ԵՐԵՎԱՆ, 25 մարտի — Sputnik. Օրերս մամուլում տեղեկություն տարածվեց, որ ՕՐՕ դաշինքի ղեկավարներից Րաֆֆի Հովհաննիսյանը ցանկանում է դուրս գալ քաղաքական դաշտից: Նշվում էր, որ պատահական չէ, որ նա ՕՐՕ դաշինքի 11-րդ հորիզոնականում է, որը ոչ մի դեպքում անցողիկ չի համարվում։
ՕՐՕ դաշինքի անդամ Հովսեփ Խուրշուդյանը Sputnik Արմենիայի զանգին ի պատասխան հերքեց այս տեղեկությունը: «Սա բացարձակ ապատեղակատվություն է: Րաֆֆի Հովհաննիսյանն անձամբ է հերքել այս լուրը: Նա չի պատրաստվում դուրս գալ քաղաքականությունից, չի պատրաստվում հեռանալ հայրենիքից և, բարեբախտաբար, առողջական խնդիրներ չունի»,-մեզ հետ զրույցում նշեց Խուրշուդյանը:
ՕՐՕ դաշինիք կարծիքով՝ այս ինֆորմացիան տարածում են Բաղրամյան 26-ին պատկանող լրատվամիջոցները և անում են դա՝ դաշինքը պառակտելու նպատակով:
Հիշեցնենք, որ ըստ տարածված տեղեկության՝ Րաֆֆի Հովհաննիսյանը ոչ միայն որոշել էր լքել քաղաքականությունն, այլև մտադիր էր առաջիկայում վերականգնել իր ամերիկյան քաղաքացիությունը, որից հրաժարվել էր 1991թվականին։
