Հայերի համար անցնող շաբաթվա գլխավոր իրադարձությունը, թերևս, Հայաստանի, Ռուսաստանի և Ադրբեջանի նախագահների եռակողմ հանդիպումն էր Մոսկվայում։ Ընդդիմությունը փորձեց խոչընդոտել ՀՀ վարչապետ Նիկոլ Փաշինյանի մոսկովյան ուղևորությունը։ Ակտիվիստները հունվարի 11-ի առավոտյան փակեցին «Զվարթնոց» օդանավակայան տանող ճանապարհը։ Բայց Փաշինյանը հասավ օդանավակայան և մեկնեց Մոսկվա։

Հանդիպման արդյունքներին շատերն էին սպասում, այդ թվում՝ Արարատի մարզի Տիգրանաշեն գյուղի բնակիչները։ Լուրեր էին տարածվել, որ հայ-ադրբեջանական սահմանի գծանշման հետևանքով Տիգրանաշենին սպառնում է նույն ճակատագիրը, որը բաժին հասավ Սյունիքի մարզի որոշ գյուղերին։ Sputnik Արմենիայի թղթակիցները մեկնեցին գյուղ՝ տեղում պարզելու, թե ինչ է կատարվում այնտեղ։

Մոսկվայում կայացած եռակողմ հանդիպումից հետո Հայաստանի արտգործնախարար Արա Այվազյանը ելույթ ունեցավ խորհրդարանում: Հունվարի 14-ին ԱԺ արտաքին հարաբերությունների մշտական հանձնաժողովի նիստում նախարարը պատգամավորներին ներկայացրեց Հայաստանի և Արցախի իշխանությունների առաջնահերթությունները: Նա լուրջ մտահոգություն հայտնեց Լեռնային Ղարաբաղի վերաբերյալ եռակողմ հայտարարության որոշ կետերի խախտումների կապակցությամբ։

Իսկ Արցախում վնասվածքներ ստացած զինծառայողները շարունակում են բուժվել Հայրենիքի պաշտպանի վերականգնողական կենտրոնում։ Sputnik Արմենիայի նկարահանող խումբն այցելել է կենտրոն, հանդիպել ու շփվել ինչպես զինվորների, այնպես էլ բժիշկների հետ:

Թե ինչպիսին էր հունվարի երկրորդ շաբաթը, դիտեք Sputnik Արմենիայի ֆոտոշարքում։

Ձմեռը Ֆրանսիայում անհավանական հրաշալի ժամանակ է: Մոգական լույսով ու Սուրբ Ծննդյան տոների համար զարդարված հեքիաթային փոքրիկ քաղաքներով:

© Sputnik / Евгения Новоженина

Ալեքսանդր Ռևայի հայուհի կինը արձակուրդից չքնաղ լուսանկարներ է հրապարակել

Եթե Ձեզ թվում է, որ ձմռանը Ֆրանսիայում ցուրտ ու մռայլ է, ապա դուք մի փոքր սխալվում եք։ Որոշ ամրոցներ, իհարկե, գուցե և ծածկվում են ձյունով, իսկ փողոցներում ձնաբլրակների պատճառով անցնելը դժվար է, բայց բնավ ոչ ամեն տեղ է այդպես։ Ձմռան մեծ մասը Ֆրանսիայի տարածքի հիմնական մասում ջերմաստիճանը զրոյից բարձր է, դա հատկապես վերաբերում է երկրի հարավին։ Բայց չէ՞ որ ձմեռը միայն եղանակը չէ։ Դա նաև առանձնահատուկ մթնոլորտն է։ Սուրբ Ծննդյան զարդարանքներ, բոված շագանակների բույր և գլինտվեյնը (տաքացրած գինի) կարող են նկատելիորեն բարելավել շրջակա աշխարհի ընկալումը։

Մենք ընտրել ենք մի քանի կոլորիտային լուսանկարներ, որոնցով դուք կարող եք պատկերացում կազմել, թե ինչպիսին է Ֆրանսիան ձմռանը։