Пленарное заседание Госдумы РФ

ԶԼՄ. Պետդումայում առաջարկում են տուգանել հասարակաց տներ այցելելու համար

5
Առաջարկվում է ամուրիներին տուգանել 1,5–2 հազար ռուբլով։ Իսկ ամուսնացածներին առաջարկվում է տուգանել մինչև 5 հազար ռուբլով կամ մինչև 40 ժամ պարտադիր աշխատանքով։

ԵՐԵՎԱՆ, 13 հուլիսի– Sputnik. ՌԴ Պետդումայի պատգամավոր, «Սպրավեդլիվայա Ռոսիա» կուսակցության անդամ Օլեգ Միխեևը փոփոխություն է պատրաստել, որը նախատեսում է տուգանք կամ պարտադիր աշխատանքներ հասարակաց տների այցելուների համար։ Այս մասին, ինչպես հաղորդում է ՌԻԱ Նովոստին, գրում է «Իզվեստիա» թերթը` հղում անելով օրինագծին։

Հնարավոր է` փոփոխությունը ներառվի Վարչական իրավախախտումների մասին օրենսգրքի «Մարմնավաճառությամբ զբաղվելու մասին» հոդվածում։ Այն նախատեսում է տարբեր տուգանքներ` կախված այցելուների ընտանեկան կարգավիճակից։ Առաջարկվում է ամուրիներին տուգանել 1,5–2 հազար ռուբլով։ Իսկ ամուսնացածներին առաջարկվում է տուգանել մինչև 5 հազար ռուբլով կամ մինչև 40 ժամ պարտադիր աշխատանքով։

«Աշխարհի մի շարք երկրներ վաղուց են կիրառում նման միջոցներ։ Շվեդիայում մարմնավաճառուհիների այցելուների համար նախատեսված տուգանքները գործում են 1999 թ.–ից, ինչը թույլ տվեց գրեթե կրկնակի նվազեցնել թեթևաբարո կանանց թիվը։ Նման միջոցներ է ներդրել նաև Նորվեգիան, ընդ որում մարմնավաճառուհու հաճախորդին կարող է սպառնալ անգամ կես տարվա ազատազրկում», – թերթը մեջբերում է Միխեևի խոսքերը։

Պատգամավորի կարծիքով` մարմնավաճառների հաճախորդների համար պատիժ նախատեսող փոփոխության մտցնումը կարող է խալխլել անօրինական բիզնեսի տնտեսական հիմքը։

5