ԵՐԵՎԱՆ, 26 հունվարի — Sputnik. Երեկ Մշակույթի նախարար Արմեն Ամիրյանը հեռուստաեթերից հայտարարեց, որ համալրելու է Հանրապետական կուսակցության շարքերը։
Sputnik Արմենիայի հետ զրույցում ՀՀ մշակույթի նախարարի մամուլի խոսնակ Ռուզան Խաչատրյանն ասաց, որ նախարար Ամիրյանն արդեն դիմում է ներկայացրել ՀՀԿ-ի շարքերն անդամագրվելու համար։ Դիմումի հետագա ընթացքի մասին դեռևս տեղեկություն չկար։
Հանրապետական կուսակցությունից մեզ տեղեկացրին, որ Արմեն Ամիրյանի դիմումն արդեն ընդունվել է, նա արդեն կուսակցության անդամ է և այսօր մասնակցելու է ՀՀԿ խորհրդի նիստին։