ԵՐԵՎԱՆ, 28 հոկտեմբերի — Sputnik, Լաուրա Սարգսյան. Թուրքիային անհնար է համոզել և ճնշումներով կամ սպառնալիքներով ստիպել ճանաչել Հայոց ցեղասպանությունը, Sputnik Արմենիային ասաց Գերմանիայի Բունդեսթագի պատգամավոր Ալբերտ Վայլերը:

Նրա կարծիքով՝ Թուրքիային պետք է բացատրել և պատմել 1915թ-ի իրադարձությունների մասին:

«Թուրքիայում վախենում են, որ եթե ընդունեն Հայոց ցեղասպանությունը, ապա Հայաստանը փոխհատուցում կպահանջի: Իսկ այստեղ իրականում ողջ հարցը ճանաչման մեջ է, այլ ոչ թե՝ ֆինանսների»,- ասաց նա:

Վայլերը նշեց, որ վերջին շրջանում թուրքական մտավորականությունն ավելի հաճախ է բարձրացնում Հայոց ցեղասպանության թեման: Նա դրական է գնահատում այդ փաստը՝ նշելով, որ եթե «աճեցնեն այդ ծառը, ապա շուտով այն իր պտուղներն էլ կտա»:

Պատգամավորը նաև նշեց, որ Հայոց ցեղասպանության վերաբերյալ բանաձևի գերմանական նախագծի հեղինակներից մեկը թուրքական ծագումով գերմանացի պատմաբան Ջեմ Օզդեմիրն է: Վայլերի կարծիքով՝ դա հույս է տալիս, որ մի օր նման բանաձև կընդունեն նաև թուրքերը:

Գերմանացի խորհրդարանականը համոզված է, որ հայերն արժանի են, որ 101 տարի անց Գերմանիան այդ իրադարձությունները ցեղասպանություն անվանի:

FB profile

Սերժ Թանկյան. «Շնորհակալ եմ Բունդեսթագի` թուրքական ծագում ունեցող պատգամավորներին»

«Մենք մեր գործընկերների հետ բոլոր ջանքերը գործադրել ենք, որպեսզի ճանաչենք այդ բանաձևը: Ես զրուցել եմ ինչպես իշխող կուսակցությունների, այնպես էլ Անգելա Մերկելի հետ, որը «կանաչ լույս» է տվել բանաձևին»,- ասաց Վայլերը:

Բունդեսթագի պատգամավորները Հայոց ցեղասպանության վերաբերյալ բանաձևն ընդունեցին հունիսի 2-ին։ «Հայերի և մյուս քրիստոնյա փոքրամասնությունների նկատմամբ իրականացված ցեղասպանության հիշատակի և ոգեկոչման մասին» բանաձևին կողմ քվեարկեց խորհրդարանականների գերակշիռ մեծամասնությունը:

Բունդեսթագի բանաձևի ընդունմանը հաջորդեց այն, որ Թուրքիան հետ կանչեց Գերմանիայում առաքելություն իրականացնող իր դեսպանին: Թուրքիայի նախագահն էլ հայտարարեց, որ գերմանական խորհրդարանի որոշումը լուրջ ազդեցություն կունենա Թուրքիայի և Գերմանիայի հարաբերությունների վրա:

ԵՐԵՎԱՆ, 3 մարտի - Sputnik. Ռուս խաղաղապահները Լեռնային Ղարաբաղի Մարտակերտ բնակավայրի շրջանում իրականացրած ականազերծման աշխատանքների ընթացքում ավելի քան 30 152 մմ բեկորային-ֆուգասային հրետանային արկեր են վնասազերծել։ Տեղեկությունը հայտնում է ՌԴ ՊՆ մամուլի ծառայությունը։

© CC BY 3.0 / LJ user plusninety

Հայ ուխտավորներին ռուս խաղաղապահներն ուղեկցել են Ամարաս

«2020թ. նոյեմբերի 23-ից ի վեր չպայթած զինամթերքից մաքրվել է 1 548 հա տարածք, 484 կմ ճանապարհ, 1 524 շինություն, այդ թվում՝ սոցիալական նշանակության 30 օբյեկտ, հայտնաբերվել ու վնասազերծվել է 24 994 պայթուցիկ առարկա», - ասված է հաղորդագրության մեջ:

Նշվում է, որ հայտնաբերված պայթուցիկ առարկաները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէ տարհանել, ոչնչացվել է տեղում. պայթեցման աշխատանքների ժամանակ պահպանվել են անվտանգության բոլոր անհրաժեշտ միջոցները:

Ռուսական խաղաղապահ զորախմբի մարդասիրական ականազերծման վաշտի անձնակազմը շարունակում է Լեռնային Ղարաբաղում տեղանքը պայթունավտանգ առարկաներից մաքրելու աշխատանքները:

Հաղորդագրության համաձայն՝ մարտական գործողություններից տուժած շրջաններում ռուս խաղաղապահների աջակցությամբ շարունակվում է կենսական կարևորություն ունեցող հաղորդակցությունների վերականգնումը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են