պատճառելով ծանր կորուստներ». Տոնոյանի կոչը
Օդային տագնապ Շուշիում. տեսանյութ
Հանրապետության հրապարակում զորահավաք է, ազատամարտիկները հավաքվում են. տեսանյութ

Հակառակորդի հրետակոծությունից վնասված բնակելի տները Ստեփանակերտում. նոր տեսանյութ

0
Ադրբեջանը թիրախավորում է բնակելի տներն ու խաղաղ բնակիչներին։

Արցախի տեղեկատվական շտաբը նոր տեսանյութ է հրապարակել, որտեղ երևում է, թե ինչ վնասներ են եղել Արցախում հակառակորդի կրակոցների հետևանքով։

«Ադրբեջանական զինուժի օդային հարձակումների թիրախը քաղաքացիական անձինք ու շինություններն են: Տեսանյութը ներկայացնում է վաղ առավոտյան հակառակորդի հրետակոծության հետևանքով վնասված Ստեփանակերտի բնակելի տները: Մայրաքաղաքի ամենաբնակեցված հատվածում բնակվող ընտանիքը հրաշքով է փրկվել, առողջություն Ստեփանակերտի բժշկական կենտրոն տեղափոխված փոքրիկին...»,–նշված է շտաբի ֆեյսբուքյան էջում։

Տեսանյութում կինը պատմում է, թե ինչպես է հրետակոծության հետևանքով երեխան իր գիրկն ընկել։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

Ինչպես է այրվում ադրբեջանական զրահատեխնիկան. նոր տեսանյութ

0
թեգերը:
կրակոց, տեսանյութ, Արցախ
Ըստ թեմայի
Պաշտոնական Ստեփանակերտը հերքում է 10 զոհերի մասին տեղեկությունը
Արցախում ավելի քան 50 վիրավոր կա. բոլորը խաղաղ բնակիչներ են
Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը