Բանակին վերաբերող օրինագիծը՝ կոռուպցիոն ռիսկերի բացահայտման առիթ
ԵՐԵՎԱՆ, 15 նոյեմբերի — Sputnik, Նելլի Դանիելյան. Աժ-ում յուրաքանչյուր աշխատողից 1000 դրամ պահելու աղմկահարույց նախագծի քննարկման արդյունքում բանակի գեներալների ապօրինի հարստացման հարցի արծարծումից հետո ԱԺ-ի ամբիոնին մոտեցավ ՀՀԿ-ական պատգամավոր, գեներալ Սեյրան Սարոյանը:
Նա իր ելույթում չժխտեց, որ կան բանակի հաշվին հարստացածներ:
«Բանակից ով ինչ գողացավ, կերավ, քթերից դուրս է գալու: Իրենցj] էլ դուրս չգա՝ իրենց երեխաների քթերից է դուրս գալու: Ես չեմ տեսել, որ զինվորի հաց գողացողները հանկարծ կրակի մեջ չընկնեն: Կամ երեխեքը նարկոման են դառնում, կամ ղումարբազ, կամ էլ կազինոներում էդ փողերը քամուն են տալիս», —ասաց նա՝ կոչ անելով նման մարդկանց պատժելու գործը թողնել Աստծոն:
«Ավելի լավ է Աստված պատժի, քան թե դատախազը»,- ասաց Սեյրան Սարոյանը:
©
Sputnik / David Galstyan
ԱԺ պատգամավոր Նիկոլ Փաշինյանն իր ելույթում նախ հայտարարեց, որ կողմ է քվեարկելու օրինագծին, ապա հավելեց, որ բոլորը պետք է 1000 դրամ վճարեն որպես տույժ, քանի որ չեն կարողացել ստեղծել արդյունավետ իշխանություն:
Ինչ վերաբերում է բանակի վրա ծախսվող գումարներին, Նիկոլ Փաշինյանը նշեց, որ բանակում զինվոր ունեցող ընտանիքները ստիպված են լինում սեփական միջոցներով հոգալ զինվորի կարիքները և դրա համար մեծ գումարներ են ծախսում:
«Եթե ուզում ենք ծնողներին լավություն անել, եկեք այնպես անենք, որ զինվորի ծնողն ազատվի Վերնիսաժից սապոգ առնելու, ներքնաշոր, գուլպա, հազար ու մի բաներ առնելու պարտականությունից», — ասաց Փաշինյանը:
Նա անդրադարձավ նաև պահեստազորի սպաների ծանր սոցիալական վիճակին:
«Մեր չինովնիկները 400 հազար դոլարանոց մեքենաներից իջնում են ու լրագրողների առաջ կանգնում ասում ` դե մեր պետության միջոցները սուղ են: Սուղ են` առաջինը ձեզ համար թող սուղ լինեն», — ասաց նա:
©
Sputnik / Aram Nersesyan
Անդրադառնալով նախագծին` Նիկոլ Փաշինյանը հայտարարեց, որ ամեն օր կա պատերազմի հավանականություն, ուստի պետք է ապրել` «ամեն ինչ ճակատի համար» սկզբունքով, սակայն սրան զուգահեռ ՀՀ քաղաքացիները պետք է հստակ իմանան` ինչ գույք ու միջոցներ ունեն երբևէ որևէ բարձրաստիճան պաշտոն զբաղեցրած մարդիկ:
Սա պետական մենաշնորհ է, հասարակությանը կարող է օգտակար լինել, իր ելույթում այդպիսի կարծիք հայտնեց ԱԺ ՀԱԿ խմբակցության քարտուղար Արամ Մանուկյանը՝ նշելով, որ նման նախաձեռնությունները պետք է լինեն կամավոր սկզբունքով:
«Պարտադրանքով հերոսություն չի կարող լինել»,- ասաց նա,- «պետությունը պետք է այս խնդիրը լուծի: Պետությունը պետք է իր հնարավորություններով գումար դնի ու ասի՝ ժողովուրդ ջան, մի քիչ վիճակը ծանր է, դու էլ օգնիր»:
Արամ Մանուկյանն անհրաժեշտ գումարները հայհայթելու աղբյուրներ ևս մատնացույց արեց: Վկայակոչելով միջազգային տարբեր կառույցների տվյալներն այն մասին, որ Հայաստանից տարեկան դուրս է գալիս 1-1,5 մլրդ դոլար՝ պատգամավորը կոչ արեց պատկան կառույցներին ճշտել իսկությունն ու այդ գումարներն ուղղել բանակին:
