Ընդդիմության վարչապետի թեկնածու Վազգեն Մանուկյանն այսօր Ազատության հրապարակում զրույց-հանդիպման էր հրավիրել հայրենիքի ճակատագրով մտահոգ բոլոր մարդկանց։

© Sputnik / Aram Nersesyan

Որ թշնամին իմանա` մեր ժողովուրդը կանգնած է. ընդդիմությունն ավտոերթով կգնա Սյունիք

Վազգեն Մանուկյանը մեկնաբանելով օրերս հրապարակված գաղտնի փաստաթուղթը՝ նշեց, որ եթե նոյեմբերի 9-ի հայտարարությամբ պատերազմը դադարել է, ապա Սյունիքին վերաբերող գաղտնի հուշագրով Ադրբեջանը շարունակում է գրավել Հայաստանը։

Նախկին վարչապետի համոզմամբ` այս ամենը վկայում է, որ գաղտնի փաստաթուղթը միակը չէ ու բացի դրա 6 կետերից՝ կան էլի պայմանավորվածություններ։

Մանուկյանն իր ելույթում նաև նշեց, որ եթե նման փաստաթուղթ բացահայտվեր տարիներ առաջ, ժողովուրդը դուրս կգար փողոց։ Բայց այսօր ժողովուրդն այնքան կոտրված է, որ այլևս ոչ մի բանի չի հավատում։

«Զարթնեք, մեր հայրենիքը մեր աչքի առջև կործանում են մինչև վերջ»,– սթափության կոչ արեց Մանուկյանը։

Հավաքի ժամանակ ելույթ ունեցավ նաև ՀՀ նախկին վարչապետ Հրանտ Բագրատյանը։ 

Ազատության հրապարակի ուշագրավ կադրերը՝ Sputnik Արմենիայի ֆոտոշարքում։

Ալիևը «տալաշ–տալաշ» վերցնելու է, որ հետո որոշի` Ղարաբաղին ինչ կարգավիճակ տա. Բագրատյան

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

© Sputnik / Asatur Yesayants

Աշոտ Մինասյանի որդին հարյուրավոր ցուցարարների հետ դատարանի բակում է. տեսանյութ

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։