Պորտֆել

Առաջիկայում կադրային լուրջ փոփոխություններ են սպասվում

61
«Հրապարակ» թերթը վստահեցնում է, որ մոտ ապագայում Հայաստանում լուրջ կադրային փոփոխություններ են լինելու։

ԵՐԵՎԱՆ, 11 օգոստոսի — Sputnik. «Մեր տեղեկություններով, առաջիկայում նոր կադրային փոփոխություններ են սպասվում։ Սերժ Սարգսյանը որոշել է արտաքին քաղաքական ոլորտը վստահել իր աշխատակազմի ղեկավար Վիգեն Սարգսյանին, որի՝ ԱԳ նախարար նշանակվելու մասին վաղուց էին խոսում։

Էդիկ Նալբանդյանը, ըստ այդմ, կվերադառնա իր երազանքների երկիր՝ Ֆրանսիա, որտեղ կփոխարինի դեսպան Վիգեն Չիթեչյանին, որը պատվով կատարեց տեղապահի դերը։ Իսկ նախագահի աշխատակազմի ղեկավարի պաշտոնը, մեր տեղեկություններով, կզբաղեցնի այժմ ԱԱԽ քարտուղար Արմեն Գևորգյանը՝ Ռոբերտ Քոչարյանի աշխատակազմի երկարամյա ղեկավարը։

Այս պարագայում ՀՀ անվտանգության խորհուրդը կմտնի նախագահի աշխատակազմի մեջ, և նախկին կոնֆիգուրացիան կվերականգնվի, իսկ Արմեն Գևորգյանը կհամատեղի աշխատակազմի ղեկավարի և անվտանգության խորհրդի քարտուղարի պաշտոնները»,-գրում է «Հրապարակ» թերթը։

 

61