ՌԴ նախագահ Վլադիմիր Պուտինը և պաշտպանության նախարար Սերգեյ Շոյգուն այս հանգստյան օրերը Սիբիրում են անցկացրել։

Ձյունապատ, դժվարանցանելի անտառային ճանապարհներին Պուտինն անձամբ է վարել ամենագնացը, ուղևորի նստատեղին Շոյգուն է եղել։ Երկրի ղեկավարը պաշտպանության նախարարի հետ միասին անցել են գետի կախովի կամրջի վրայով, հեռադիտակով հետևել են տեղի կենդանական աշխարհի ներկայացուցիչներին: Նրանք նաև ճաշել ու թեյել են տայգայում` մորթապատ քարե նստարաններին նստած։

Այցի ընթացքում պաշտպանության նախարարը նախագահին ցույց է տվել իր արհեստանոցը, որտեղ նա զբաղվում է չոր ծառերի մշակմամբ ՝ դրանցից տարբեր հետաքրքիր իրեր պատրաստելով: Դա Շոյգույի հոբբին է։

Անցած շաբաթվա գլխավոր իրադարձությունն իհարկե  ՀՀ վարչապետ Նիկոլ Փաշինյանի հայտարարությունն էր` արտահերթ ընտրությունների օր նշանակելու վերաբերյալ։ Սակայն կան թեմաներ, որոնք միշտ հասարակության օրակարգում են։

Արցախյան վերջին պատերազմի վերքերը շարունակում են արյունահոսել։ Հաշմանդամների սպորտի ֆեդերացիայի մարզադահլիճում վիրավոր զինծառայողները մարզվում են ու չեն դադարում պայքարը` ավելի լավ կյանքի, ավելի լավ Հայաստան ունենալու համար։

© Sputnik / Aram Nersesyan

Երբեմն 20 մայր տարբեր գերեզմաններից լալիս են ու ողբում. Եռաբլուրի քահանան տեսել է դժոխքը

Հետո այցելում ենք «Եռաբլուր» զինվորական պանթեոն, այստեղ ամփոփված քաջերն իրենց կյանքի գնով մեզ համար ապրելու իրավունք վաստակեցին։

Իսկ սահմանամերձ գյուղերում էլ մարդիկ իրենց ապահովության գնով են մեզ` քաղաքաբնակներիս անվտանգությամբ ապահովում։

Ինչպես նախորդող շաբաթների ընթացքում, այնպես էլ անցնող շաբաթ Երևանում շարունակվեցին ընդդիմության հանրահավաքները։

Անցնող շաբաթվա ընթացքում բարձրաստիճան հյուր էլ ունեցանք։ Տարածաշրջանային այցով Բաքու, ապա Երևան ժամանեց ԵԱՀԿ գործող նախագահ, Շվեդիայի արտգործնախարար Անն Լինդեն։

ՀՀ քրդական համայնքը մարտի 19-ին բողոքի խաղաղ ակցիա  անցկացրեց Երևանում ՄԱԿ-ի գրասենյակի դիմաց՝ պահանջելով պաշտոնական տեղեկատվություն քրդական ազատագրական շարժման առաջնորդ, Թուրքիայում ազատազրկման դատապարտված Աբդուլլահ Օջալանի վերաբերյալ:

«Ողջ եմ, ուրեմն հաղթել եմ». 3 վերջույթը կորցրած փոխգնդապետը մարզում է զինհաշմանդամներին

Դե իսկ Երևանի Տիգրան Մեծի փողոցում`Սուրբ Գրիգոր Լուսավորիչ եկեղեցու առջևում ընթացող շինարարությունը, տաղավարների կառուցումը անհանգստացրեց մանրավաճառներին, քանի որ մտածում էին` դա կարող է պատճառ հանդիսանալ, որ իրենց հանեն այդ տարածքից։

Այս ու այլ իրադարձությունները՝ Sputnik Արմենիայի ֆոտոշարքում։