Пленарное заседание Госдумы РФ

ԵՏՄ–ի համար կստեղծվի նոր «Եվրազիա 24» հեռուստաալիքը

23
Ղազախստանի նախագահ Նուրսուլթան Նազարբաևն առաջարկել է ստեղծել «Եվրասիա 24» լրատվական ալիքը, հիշեցրել է ԱՊՀ, եվրասիական ինտեգրացման և հայրենակիցների հետ կապերի հարցերով Պետդումայի հանձնաժողովի ղեկավար Լեոնիդ Սլուցկին։

ԵՐԵՎԱՆ, հուլիսի 2– Sputnik.  ԱՊՀ, եվրասիական ինտեգրացման և հայրենակիցների հետ կապերի հարցերով Պետդումայի հանձնաժողովի ղեկավար Լեոնիդ Սլուցկին սատարում է «Եվրասիա 24» լրատվական հեռուստաալիք ստեղծելու գաղափարին, որը կարող է հաղորդել Եվրասիական տնտեսական միության անդամ երկրներում իրադարձությունների մասին, հաղորդում է ՌԻԱ Նովոստին։

«Մենք դեռ երբեմն օնլայն ռեժիմով չգիտենք, թե ինչ է կատարվում միմյանց մոտ։ Մենք այդ մասին իմանում ենք ինտերնետից։ Մեզ պետք է միասնական տեղեկատվական հովանոց` Եվրասիական տնտեսական միության ողջ տարածքի վրա»,– ասել է Սլուցկին ԵՏՄ երիտասարդ առաջնորդների առաջին համաժողովում, որը տեղի է ունենում Պետական դումայում։

Նա հիշեցրել է, որ Ղազախստանի նախագահ Նուրսուլթան Նազարբաևն առաջարկել է ստեղծել «Եվրասիա 24» լրատվական ալիքը։

«Դա շատ լավ գաղափար է, հիանալի գաղափար… Այդ լրատվական ալիքի վերաբերյալ մշակումներ կան։ Կարծում եմ, որ առաջիկա տարիներին երիտասարդությունը կտա մեզ մեր երկրների միասնական տեղեկատվական տարածության վերականգնման այն գաղափարները, որոնք մենք կարող ենք միասին կյանքի կոչել»,– հավելել է Սլուցկին։

ԵՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա և գործում է այս տարվա հունվարի 1–ից։ Այժմ ԵՏՄ–ի անդամներ են` Ռուսաստանը, Հայաստանը, Բելառուսը և Ղազախստանը, շուտով կմիանա նաև Ղրղըզստանը։

23