Հայաստանի Հանրապետության կառավարությունը ներկայացրել է առաջնագծում հայրենիքի համար կենաց ու մահու կռիվ տվող քաջորդիների լուսանկարները։ Չնայած դժվարություններին, նրանք ժպտում են և իրենց ժպիտով ուժ տալիս թիկունքում իրենց համար աղոթող հարազատներին։
Տղաների հետ է նաև հավատարիմ շունը, որը ազատ պահերին խաղում, իսկ վտանգի պահին փորձում է պաշտպանել նրանց։
Կադրերից մեկում հայրենիքի պաշտպաններն անխռով նստած ճաշում են։ Գայթակղիչ սեղան է, ուզում ես «բարի ախորժակ» մաղթել ու միանալ նրանց։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
