Էդուարդ Շարմազանով

Շարմազանով. Բաքվի արձագանքը Արցախի ՈՒՀԱ թիմերի մասնակցությանը կվնասի Ադրբեջանին

51
Ադրբեջանական կողմի արձագանքը Սոչիում ՈՒՀԱ փառատոնում Ստեփանակերտի թիմերի մասնակցության վերաբերյալ օգուտ չի տա նրանց, կարծում է Հայաստանի խորհրդարանի փոխխոսնակ Էդուարդ Շարմազանովը։

ԵՐԵՎԱՆ, 13 հունվարի — Sputnik. Ադրբեջանի արձագանքը Սոչիում «ԿիՎիՆ» փառատոնում Ստեփանակերտի թիմերի մասնակցությանը ոչ ադեկվատ է, Sputnik Արմենիային ասաց Հայաստանի խորհրդարանի փոխխոսնակ Էդուարդ Շարմազանովը։

Ադրբեջանի տարածքային ամբողջականությունը Լեռնային Ղարաբաղի Հանրապետության հետ ոչ մի կապ չի ունեցել, չունի և չի ունենա։ Ղարաբաղը երբեք չի եղել ինքնավար Ադրբեջանի կազմում, և երբ Բաքվի գործընկերները պնդում են երկրի տարածքային ամբողջականության մասին, թող ավելի լավ է ուսումնասիրեն սեփական ժողովրդի և պետության պատմությունը»,- ասաց Շարմազանովը։

Նրա խոսքով` Բաքվի արձագանքը PR է, որը վնասում է Ադրբեջանին։ Շարմազանովը նշեց, որ չի կարելի քաղաքականությունը խառնել մշակույթի և սպորտի հետ։

«Նրանք ասելիք չունեն, ուստի հանդես են գալիս ՈՒՀԱ-ի և Մասլյակովի դեմ։ Դա վնասում է ադրբեջանական ՈՒՀԱ-ին, ադրբեջանական պետությանը։ ՈՒՀԱ-ն, սպորտը և մշակույթը երբեք չի կարելի խառնել քաղաքականության հետ։ Այդպես եղել է հին հույների ժամանակներից, մարդկությունը գնում է այդ ուղիով», — ասաց Շարմազանովը։

«ԿիՎիՆ-2017» Ուրախների և հնարամիտների ակումբի միջազգային հերթական փառատոնը սկսվել է հունվարի 10-ին և կավարտվի հունվարի 23-ին։ Փառատոնին մասնակցում են երկու արցախյան թիմեր` «Դլե յաման» և «Աղ ու հացով»։

Русская версия

 

51
թեմա:
ԱԺ փոխնախագահ Էդուարդ Շարմազանով (95)