Հալվող քաղաքը. ինչպես են երևանցիները դիմակայում +39 աստիճան շոգին
(Թարմացված է 18:48 04.08.2019)
ՀՀ–ում ամառը շարունակում է իր դերում մնալ` շոգի սիրահարներին ապահովելով առավելագույնը, որքան հնարավոր է։
ՀՀ արտակարգ իրավիճակների նախարարության «Հիդրոմետ» ծառայության պետ Գագիկ Սուրենյանը խոստանում է, որ վաղվանից օդի ջերմաստիճանը կնվազի, մինչդեռ այսօր Երևանում օդի ջերմաստիճանը հասել է +39 աստիճանի։
«Շոգը ո՞րն է, արևային բոլոլա է»,–կատակում են երևանցիները։ Պաղպաղակ, հովհար, անձրևանոց` մեծահասակները շոգից պաշտպանվելու այս տարբերակներն են ընտրում, իսկ երեխաների բախտը բերել է` նրանք փորձում են արհեստական լողավազաններում հովանալ։
Sputnik Արմենիայի թղթակիցը շրջել է Երևանի փողոցներով և պարզել, թե ինչպես են երևանցիները փորձում դիմակայել շոգին։
© Sputnik / Andranik GhazaryanԲացօթյա սրճարանների հովացման համակարգից «շահում» են ոչ միայն սրճարանում նստածները։
© Sputnik / Andranik GhazaryanԺամը 12-17-ն ընկած ժամանակահատվածում արևի ուղիղ ճառագայթներից պետք է խուսափել:
© Sputnik / Andranik GhazaryanԵրևանի 2800–ամյակին նվիրված այգին այս եղանակին այցելելու լավագույն վայրերից մեկն է։
© Sputnik / Karine HarutyunyanԱրևի ճառագայթներից խուսափելու համար անհրաժեշտ է կրել հովանոց։
© Sputnik / Karine HarutyunyanՇոգը տրամադրության հետ որևէ կապ չունի։
© Sputnik / Andranik GhazaryanՑերեկային ժամերին բացօթյա տարածքում ֆիզիկական աշխատանքից պետք է խուսափել, սակայն սա Երևանն է։
© Sputnik / Andranik GhazaryanԱրհեստական լողավազաններում լողալ չի կարելի. երեխաները նշում են, որ փորձում են ջուր կուլ չտալ։
© Sputnik / Andranik GhazaryanՇոգերի ժամանակ լավագույն ընկերը։
© Sputnik / Karine Harutyunyan«Արևդ ապրի», «Շենանա քո կառուցողը». ամռանը ցայտաղբյուրներն օրհնանքի պակաս չեն զգում։
© Sputnik / Andranik GhazaryanԲացօթյա սրճարանների հովացման համակարգից «շահում» են ոչ միայն սրճարանում նստածները։
© Sputnik / Karine HarutyunyanԵրևանյան շոգն անտանելի է ոչ միայն մարդկանց համար։
© Sputnik / Andranik GhazaryanՇոգ եղանակին անհրաժեշտ է շատ հեղուկ խմել:
© Sputnik / Andranik GhazaryanԲացօթյա սրճարանների հովացման համակարգը:
© Sputnik / Andranik GhazaryanՀեչ էլ շոգ չի։
© Sputnik / Andranik GhazaryanՇոգերի ժամանակ լավագույն ընկերը։
© Sputnik / Karine Harutyunyan«Արևդ ապրի», «Շենանա քո կառուցողը». ամռանը ցայտաղբյուրներն օրհնանքի պակաս չեն զգում։
© Sputnik / Andranik GhazaryanՍա Երևանն է, այստեղ դու տանն ես...
© Sputnik / Andranik GhazaryanԴիմանալու չի։
թեգերը:
Մերձերկրային ուղեծրում տիեզերական հյուրանոց կբացվի. ահա թե ինչ տեսք է այն ունենալու
(Թարմացված է 19:07 02.03.2021)
Orbital Assembly Corporation (OAC) կորպորացիան 2025 թվականին կսկսի ցածր երկրային ուղեծրում Voyager առաջին տիեզերական հյուրանոցի շինարարությունը:
©
REUTERS / NASA / JPL-Caltech
Daily Mail-ը գրում է, որ հյուրանոցը կարող է շահագործման հանձնվել արդեն 2027 թվականին։ Այն մեծ շրջանակի տեսք կունենա ու կպտտվի՝ արհեստական ձգողականություն ստեղծելու համար։ Ձգողականությունը կլինի նույնը, ինչ լուսնի վրա է: Հյուրանոցը հագեցած կլինի ռեստորաններով, բարերով, մարզադահլիճով, կինոթատրոնով, սպա սրահով։ Այնտեղ միաժամանակ կարող են 400 մարդ հյուրընկալվել:
Դեռևս չի հաղորդվում հյուրանոցի շինարարության ու գիշերակացի արժեքը, սակայն հայտնի է, որ Voyager-ը կունենա պտտվող օղակի արտաքին կողմին կցված խցիկներ: Որոշ խցիկներ կվաճառվեն տիեզերական գործակալություններին՝ տարբեր հետազոտություններ իրականացնելու համար։
Փարիզը, արծաթագույն ամպերն ու Սևանը․ ՄՏԿ–ի տիեզերագնացների անհավանական լուսանկարները
Ներքին օղակը կդառնա տիեզերանավերի «կայանատեղի»՝ ուղևորներին ու բեռները տեղ հասցնելու համար: Իսկ բնակելի օղակում կլինեն ոչ միայն սենյակներ, այլև մարզասրահ, խոհանոց, ռեստորան, բար ու անձնակազմի համար նախատեսված տարածքներ։ Տիեզերական հանգստի սիրահարները կարող են ձեռք բերել 20 x 12 մ մոդուլներ մասնավոր առանձնատան համար, իսկ գործարարները կարող են ձեռք բերել մոդուլներ ուղեծրում բիզնես վարելու համար:
Հայտնի է նաև, որ հյուրանոցի կառուցման ծախսերը նվազում են բազմակի օգտագործման կրիչ–հրթիռների շնորհիվ։
Էտնայի ահավոր գեղեցկությունը․ հրաբխի ժայթքման կադրերը գրավել են էսթետներին
© Photo : Orbital Assembly, Inc.Voyager Station տիեզերական հյուրանոց
© Photo : Orbital Assembly, Inc.Voyager Station տիեզերական հյուրանոցի համարներից մեկը
© Photo : Orbital Assembly, Inc.Voyager Station տիեզերական հյուրանոցից տարհանման համար նախատեսված տրանսպորտը
© Photo : Orbital Assembly, Inc.Բար Voyager Station տիեզերական հյուրանոցում
© Photo : Orbital Assembly, Inc.Luxury Villa հյուրանոցային համարը Voyager Station-ում
© Photo : Orbital Assembly, Inc.Տիեզերագնաց զբոսաշրջիկը բաց տիեզերք դուրս գալու ժամանակ
© Photo : Orbital Assembly, Inc.Մազասրահ Voyager Station տիեզերական հյուրանոցում
© Photo : Orbital Assembly, Inc.Ռեստորան Voyager Station տիեզերական հյուրանոցում
© Photo : Orbital Assembly, Inc.Համարներով մոդուլների տեսարանը Voyager Station տիեզերական հյուրանոցում
© Photo : Orbital Assembly, Inc.Luxury Villa համարի հյուրասենյակը Voyager Station տիեզերական հյուրանոցում
Մեծ աղմուկ փոքր քաղաքում․ Երևանի հրապարակների զուգահեռ իրականությունները
(Թարմացված է 11:53 01.03.2021)
