ԵՐԵՎԱՆ, 6 սեպտեմբերի — Sputnik. ՀՀ արտգործնախարարությունում հաստատել են, որ Հայաստանի և Ադրբեջանի արտգործնախարարներ Էդվարդ Նալբանդյանն ու Էլմար Մամեդյարովը սեպտեմբերին կհանդիպեն ՄԱԿ-ի գլխավոր վեհաժողովի հարթակում։ Այս մասին Sputnik Արմենիային հայտնեց ԱԳՆ մամուլի քարտուղար Տիգրան Բալայանը։
Նա նշեց, որ հանդիպումը համաձայնեցված է, սակայն օրը դեռ չի որոշվել։
Ադրբեջանի արտաքին գործերի նախարար Էլմար Մամեդյարովն այսօր հայտարարել է, որ հանդիպման անցկացումը համաձայնեցվել է ԵԱՀԿ Մինսկի խմբի համանախագահների հետ։
Վերջին անգամ արտգործնախարարները հանդիպել էին հուլիսի 11-ին Բրյուսելում։ Հանդիպմանը մասնակցել էր նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը։
