Իրանի և Հայաստանի դրոշները

Հերքում. Բաքվում Իրանի դեսպանատունը ԼՂ մասին հայտարարություն չի տարածել

90
(Թարմացված է 13:07 04.06.2016)
Ըստ հայտարարության` Բաքվում ԻԻՀ դեսպանն իր վերջին հարցազրույցում ընդգծել է Ղարաբաղի հակամարտության վերաբերյալ ԻԻՀ պաշտոնական դիրքորոշման անփոփոխ լինելու մասին

ԵՐԵՎԱՆ, 4 հունիսի — Sputnik. Հայաստանում Իրանի դեսպանատունը հայտարարությամբ է հանդես եկել` մեկնաբանելով Բաքվում այդ երկրի դեսպանին վերագրված` Ադրբեջանի ԶԼՄ-ների տարածած լուրը։

«ԼՂ հակամարտության վերաբերյալ Բաքվում ԻԻՀ դեսպանին վերագրված հարպարակված լուրի վերաբերյալ տեղեկացնում ենք, որ Բաքվում ԻԻՀ դեսպանությունը այս առնչությամբ հայտարարություն չի տարածել, և դեսպանն իր վերջին հարցազրույցում ընդգծել է Ղարաբաղի հակամարտության վերաբերյալ ԻԻՀ պաշտոնական դիրքորոշման անփոփոխ լինելու մասին»,- նշել են դասպանատնից։

Հայաստանում Իրանի դեսպանությունը ևս մեկ անգամ ընգծում է Իրանի Իսլամական Հանրապետության պաշտոնական դիրքորոշումը՝ հակամարտության կարգավորում խաղաղ ճանապարհով` հիմնվելով միջազգային իրավունքի նորմերի վրա:

Նշենք, որ ադրբեջանական ԶԼՄ-ները գրել էին, որ Բաքվում ԻԻՀ դեսպան Մոհսեն Փաքայանն ասել է հետևյալը. «Մենք Ադրբեջանի կողմից ենք։ Հուսով ենք, որ հակամարտությունը կլուծվի խաղաղ ճանապարհով` Ադրբեջանի տարածքային ամբողջականության շրջանակում, միջազգային օրենքների հիման վրա։ Մինսկի խումբը պետք է ակտիվություն դրսևորի այդ հարցում և փորձի լուծել այն։ Այդ խմբի համանախագահները պետք է ազդեցություն գործեն, որպեսզի ԼՂՀ-ի մասին ՄԱԿ բանաձևերն իրականացվեն»։

Ի դեպ, հունիսի 5-ին Հայաստանի ԱԳ նախարարը երկօրյա այցով կմեկնի Իրան։

90