Ինչ վերաբերում է բյուջեում անհրաժեշտ գումար չունեցող երկրում բնակվող միլիոնատերերին, ՀԱԿ պատգամավորը նշեց, որ ինքը ճանաչում է ՀՀ-ում բնակվող 5 միլիարդատերերի և ԱԺ դահլիճում գտնվող պաշտոնապես միլիոնատերեր համարվող 60 պատգամավորի և խորհուրդ տվեց պետությանն աջակցելու հարցով հենց նրանց դիմել:
Փաշինյան–Ծառուկյան հանդիպումն այսօր չի կայանա. սպասում են քաղաքական խորհրդի որոշմանը
(Թարմացված է 11:52 05.03.2021)
Հնարավո՞ր է, որ ԲՀԿ–ն հրաժարվի Վազգեն Մանուկյանի գլխավորությամբ ժամանակավոր կառավարության ձևավորման` ընդդիմադիր շարժման առաջ քաշած դիրքորոշումից ու ընդունի խորհրդարանը ցրելու և նոր ընտրություններ անցկացնելու Փաշինյանի առաջարկը։
ԵՐԵՎԱՆ, 5 մարտի - Sputnik. ՀՀ վարչապետ Նիկոլ Փաշինյանի` արտահերթ ընտրությունների առաջարկը ԲՀԿ–ն չի քննարկել։ Տեղեկությունն այսօր ԱԺ–ում կայացած ճեպազրույցում հայտնեց «Բարգավաճ Հայաստան» խմբակցության պատգամավոր Իվետա Տոնոյանը։
«Քանի որ այսօր կուսակցության քաղխորհրդի նիստ նախատեսված չէ, հետևաբար Նիկոլ Փաշինյան– Գագիկ Ծառուկյան հանդիպում ևս նախատեսված չէ»,–ասաց Տոնոյանը` հավելելով, որ այդ որոշումը պետք է բացառապես քաղաքական խորհրդի ձևաչափում կայացվի։ Այսինքն` ի հայտ եկած նոր իրողությունների քննարկում լինի, քաղաքական ներկա իրավիճակի ուսումնասիրություն, վերլուծություն և ըստ այդմ`քաղաքական դիրքորոշում։
©
Sputnik / Asatur Yesayants
«Այս պահին մենք ձեռնպահ ենք մնում հարցի հետ կապված մեր անձնական դիրքորոշումը ներկայացնելուց, մինչ այն պահը, երբ քաղաքական խորհուրդը` Գագիկ Ծառուկյանի գլխավորությամբ, կքննարկի որոշումը»,– ասաց Տոնոյանը` պատասխանելով հարցին` հնարավո՞ր է, որ ԲՀԿ–ն հրաժարվի Վազգեն Մանուկյանի գլխավորությամբ ժամանակավոր կառավարության ձևավորման` ընդդիմադիր շարժման առաջ քաշած դիրքորոշումից ու ընդունի խորհրդարանը ցրելու ու նոր ընտրություններ անցկացնելու Փաշինյանի առաջարկը։
«Բարգավաճ Հայաստան» խմբակցության պատգամավոր Միքայել Մելքումյանն էլ շեշտեց, որ արտահերթ ընտրությունների անցկացումը նաև իրենց օրակարգում է։ «Խնդիրը դրանց անցկացման ժամկետի ու ձևաչափի մեջ է։ Բայց որ ճգնաժամ կա, ու այն երկար չի կարող շարունակվել, միանշանակ է»,– ասաց նա։
Մելքումյանը նշեց, որ կառավարման համակարգը չի գործում ու իր հաշվարկով դրա հետևանքով Հայաստանի տնտեսությունն օրական 5-7 մլն դոլար գումար է կորցնում։ Եվ սա, նրա խոսքով, ամիսներ շարունակվել այլևս չի կարելի։
Հիշեցնենք, որ մարտի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
«Բարգավաճ Հայաստանը» վարչապետ հետ հանդիպման չէր գնացել`հայտարարելով, որ նրանից հրավեր չի ստացել։
Այս վիճակից ելք գտնելը ժողովրդի պահանջն է. Մարուքյանը պատրաստ է խոսել բոլոր ուժերի հետ
(Թարմացված է 11:33 05.03.2021)
Մարուքյան–Փաշինյան հանդիպումն արդեն կայացել է։ ԲՀԿ–ն հայտարարել է, որ վարչապետից հրավեր չի տացել։ ԵՐԵՎԱՆ, 5 մարտի – Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանը հույս ունի, որ խորհրդարանը ցրելու ու արտահերթ ընտրություններ նախաձեռնելու ՀՀ վարչապետի առաջարկին կմիանան նաև այլ քաղաքական ուժեր։ Այս մասին նա հայտարարեց այսօր ԱԺ–ում կայացած ճեպազրույցում։
