«Ռոսիա սեգոդնյա» մեդիախմբի կազմակերպած Անդրեյ Ստենինի անվան ֆոտոլրագրության մրցույթի լավագույն աշխատանքների օգտին քվեարկելու համար համացանցի օգտատերերին մեկ շաբաթից պակաս ժամանակ է մնացել։ ВКонтакте, Facebook, Twitter սոցցանցերից մեկում կամ չինական Weibo կայքում էջ ունեցողները կարող են stenincontest.ru կայքում ընտրություն կատարել մինչև հուլիսի 18-ը, Երևանի ժամանակով 00:59-ը։
Համացանցում ամենահայտնի լուսանկարի հեղինակը կստանա մրցույթի դիպլոմ, իսկ պրոֆեսիոնալ ժյուրիի ընտրած հաղթողների անունները հայտնի կդառնան 2017 թվականի օգոստոսի 7-ին։ Ժյուրին, որի կազմում ընդգրկվել են համաշխարհային և ռուսական ֆոտո և արտ-միությունների առաջատարները, գլխավորում է «Շտեռն» ամսագրի ֆոտոտնօրեն Անդրեաս Թրամփը։
2016 թվականին համացանցի օգտատերերը քվեարկել էին Եգիպտոսը ներկայացնող լրագրող Գեհադ Համդի (Gehad Hamdy) «Ասպետները» լուսանկարի օգտին։ 2017 թվականի մայիսի վերջին քվեարկության մեկնարկին հաջորդած մեկուկես ամիսը ցույց տվեց, որ համացանցի օգտատերերն ընտրում են վառ լուսանկարներն ու անսպասելի դիրքերը։
2017 թվականին մրցույթին 5000 աշխատանք է ներկայացվել աշխարհի 76 երկրից։ Մրցույթում գործում է չորս անվանակարգ` «Գլխավոր նորություններ», «Սպորտ», «Իմ մոլորակը» և «Դիմանկար։ Մեր ժամանակների հերոսը»։ Առցանց քվեարկությանը մասնակցում են ժյուրիի ընտրած լուսանկարները։
Անդրեյ Ստենինի անվան ֆոտոլրագրության միջազգային մրցույթն անցկացվում է ամեն տարի 18-34 տարեկան երիտասարդ ֆոտոլրագրողների համար։ Սա ամենամյա հարթակ է, որը գործում է Ռուսաստանում և աջակցում երիտասարդ լուսանկարիչներին։
2016 թվականին մրցույթին ներկայացվել էր 6000 աշխատանք աշխարհի 71 երկրի 5 մայրցամաքներից։ Հաղթողների աշխատանքները ցուցադրվել էին Մոսկվայում, Ստամբուլում, Քեյփթաունում, Շանհայում, Պեկինում, Կահիրեում, Բեռլինում, Հռոմում և աշխարհի այլ քաղաքներում։
2017 թվականին մրցույթի անվանակարգերի միջազգային գործընկերն են Al Mayadeen TV-ն, Shanghai United Media Group-ը (SUMG) և Կարմիր Խաչի միջազգային կոմիտեն։
Մրցույթի տեղեկատվական գործընկերներն են Вести.Ru տեղեկատվական-լրատվական պորտալը, «Ռոսիա-Կուլտուրա» պետական համառուսաստանյան հեռուստաալիքը, KP.ru տեղեկատվական-լրատվական պորտալը, ЖурДом տեղեկատվական պորտալը և Russian Photo պորտալը։ Մրցույթի միջազգային գործընկերներն են Sputnik լրատվական գործակալությունն ու ռադիոն, Askanews տեղեկատվական գործակալությունը, Independent Media մեդիահոլդինգը, Notimex լրատվական գործակալությունը, ANA լրատվական գործակալությունը, RT հեռուստաալիքն ու պորտալը, The Royal Photographic Society-ն, Shanghai United Media Group-ը (SUMG), Xinhua տեղեկատվական գործակալությունը, ինչպես նաև ANDES լրատվական գործակալությունը։ Ճյուղային լրատվական գործընկերների կարգավիճակում մրցույթին աջակցում են Լուսանկարչության ակադեմիան, ГеоФото գործակալությունը, Photo-study.ru պորտալը, Bleek Magazine առցանց ամսագիրը, Մոսկվայի լրագրողների միությունը, Վիզուալ արվեստների դպրոցը, Ռուսաստանի լուսանկարիչների միությունը, YOung JOurnalists տեղեկատվական պորտալը, ինչպես նաև PhotoVisa և «Фотопарад в Угличе» փառատոները։
