ԵՐԵՎԱՆ, 25 ապրիլի — Sputnik. «Բարգավաճ Հայաստան» կուսակցությունն իր անդամներին կոչ է անում բոլոր մարզերում և մայրաքաղաք Երևանում մոբիլիզացվել և դուրս գալ փողոց։
Նման հայտարարությամբ է հանդես եկել «Բարգավաճ Հայաստան» կուսակցության քաղաքական խորհուրդը։
«Հաշվի առնելով այն հանգամանքը, որ «Բարգավաճ Հայաստան» կուսակցությունը՝ նախագահ Գագիկ Ծառուկյանի գլխավորությամբ հայտարարել էր, որ միանում է համաժողովրդական ընդվզման ալիքին և կանգնած է ժողովրդի կողքին, կոչ ենք անում մեր բոլոր կուսակիցներին հանրապետության բոլոր մարզերում և մայրաքաղաք Երևանում մոբիլիզացվել և դուրս գալ փողոց, լինել ժողովրդի կողքին»,– ասված է հայտարարության մեջ:
Հիշեցնենք` մինչ այդ, ապրիլի 22-ին` Սերժ Սարգսյանի հրաժարականից րոպեներ առաջ ԲՀԿ–ն հայտարարել էր, որ աջակցում է ժողովրդական շարժմանը։
