Ապրիլի 2-ին, ժամը 20:44-ին Երևան քաղաքի Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում պայթյուն է տեղի ունեցել:
Նախնական տվյալներով՝ խոհանոցում պայթել է գարեջրի ճնշումն ապահովող թթվածնի բալոնը: Պայթյունից 8 մարդ է տուժել՝ Ռուդոլֆ Մարկոսյանը (6 տարեկան), Ռուբինա Մարկոսյանը (8 տարեկան), Զարուհի Մելիքյանը (19 տարեկան), Էրիկ Աշուղյանը (24 տարեկան, ԻԻՀ քաղաքացի), Ալյոնա Ագապովան (15 տարեկան, ՌԴ քաղաքացի), Լիզա Աբրահամովան (15 տարեկան, ՌԴ քաղաքացի), Յարոսլավ Լյուբենկոն (15 տարեկան, ՌԴ քաղաքացի), Զեյնա Հուսեինին (24 տարեկան, ԻԻՀ քաղաքացի), ովքեր տեղափոխվել են Սուրբ Գրիգոր Լուսավորիչ ԲԿ:
Տուժածներից միայն մեկի՝ 8-ամյա Ռուբիանա Մարկոսյանի վիճակն էր ծայրահեղ ծանր, բժիշկները ստիպված են եղել վիրահատել նրան: Այժմ երեխայի վիճակը կայուն է:
Ավելի ուշ Երևանի Գրիգոր Լուսավորիչ բժշկական կենտրոն էր այցելել ԱԺ նախագահ, մանկական վիրաբույժ Արա Բաբլոյանը, որի գնահատմամբ՝ տուժածներ վիճակը կայուն է, նրանց կյանքին որևէ վտանգ չի սպանում:
Sputnik Արմենիայի թղթակիցը եղել է դեպքի վայրում, այնուհետև նաև հիվանդանոցում և լուսանկարել օրվա արտառոց կադրերը:
