ԵՐԵՎԱՆ, 24 փետրվարի — Sputnik. Սերժ Թանկյանը ֆեսբուքյան իր էջում ներկայացրել է կայքը, որի միջոցով մարդիկ կարող են գրանցվել և իրենց մասնակցությունը բերել ապրիլին կայանալիք խորհրդարանական ընտրություններին, ապա հրապարակել է օրերս նկարահանած մի տեսանյութ։
Տեսանյութում նա, մասնավորապես ասում է.
«Հայաստանի քաղաքացիները հաճախ քվեարկել են ոչ իրենց ցանկությամբ։ Ենթարկվել են կաշառքի, քվեարկել են վախի ազդեցությամբ։ Այլ երկրներում ապրող քաղաքացիները հիմնականում զրկված են եղել քվեարկելու իրավունքից։ Ինչո՞ւ, քանի որ քվեն ճշմարտություն է, քվեն ուժ է, քվեն ժողովրդի կամքն է։
Ես Հայաստանում չեմ ապրում և այնտեղ քվեարկելու իրավունք չունեմ, բայց ամբողջ սրտով ուզում եմ աջակցել` ստեղծելու համար ավելի լուսավոր ապագա մեր բոլորի համար
Մենք քաջալերում ենք անկախ դիտորդների առկայությունն ընտրատեղամասերում` իբրև աչքեր ու ականջներ` ձեր քվեարկության պահպանման»։