«Սա մի պրոցես է, որտեղ պետք են զիջումներ, կոնսենսուսներ բոլոր կողմերից։ Հիմա, եթե ստացվի, կասենք` մենք ամեն ինչ արեցինք, որ այս երկրում ցնցումներ չլինեն, արյունահեղություն չլինի, ու լուծվեց այս հարցը։ Եթե չստացվի, կբացատրեն` ժողովրդին, որ հասանք այսինչ մակարդակին, բայց այդ մակարդակում առաջացավ այսինչ խնդիրը, և դա չեղավ»,– ասաց Մարուքյանը` հավելելով, որ այս վիճակից ելք գտնելը ժողովրդի պահանջն է, որն այլևս անկարող է դիմանալ այս պայմաններին։
«Ես մեկ ժամ խոսակցություն եմ ունեցել և պատրաստ եմ ցանկացած այլ ուժի հետ էլ այդ խոսակցությունն ունենալ»,– ասաց Մարուքյանը։
Հիշեցնենք, որ մարտի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
«Բարգավաճ Հայաստանը» վարչապետ հետ հանդիպման դեռ չի գնացել ու հայտարարել է, որ նրանից հրավեր չի ստացել։
«Սպուտնիկ Լայթ» պատվաստանյութի ուսումնասիրության երկրորդ փուլն ավարտվել է
(Թարմացված է 14:53 05.03.2021)
Տեղեկացվում է, որ երրորդ փուլի անցկացման թույլտվությունն արդեն կա, այն տրամադրվել է փետրվարի կեսերին:ԵՐԵՎԱՆ, 5 մարտի - Sputnik. Ռուսաստանում ավարտվել է «Սպուտնիկ Լայթ» պատվաստանյութի կլինիկական փորձարկումների երկրորդ փուլը։ Տեղեկությունը հայտնել է Ռուսաստանի առողջապահության նախարար Միխայիլ Մուրաշկոն:
«Հիմա տվյալներն ուղղվել են փորձագիտական գնահատական ստանալու», - ասել է նա լրագրողներին։
©
Sputnik / Валерий Мельников
Երրորդ փուլի անցկացման թույլտվությունն արդեն կա, այն տրամադրվել է փետրվարի կեսերին: Այս ուսումնասիրությունը կկատարվի երկու խմբերի համար։ Կօգտագործվի նաև պլացեբո։ Ուսումնասիրությունը պետք է ավարտվի մինչև 2022 թվականի հունվարի 28-ը:
«Սպուտնիկ Լայթ» պատվաստանյութը մտնում է «Սպուտնիկ» շարքի մեջ, այն մշակվել է Գամալեայի կենտրոնի կողմից՝ մարդու ադենովիրուսային վեկտորների լավ ուսումնասիրված հարթակում ուղղակի ներդրումների ռուսական հիմնադրամի հետ համատեղ:
Ուղղակի ներդրումների ռուսական հիմնադրամի ղեկավար Կիրիլ Դմիտրիևի խոսքով՝ «լայթ տարբերակը» հիմնականում ուղղված է արտաքին շուկաներին, որտեղ կան ուժեղ համաճարակային օջախներ, իսկ Ռուսաստանում առաջատար կմնա «Սպուտնիկ V»-ն:
Ռուսաստանի թշնամիները վախենում են «Սպուտնիկ V»-ի հաջողությունից. Դմիտրիև
Գամալեայի կենտրոնի տնօրեն Ալեքսանդր Գինցբուրգն ասել է, որ այդ երկրներում «Սպուտնիկ Լայթի» օգտագործումը հնարավորություն է տալիս նվազեցնել հիվանդացության մակարդակն ու ծանրաբեռնվածությունը տեղական առողջապահության համար: Նա ավելացրել է, որ պատվաստումից հետո իմունիտետը կպահպանվի, ամենայն հավանականությամբ, մոտ երեք-չորս ամիս, իսկ պատվաստման արդյունավետությունը կկազմի մոտ 85%:
Սխեման ներառում է միայն մեկ ներարկում («Սպուտնիկ V»-ի առաջին բաղադրիչը) ու կարճ ժամանակահատվածում հակամարմինների արտադրություն։ Ընդ որում, նույնիսկ եթե պատվաստվածը վարակվի կորոնավիրուսով, նրան հիվանդության ծանր ընթացք չի սպառնում, քանի որ վիրուսի հարուցիչը թոքեր չի իջնի: Պաշտպանությունը երկարացնելու համար երեք ամիս անց կարելի է ներարկել երկրորդ մասը: