Վարդան Մինասյանն առաջին մարզումն անցկացրեց. թիմն անցավ գործի

133

23:59 23.05.2018(Թարմացված է 00:06 24.05.2018)

Հայաստանի ֆուտբոլի ազգային հավաքականը` գլխավոր մարզիչ Վարդան Մինասյանի գլխավորությամբ, առաջին մարզումն անցկացրեց հավաքականների տեխնիկական կենտրոնում: Սաստիկ անձրևի պատճառով մարզումը մի փոքր հետաձգվեց, բայց հետո արդեն թիմը անցավ «գործի»:

Հավաքականի կազմում առաջին մարզումը անցկացրին նաև թիմի նորեկները՝ Էդգար Բաբայանը, Ժոաո Ժորդի Մոնրո Արարատը, Իվան Յագանը: Մեր ընտրանին մայիսի 27-ին Ավստրիա է մեկնելու, որտեղ թիմին կմիանա ևս մեկ նորեկ՝ Անդրե Չալշըրը: Իսկ երկու օր անց Վարդան Մինասյանի վերադարձից հետո հավաքականն առաջին ստուգողական հանդիպումը կանցկացնի Մալթայի ընտրանու հետ:

Նախատեսված երկրորդ հանդիպումից առաջ մեր հավաքականը համալրում կստանա: Թիմին կմիանան Մարկոս Պիզելին, Կամո Հովհաննիսյանը և Էդգար Մալաքյանը:

Հիշեցնենք, որ հունիսի 4-ին մեր ընտրանին ստուգողական երկրորդ խաղում մրցելու է Մոլդովայի թիմի հետ: Իսկ այս հանդիպումներին վնասվածքի պատճառով չեն մասնակցի Յուրա Մովսիսյանը, Արաս Օզբլիսը, Սարգիս Ադամյանը և Արթուր Սարկիսովը: Դավիթ Յուրչենկոն ու Խորեն Բայրամյանն էլ փաստաթղթային խնդիրների պատճառով հետաձգեցին իրենց նորամուտը Հայաստանի հավաքականում:

133

Դիպուկահարներ, ձայնային ու լուսային նռնակներ և ոչ միայն․ Երևանի այսօրը` լուսանկարներով

192

22:09 03.03.2021(Թարմացված է 13:30 04.03.2021)

ՀՀ վարչապետն Ազգային ժողովում էր, իսկ Բաղրամյան պողոտայում` հենց խորհրդարանի դիմաց, շարունակվում էր ընդդիմադիրների հանրահավաքը` Փաշինյանի հրաժարականի պահանջով։ Sputnik Արմենիայի ֆոտոշարքը ներկայացնում է օրվա տպավորիչ կադրերը։

Հայաստանի մայրաքաղաքն այսօր կրկին փոթորկուն էր։ ԱԺ–ի հետ հարցուպատասխանի համար ՀՀ վարչապետ Նիկոլ Փաշինյանը մեկնել էր խորհրդարան։ Սկզբում բազմաթիվ ոստիկանական ուժեր հավաքվել էին ՀՀ կառավարության շենքի մոտ, որպեսզի ապահովեն վարչապետի անվտանգ դուրս գալը։ Ապա այդ ուժերը, և ոչ միայն նրանք, տեղափոխվեցի ԱԺ–ի մոտ։

ՄԻՊ-ը քննադատել է ԱԺ պատուհաններից հրազենի և դիպուկահարների ցուցադրությունը

Խորհրդարանի պատուհաններից քաղաքացիներն ու ԶԼՄ–ները նկատել ու արձանագրել էին դիպուկահարների և հրազենի, որոնք ուղղված էին ցուցարարների կողմը` ի պաշտպանություն ՀՀ վարչապետի ու կառավարության։

Իսկ Բաղրամյան պողոտայում` խորհրդարանի դիմաց, շարունակվում էր Հայրենիքի փրկության շարժման և Փաշինյանի հրաժարականը պահանջող քաղաքացիների հանրահավաքը։

Sputnik Արմենիայի լուսանկարները կպատմեն Երևանի այսօրը։

192

թեգերը:

դիպուկահար, Նիկոլ Փաշինյան, ԱԺ, հանրահավաք, ընդդիմություն, Երևան

Մերձերկրային ուղեծրում տիեզերական հյուրանոց կբացվի. ահա թե ինչ տեսք է այն ունենալու

144

19:09 02.03.2021(Թարմացված է 19:07 02.03.2021)

Համալիրը կլինի շրջանաձև: Այն պտտվելու է, որ ապահովի արհեստական ձգողականություն: Նախատեսված է լինելու 400 մարդու համար։

Orbital Assembly Corporation (OAC) կորպորացիան 2025 թվականին կսկսի ցածր երկրային ուղեծրում Voyager առաջին տիեզերական հյուրանոցի շինարարությունը:

Rover Down-Look Camera-յով արված NASA's Perseverance Mars Rover-ի լուսանկար։

ՆԱՍԱ-ի սարքը վայրէջքից հետո Կարմիր մոլորակի առաջին լուսանկարներն է արել

Daily Mail-ը գրում է, որ հյուրանոցը կարող է շահագործման հանձնվել արդեն 2027 թվականին։ Այն մեծ շրջանակի տեսք կունենա ու կպտտվի՝ արհեստական ձգողականություն ստեղծելու համար։ Ձգողականությունը կլինի նույնը, ինչ լուսնի վրա է: Հյուրանոցը հագեցած կլինի ռեստորաններով, բարերով, մարզադահլիճով, կինոթատրոնով, սպա սրահով։ Այնտեղ միաժամանակ կարող են 400 մարդ հյուրընկալվել:

Դեռևս չի հաղորդվում հյուրանոցի շինարարության ու գիշերակացի արժեքը, սակայն հայտնի է, որ Voyager-ը կունենա պտտվող օղակի արտաքին կողմին կցված խցիկներ: Որոշ խցիկներ կվաճառվեն տիեզերական գործակալություններին՝ տարբեր հետազոտություններ իրականացնելու համար։

Փարիզը, արծաթագույն ամպերն ու Սևանը․ ՄՏԿ–ի տիեզերագնացների անհավանական լուսանկարները

Ներքին օղակը կդառնա տիեզերանավերի «կայանատեղի»՝ ուղևորներին ու բեռները տեղ հասցնելու համար: Իսկ բնակելի օղակում կլինեն ոչ միայն սենյակներ, այլև մարզասրահ, խոհանոց, ռեստորան, բար ու անձնակազմի համար նախատեսված տարածքներ։ Տիեզերական հանգստի սիրահարները կարող են ձեռք բերել 20 x 12 մ մոդուլներ մասնավոր առանձնատան համար, իսկ գործարարները կարող են ձեռք բերել մոդուլներ ուղեծրում բիզնես վարելու համար:

Հայտնի է նաև, որ հյուրանոցի կառուցման ծախսերը նվազում են բազմակի օգտագործման կրիչ–հրթիռների շնորհիվ։

Էտնայի ահավոր գեղեցկությունը․ հրաբխի ժայթքման կադրերը գրավել են էսթետներին

144

թեգերը:

Հյուրանոց, տիեզերք, Լուսանկար

Ըստ թեմայի
Դիմակներ, բայց բոլորովին ուրիշ. ինչ տեսք ունի Վենետիկն առանց ավանդական դիմակահանդեսի

Ջրհեղեղ Գերմանիայում. նավագնացությունը կաթվածահար է, բայց կա մեկ «բայց». վառ լուսանկարներ

Վայրի և անսպասելի. այս մոդելները գերել են Փարիզի նորաձևության շաբաթվա հանդիսատեսին

Պիտակ, որի վրա գրված է. «Արտադրված է Թուրքիայում»

Թուրքիան հանվել է ԵԱՏՄ արտոնություններից օգտվող երկրների ցանկից

15:01 05.03.2021(Թարմացված է 15:03 05.03.2021)

Հայկական կողմն առաջարկել է ԵԱՏՄ սակագնային արտոնություններից օգտվող զարգացող երկրների ցանկից հանել 75 երկրներ։

ԵՐԵՎԱՆ, 5 մարտի – Sputnik. Այսօր հեռավար կարգով կայացել է Եվրասիական տնտեսական հանձնաժողովի խորհրդի նիստը, որին մասնակցել է փոխվարչապետ Մհեր Գրիգորյանը: Տեղեկությունը հայտնում է կառավարության մամուլի ծառայությունը։

«Նիստի օրակարգում հայկական կողմի նախաձեռնությամբ ընդգրկվել է նաև ԵԱՏՄ սակագնային արտոնություններից օգտվող զարգացող երկրների ցանկից թվով 75 երկրներ, այդ թվում՝ Թուրքիան հանելու վերաբերյալ առաջարկը»,– նշված է հաղորդագրության մեջ։

Առաջարկն ընդունվել է միաձայն և ուժի մեջ կմտնի որոշման հրապարակման պահից 6 ամիս հետո՝ համաձայն գործող ընթացակարգերի:

Հիշեցնենք` դեկտեմբերի 4-ին ՀՀ վարչապետ Նիկոլ Փաշինյանը Եվրասիական միջկառավարական խորհրդի նիստում հայտարարել էր, որ անհրաժեշտ է վերանայել Եվրասիական տնտեսական միության սակագնային առանձնաշնորհներից օգտվող երկրների ցանկը։ Նա նշել էր, որ արտոնությունները ստանում են զարգացող և առավել թույլ զարգացած երկրները, բայց այդ ցուցակում ընդգրկված է նաև Թուրքիան, որին մաքսային արտոնություններ են տրամադրում մի շարք ապրանքների համար։

Նշենք, որ արտոնություններից օգտվող երկրների ցանկը հաստատվել է 2009 թվականին Մաքսային միության հանձնաժողովի որոշմամբ։

թեգերը:

Հայաստան, Եվրասիական տնտեսական միություն (ԵԱՏՄ), Թուրքիա

Ըստ թեմայի
Պատերազմը և թուրք–ադրբեջանական տանդեմի աշխուժացումը. ինչու է Իրանն ուզում միանալ ԵԱՏՄ–ին

ԵԱՏՄ երկրների համար. Ռուսաստանը ձևավորում է նոր պատվերներ SSJ ինքնաթիռների համար

ԵԱՏՄ–ն Իրանին ընձեռում է տնտեսական քաղաքականության հնարավորություն Չինաստանի ուղղությամբ