Московский фестиваль Книги России на Красной площади. День второй

Կիսելյովը գրաքննություն է անվանել Մեծ Բրիտանիայում «Ռոսիա սեգոդնյա»-ի հաշիվը փակելը

5
«Ռոսիա սեգոդնյա» ՄԼԳ-ի գլխավոր տնօրեն Դմիտրի Կիսելյովը կարծում է, որ Մեծ Բրիտանիայի Barclay's բանկում գործակալության հաշիվը փակելը լրագրողների աշխատանքի անմիջական խոչընդոտում է։

ԵՐԵՎԱՆ, հուլիսի 13- Sputnik. «Ռոսիա սեգոդնյա» ՄԼԳ-ի գլխավոր տնօրեն Դմիտրի Կիսելյովը գրաքննություն է անվանել Barclay’s բանկում գործալության հաշիվը փակելը՝ բրիտանական գանձարանի պատժամիջոցների պատճառով, հաղորդում է ՌԻԱ Նովոստին:

«Առաջատար լրատվական գործաակալության հաշիվը փակելը գրաքննություն է, ուղիղ խոչընդոտում լրագրողների աշխատաանքին: Ի՞նչ մամուլի ազատության և ժողովրդավարության մասին կարող է խոսք լինել Մեծ Բրիտանիայում, եթե երկրում թույլ չեն տալիս աշխատել ամենախոշոր համաշխարհային լրատվական գործակալություններից մեկին»,- ասել է Կիսելյովը:


Barclay’s-ի ներկայացուցիչը հաղորդել է ՌԻԱ Նովոստիին, որ «Ռոսիա սեգոդնյա» ՄԼԳ-ի հաշիվը փակ է, և բանկը պետք է համապատասխան ծանուցում ուղարկի: Միաժամանակ գործակալության զրուցակիցը հրաժարվել է պաշտոնապես նշել հաշիվը փակելու պատճառները:

Սակայն ավելի ուշ բանկային օղակների աղբյուրը պարզաբանել է, որ Մեծ Բրիտանիայի գանձարանը ֆինանսական պատժամիջոցների ազդեցության տակ գտնվող անձանց ցուցակում ընդգրկել է Դմիտրի Կիսելյովին, որի պատճառով «Ռոսիա սեգոդնյա»-ն կարող էր ընկել ֆինանսաական սահմանափակումների տակ:

Ներկա պահին հաշիվը փակ է, դրա մասին տեղեկատվությունն արգելված է: Բանկից դեռ պաշտոնական ծանուցում չի ստացվել հաշիվը փակելու և նման որոշման պատճառների մասին:

Ֆրանսիայում և Բելգիայում հունիսի կեսին կալանք է դրվել ունեցվածքի և հաշիվների վրա, որոնք այդ երկրների իշխանությունները համարում են ռուսական՝ Հաագայի տրետեյան դատարանի որոշման հիման վրա՝ ՅՈՒԿՕՍ-ի նախկին բաժնետերերի հայցով: Այդ որոշումը պարտադրում է Ռուսաստանին 50 մլրդ. դոլար վճարել մի շարք ընկերությունների՝ ՅՈՒԿՕՍ-ի նախկին բաժնետերերին:

Սառեցված հաշիվների թվում են եղել նաև «Ռոսիա սեգոդնյա» ՄԼԳ-ի հաշիվները: Ռուսական իշխանությունների ներկայացուցիչները, այդ թվում՝ տնտեսական զարգացման նախարար Ալեքսեյ Ուլյուկաևը և ՌԴ նախագահի օգնական Անդրեյ Բելոուսովը, հայտարարել են, որ Ռուսաստանը բողոքարկելու է այդ որոշումները:

5