Վահրամ Բաղդասարյան

Վահրամ Բաղդասարյան. կառավարության ծրագիրը հիմք է հաջորդների համար

15
(Թարմացված է 15:19 19.10.2016)
Կառավարության ծրագիրը հիմք է հաջորդ կառավարության համար։ Այդ մասին այսօր Sputnik Արմենիայի հետ զրույցում ասաց ԱԺ ՀՀԿ խմբակցության ղեկավար Վահրամ Բաղդասարյանը։

ԵՐԵՎԱՆ, 19 հոկտեմբերի — Sputnik. Կառավարության ծրագիրը 6-ամսյա է, որը հիմքեր է ստեղծում հետագա հեռանկարային զարգացման համար, ասաց ԱԺ ՀՀԿ խմբակցության ղեկավար Վահրամ Բաղդասարյանը՝ արձագանքելով Sputnik Արմենիայի այն դիտարկմանը, թե, ի տարբերուոյուն նախորդ կառավարությունների ծրագրերի, Կարեն Կարապետյանի գլխավորած կառավարության ծրագրում չկան հստակ ցուցանիշներ՝ տնտեսական աճի, կենսաթոշակների, նվազագույն աշխատավարձի, նպաստների բարձրացման վերաբերյալ։

«Լայնածավալ ծրագիրը կլինի ապրիլյան ընտրություններից հետո, որտեղ բոլոր ցուցանիշներն արտացոլված կլինեն»,- ասաց Բաղդասարյանը։

Հաջորդ կառաարությունն, ըստ ՀՀԿ խմբակցության ղեկավարի, Կարեն Կարապետյանի կառավարության 6-ամսյա գործունեության արդյունքում ձևավորված հիմքերի վրա կկառուցի հեռանկարային զարգացումը։

Հիշեցնենք, որ ՀՀ կառվարության ծրագիրն արդեն ներկայացվել է ԱԺ և կքննարկվի հոկտեմբերի 20-ին հրավիրված արտահերթ նիստում։

15