ԵՐԵՎԱՆ, 15 հունիսի — Sputnik. ՀՀԿ ԳՄ նիստում իշխող կուսակցությունն այսօր քննարկել է կառավարության գործունեության ծրագրի նախագիծը։ Այս մասին նիստի ավարտին հայտարարել է կուսակցության խոսնակ Էդուարդ Շարմազանովը։ Ըստ ծրագրով նախանշված ցուցանիշների՝ առաջիկա 5 տարում նվազագույն աշխատավարձը կաճի 25%-ով, տնտեսական աճը կկազմի տարեկան 5%, գործազրկությունը կնվազի 12%-ով։
Շարմազանովի խոսքով՝ ծրագրում մեծ ուշասրություն է հատկացվում նաև հակակոռուպցիոն բլոկին և ՀՀ անվտանգության խնդիրներին։ «Նախատեսում ենք նաև տարեկան 3 մլն զբոսաշրջիկների այց ՀՀ»,- ասաց Շարմազանովը՝ հավելելով, որ ծրագրի մանրամասները վարչապետը կներկայացնի ԱԺ-ում։
Կառավարության ծրագրի ներկայացման ժամանակ Կարեն Կարապետյանը կներկայացնի նաև գործող կառավարության իրականացրած քայլերն անցած ամիսների ընթացքում։