Փետրվարի 25-ին ԶՈւ գլխավոր շտաբը հայտարարեց վարչապետ Նիկոլ Փաշինյանի հրաժարականի պահանջի մասին։ Վարչապետը պահանջը «ռազմական հեղաշրջման փորձ» որակեց ու նույն օրը Հանրապետության հրապարակում իր կողմնակիցների հանրահավաք հրավիրեց։ Առանց այն էլ մայրաքաղաք Երևանը վերջին օրերին հանրահավաքներից աչք բացել չէր կարողանում, իսկ հինգշաբթի օրը «զուգահեռ իրականություններում»՝ Հանրապետության և Ազատության հրապարակներում, միաժամանակ երկու հանրահավաք կազմակերպվեց։
©
Photo : official site of the MoD of RA
Մեկում հավաքվածները բղավում էին «Նիկոլ, վարչապետ», մյուսում` «Նիկոլ, դավաճան»։ Երկու հանրահավաքներն էլ շարունակվեցին քայլերթով, բարեբախտաբար, տարբեր ուղղություններով։ Փաշինյանի գլխավորած քայլերթն ավարտվեց Գարեգին Նժդեհի հրապարակում, իսկ Հայրենիքի փրկության շարժման քայլերթը հասավ ու մնաց Բաղրամյան պողոտայում։ Նիկոլ Փաշինյանի հրաժարականը պահանջող ընդդիմադիրները որոշեցին անժամկետ նստացույց անցկացնել Ազգային ժողովի առջև։
Այսպիսով, փետրվարի 25-ից սկսած՝ Բաղրամյանի պողոտայի մի հատվածը շարունակում է փակ մնալ, ցուցարարները գիշերում են տեղադրված վրաններում, տաքանում հատուկ վառարանների մոտ։ Ազգային ժողովի դիմաց փոքրիկ վրանային քաղաք է ստեղծվել, որտեղ և՛ խորոված են անում, և՛ գյուղական «պլեճ» պատրաստում, բայց չեն մոռանում գլխավոր պահանջի մասին՝ Նիկոլ Փաշինյանն ու կառավարությունը պետք է հրաժարական տան։
Երևանի ավագանու «Իմ քայլը» խմբակցությունն արձագանքել է Նիկոլ Փաշինյանի կոչին
Ներքաղաքական լարված առօրյան ֆուտբոլասերներին չխանգարեց հետևելու Հայաստանի ֆուտբոլի առաջնության 16-րդ տուրի շրջանակում «Լոռի»-«Ալաշկերտ» հանդիպմանը, որն ավարտվեց «Ալաշկերտի» հաղթանակով։
Առաջարկում ենք դիտել այս շաբաթվա իրադարձությունների ամենավառ կադրերը, որոնք ֆիքսել են Sputnik Արմենիայի լուսանկարիչները։
Մարտի 1-ին իշխանության ու ընդդիմության հանրահավաքները գրեթե միաժամանակ կմեկնարկեն
© Sputnik / Aram NersesyanԸնդդիմության կողմնակիցները տաքանում են Ազգային ժողովի շենքի դիմաց վառած խարույկի մոտ (փետրվարի 25, 2021թ․), Երևան
© Sputnik / Asatur YesayantsՀՀ վարչապետ Նիկոլ Փաշինյանը Հանրապետության հրապարակում հանրահավաքի ժամանակ ելույթ է ունենում իր կողմնակիցների առջև (փետրվարի 25, 2021թ․), Երևան
© Sputnik / Aram NersesyanԸնդդիմադիր ակտիվիստների բախումը ոստիկանների հետ Հայաստանի պետական տնտեսագիտական համալսարանի շենքի մոտ (փետրվարի 24, 2021թ․), Երևան
© Sputnik / Asatur YesayantsԼենա Նազարյանը ամուսնու՝ Նարեկ Բաբայանի հետ Հանրապետության հրապարակում հանրահավաքի ժամանակ (փետրվարի 25, 2021թ․), Երևան
© Sputnik / Asatur YesayantsՈստիկանական պատնեշը՝ Կառավարության շենքի դիմաց ընդդիմության բողոքի ակցիայի ժամանակ (փետրվարի 23, 2021թ․), Երևան
© Sputnik / Asatur YesayantsԸնդդիմադիրները խորոված են անում Բաղրամյան պողոտայում (փետրվարի 26, 2021թ․), Երևան
