Մի քանի ժամ անց Վաշինգտոնում կկայանա Ջոզեֆ Բայդենի երդման արարողությունը։ ԱՄՆ համար մեծ նշանակություն ունեցող այս իրադարձությունը բոլոր նախագահների օրոք երկար ու հանգամանալից պատրաստության փուլ է անցել. երդում, պատվավոր հյուրեր, փոփ աստղեր և այլն։
Երդմնակալության այս արարողությունը տարբերվելու է բոլոր նախորդներից, առաջին հերթին՝ անվտանգության բարձր միջոցառումներով։ Ազգային գվարդիայի 25 հազար զինծառայողներ հսկելու են կարգուկանոնը։ Նրանց շարքում են ոստիկանությանը և Գաղտնի ծառայության աշխատակիցները:
Անվտանգության խնդիրն այսքան սուր դրված չէր լինի, եթե մի քանի օր առաջ տեղի չունենար Կապիտոլիումի գրոհը։ Սակայն հատուկ նախազգուշական միջոցները պայմանավորված են ոչ միայն այա հանգամանքով. անհրաժեշտ է նաև պահպանել հակահամաճարակային կանոնները կորոնավիրուսի տարածման վտանգի պատճառով։ Հյուրերին հանձնարարվել է իրենց հետ ունենալ թեստի բացասական արդյունքը հավաստող փաստաթուղթ և դիմակներ։ Բայց ինչպես երևում է լուսանկարներում, կանոնները չեն տարածվում բոլորի վրա:
Հասարակ քաղաքացիներին խորհուրդ են տվել մնալ տանը, իսկ ծառուղում մարդկանց տեղերը կզբաղեցնեն 200 հազար ամերիկյան դրոշները։