Совместная пресс-конференция президента РФ В.Путина и канцлера Германии А.Меркель

Մերկելի վրա քննադատության տարափ է տեղացել պաղեստինցի աղջկա արցունքների պատճառով

6
(Թարմացված է 11:59 17.07.2015)
Լրագրող Ինես Փոլի կարծիքով` ավելի դաժան կլիներ կեղծ խոստումներ տալը կամ աղջկա հարցերից խուսափելը։ Նա նշել է, որ քանի դեռ գերմանացիների մեծամասնությունը չի ընդունել ավելի լիբերալ միգրացիոն քաղաքականություն, Մերկելի ձեռքերը կապված են։

ԵՐԵՎԱՆ, հուլիսի 16– Sputnik. Գերմանիայի կանցլեր Անգելա Մերկելի վրա քննադատության ալիք է թափվել այն բանից հետո, երբ Ռիմ անունով պաղեստինցի աղջիկն արտասվել է կանցլերի հետ Գերմանիայի միգրացիոն քաղաքականության մասին զրույցի ընթացքում, հաղորդում է ՌԻԱ Նովոստին` հղում անելով Ֆրանս Փրես գործակալությանը։

Մերկելը հանդիպել է 32 դպրոցականների հետ Մեքլենբուրգ – Առաջավոր Պոմերանիա երկրամասի Ռոստոկ քաղաքում «Լավ ապրել Գերմանիայում» կարգախոսով նախագծի շրջանակում։ Փախստականի կարգավիճակ կամ ժամանակավոր ապաստան տրամադրելու համար դիմումները դիտարկելու գործընթացի դժվարությունների մասին զրույցի ժամանակ Պաղեստինից Ռիմ անունով աղջիկը պատմել է, որ քիչ է մնացել իր ընտանիքին վտարեն, և ինքը  մշտական վախի մեջ է ապրում, որ իրեն Գերմանիայում ապաստան չեն տրամադրի։ Կանցլերը կարեկցել է աղջկան և շոյել նրա գլուխը, բայց նշել, որ Գերմանիան չի կարող ընդունել բոլոր ցանկացողներին, և շատերը ստիպված կլինեն ետ վերադառնալ։ Դրանից հետո դպրոցականն արտասվել է։

NDR հեռուստաալիքով ցուցադրված զրույցի տեսագրությունն առաջացրել է Գերմանիայի քաղաքացիների բուռն արձագանքը։ Նրանք Twitter–ում կիսվել են իրենց կարծիքով #merkelstreichelt (Մերկելը սփոփում է) հեշթեգով։

«Եթե դուք Մերկելին չափազանց սիրալիր եք համարում, դիտեք այդ տեսագրությունը և ուշադրություն դարձրեք ավարտին»,– գրել է բլոգեր Սաշա Լոբոն։

«Այս շաբաթը հիանալի է անցել գերմանական հանրային դիվանագիտության համար։ միակ բացթողումը Մերկելն է, ով ստիպել է արտասվել փոքրիկ փախստականին»,– գրել է բելառուս Եվգենի Մորոզովը։

Բայց Մերկելը նաև պաշտպաններ է ունեցել։ Օրինակ, անվանի ձախակողման լրագրող Ինես Փոլը։

«Նա անկեղծ է պատասխանել և բոլորովին սառը չի եղել»,– գրել է Փոլը։ Նրա կարծիքով` ավելի դաժան կլիներ կեղծ խոստումներ տալը կամ աղջկա հարցից խուսափելը։ Նա նկատել է, որ քանի գերմանացիների մեծամասնությունը չի ընդունել առավել լիբերալ միգրացիոն քաղաքականություն, Մերկելի ձեռքերը կապված են։

2015թ.–ին Գերմանիայում փախստականների թիվն ավելացել է ավելի քան երկու անգամ անցած տարվա համեմատ։

6