© Sputnik / Asatur Yesayants«Շուշիի գորգերի թանգարանի» նմուշներն այժմ ժամանակավոր ցուցադրվում են Երևանում` Ալեքսանդր Թամանյանի անվան ճարտարապետության ազգային թանգարան-ինստիտուտում:
© Sputnik / Aram NersesyanԸնդդիմադիր ակտիվիստները ներխուժել են Հայաստանի պետական տնտեսագիտական համալսարանի շենք (փետրվարի 24, 2021թ․), Երևան
© Sputnik / Asatur YesayantsԸնդդիմության հանրահավաքը Բաղրամյան պողոտայում ՝ Ազգային ժողովի շենքի մոտ (փետրվարի 25, 2021թ․), Երևան
© Sputnik / Asatur YesayantsՓոքրիկ խաչ ոստիկանական մեքենայում
© Sputnik / Asatur Yesayants«Ալաշկերտ»–«Լոռի» ֆուտբոլային հանդիպում, Հայաստանի Պրեմիեր-լիգա (փետրվարի 28, 2021թ․), Երևան
© Sputnik / Asatur Yesayants«Ալաշկերտ»–«Լոռի» ֆուտբոլային հանդիպում, Հայաստանի Պրեմիեր-լիգա (փետրվարի 28, 2021թ․), Երևան. ֆուտբոլիստներից մեկի գլխին միջատ է հայտնվել
© Sputnik / Aram NersesyanԸնդդիմության կողմնակիցները Ազգային ժողովի շենքի մոտ կարտոֆիլի պլեճ են պատրաստում Բաղրամյան պողոտայում (փետրվարի 25, 2021թ․), Երևան
© Sputnik / Aram NersesyanԸնդդիմության հանրահավաքի մասնակիցները՝ փողոցային հայելու մեջ (փետրվարի 26, 2021թ․), Երևան
© Sputnik / Asatur Yesayants«Շուշիի գորգերի թանգարանի» նմուշներն այժմ ժամանակավոր ցուցադրվում են Երևանում` Ալեքսանդր Թամանյանի անվան ճարտարապետության ազգային թանգարան-ինստիտուտում:
© Sputnik / Aram NersesyanՆիկոլ Փաշինյանը կողմնակիցները Հանրապետության հրապարակում հանրահավաքի ժամանակ (փետրվարի 25, 2021թ․), Երևան
© Sputnik / Aram NersesyanՈստիկանությունը ձերբակալում է ընդդիմադիր ակտիվիստներին կառավարական շենքի դիմաց բողոքի ակցիայի ժամանակ (փետրվարի 23, 2021թ․), Երևան
© Sputnik / Asatur YesayantsԸնդդիմության բողոքի քայլերթը Երևանի կենտրոնական փողոցներով (փետրվարի 23, 2021թ․), Երևան
© Sputnik / Asatur YesayantsՀայաստանի ֆուտբոլի առաջնության շրջանակում «Լոռի» և «Ալաշկերտ» ֆուտբոլային ակումբների հանդիպումը (փետրվարի 28, 2021թ․), Երևան
© Sputnik / Asatur Yesayants«Արարատի» 24-ամյա պաշտպան Քրիստիան Խիմենեսը
© Sputnik / Asatur YesayantsՆիկոլ Փաշինյանի կողմնակիցները Հանրապետության հրապարակում հանրահավաքից առաջ (փետրվարի 25, 2021թ․), Երևան
© Sputnik / Asatur YesayantsԱննա Հակոբյանը զավակների հետ հանրահավաքի ժամանակ (փետրվարի 25, 2021թ․), Երևան
© Sputnik / Aram NersesyanՆիկոլ Փաշինյանն օդային համբույր է ուղարկում իր կողմնակիցներին Հանրապետության հրապարակում հանրահավաքի ժամանակ (փետրվարի 25, 2021թ․), Երևան
© Sputnik / Asatur YesayantsՀոգևորականներն ընդդիմության հանրահավաքի ժամանակ (փետրվարի 20, 2021թ․), Երևան
© Sputnik / Asatur YesayantsԸնդդիմության երթի մասնակիցներն ուղևորվում են դատախազության շենքի մոտ (փետրվարի 26, 2021թ․), Երևան
© Sputnik / Asatur YesayantsԸնդդիմությունը վրաններ է տեղադրում Բաղրամյան պողոտայում՝ Ազգային ժողովի շենքի դիմաց (փետրվարի 25, 2021թ․), Երևան
© Sputnik / Asatur YesayantsСобака лежит на тротуаре во время митинга оппозиции на проспекте Баграмяна (27 февраля 2021). Еревaн
© Sputnik / Asatur YesayantsՓոքրիկ տղան ընդդիմության հանրահավաքների մասնակցի գրկում (փետրվարի 26, 2021թ․), Երևան
© Sputnik / Aram NersesyanՆիկոլ Փաշինյանը ելույթ է ունենում իր կողմնակիցների առջև Հանրապետության հրապարակում հանրահավաքի ժամանակ (փետրվարի 25, 2021թ․), Երևան
© Sputnik / Asatur YesayantsՀանրահավաքի ժամանակ կառավարության շենքի հետևում ծուխ է երևում (փետրվարի 25, 2021թ․), Երևան
Առաջիկա ժամերին ՀՀ նախագահն իր որոշման մասին կհայտնի․ Վանեցյան
(Թարմացված է 12:48 03.03.2021)
ՀՀ նախագահի հետ հանդիպմանը մասնակցում էին «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։ԵՐԵՎԱՆ, 3 մարտի – Sputnik. Ավարտվեց «Հայրենիքի փրկության շարժման» անդամների հանդիպումը ՀՀ նախագահ Արմեն Սարգսյանի հետ։ «Հայրենիք» կուսակցության ղեկավար Արթուր Վանեցյանը հանդիպումից հետո լրագրողներին հայտնեց, թե ինչ է խոստացել ՀՀ նախագահը։
«Նախագահի հետ հանդիպման ժամանակ քննարկվել են հարցեր, որոնք կապված են Զինված ուժերի ԳՇ պետի ազատման դիմումը Սահմանադրական դատարան ուղարկել-չուղարկելու հետ։ Նախագահը լսեց մեր հարցերը, տեսակետները, նշեց, որ առաջիկա ժամերին իր որոշման մասին կհայտնի»,-ասաց Վանեցյանը։
Հավելենք, որ նախագահի հետ հանդիպմանը մասնակցում էին «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։
©
Photo : official site of the MoD of RA
ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։
Ավելի վաղ «Մեկ Հայաստան» կուսակցության նախագահ, Հայրենիքի փրկության շարժման ներկայացուցիչ Արթուր Ղազինյանը գրել էր, որ Արմեն Սարգսյանն ու Նիկոլ Փաշինյանը երեկ եկել են համաձայնության՝ իրավական աճպարարության միջոցով իրագործելու Նիկոլ Փաշինյանի` Օնիկ Գասպարյանին զբաղեցրած պաշտոնից ազատելու ցանկությունը։ Մասնավորապես, ըստ հաստատված ծրագրի, Արմեն Սարգսյանը կդիմի ՍԴ, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։
Ղազինյանի խոսքով` նման սխեմա կիրառվել է նաև 2018թ-ին Մովսես Հակոբյանին զբաղեցրած պաշտոնից ազատելու համար։ ՀՀ ԱԺ նշված օրենքում կատարվել է լրացում, համաձայն որի` բարձրագույն հրամանատարական կազմի` զինվորական պաշտոնից ազատումը կարող է իրականացվել` անկախ այն հանգամանքից՝ առկա են սույն հոդվածի 1-ին մասում սահմանված հիմքեր, թե ոչ։
Նրա խոսքով` սա նշանակում է, որ Օնիկ Գասպարյանին զբաղեցրած պաշտոնից ազատելու ՀՀ վարչապետի որոշումը կմտնի օրինական ուժի մեջ, և Օնիկ Գասպարյանը իրավաբանորեն կդադարի լինել ՀՀ ԶՈւ Գլխավոր շտաբի պետ։
Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը առաջարկությունը կրկին ուղարկեց ՀՀ նախագահին։
թեգերը: