Ճապոնական գեղեցկություն

19:22 03.03.2016

Մարտն ավանդաբար կանանց ամիս է համարվում։ Մարտի 3-ին Ճապոնիայում նշվում է աղջիկների տոնը, որը քնքշորեն անվանում են Հինա մացուրի (Hina Matsuri –Հինա տիկնիկների տոն) կամ Մոմո-նո սեկու (Momo-no Sekku – դեղձենու ծաղման տոն)։

Այդ օրն այն ընտանիքները, որտեղ աղջիկներ կան, հատուկ դարակների վրա հատուկ տիկնիկներ` հինա նինգյոներ են ցուցադրում։

Այդ օրը աղջիկները ծաղկանախշ կիմոնոներ են հագնում ու նմանվում տիկնիկների։ Նրանք հյուր են գնում, միմյանց նվերներ մատուցում, քաղցրավենիք ուտում և թույլ ալկոհոլային սակե խմում։

Տոնի ժամանակ աղջիկները պետք է հետևեն բարեկրթության կանոններին։ Հինա մացուրիի նպատակը աղջիկների դաստիարակությունն է, այդ օրը նրանց ծնողները ցույց են տալիս, որ իրենց աղջիկները լավ դաստիարակություն են ստացել և տիրապետում են վարվեցողության կանոններին։

MCAS Iwakuni Public Affairs Office
Ի սկզբանե տոնը նշվել է միայն արքունիքում և զինվորական դասի շրջանում, սակայն շուտով տարածվել է նաև ժողովրդի մեջ
Shin-ichi ABE
Հինա տիկնիկները նախատեսված չեն ամենօրյա խաղերի համար, սովորաբար դրանք ցուցադրում են կենտրոնական սենյակում` հատուկ դարակների` հինադանայի վրա և մի քանի օր հիանում դրանցով
Teruhide Tomori
Հին ժամանակներում տոնը նշվում էր երրորդ ամսվա երրորդ օրը։ Այն ժամանակ գյուղացիները շատ ծանրաբեռնված չէին գյուղատնտեսական աշխատանքներով և կարող էին վայելել առաջին տաք օրերը, երբ ծաղում է դեղձենին
Ashleigh Allen
Ազնվական ընտանիքները հրավիրում էին կախարդների, որոնք հատուկ աղոթքներ էին կարդում, որպեսզի մարդկանց բոլոր դժբախտություններն անցնեն թղթե տիկնիկներին, և հետո այդ տիկնիկները «հանձնում» էին գետի կամ ծովի ալիքներին
Teruhide Tomori
Այդ ավանդույթը պահպանվում է նաև այժմ, սակայն հիմա դրանք ոչ թե թղթե տիկնիկներ են, այլ շքեղ մետաքսե հագուստով արվեստի իսկական գլուխգործոցներ
Chikuma Riv
Այսօր այն ընտանիքները, որտեղ աղջիկներ կան, հատուկ դարակների վրա հատուկ տիկնիկներ` հինա նինգյոներ են ցուցադրում
MCAS Iwakuni Public Affairs Office
Այդ օրն աղջիկները ծաղկանախշ կիմոնոներ են հագնում
Snuffy
Սովորաբար երբ ընտանիքում աղջիկ է ծնվում, ծնողները տիկնիկների նոր հավաքածու են գնում, և այն հետագայում համալրվում է նոր տիկնիկներով, որոնք նվիրում են հարազատներն ու ընկերները
Shinichi Higashi
Որպես կանոն` հավաքածուի մեջ լինում է առնվազն 15 տիկնիկ` կարմիր գույնի ավանդական բազմաշերտ հագուստով
Nguyen Phuong Dung
Տիկնիկների ցուցադրությունը սկսվում է մարտի 3-ին և տևում մեկ ամիս
Tengeiji Hideki
Առավել արժեքավոր են ու զարդարված կայսրին (օ-Դայրի-սամա) և կայսրուհուն (օ-Հիմե-սամա) ներկայացնող մետաքսե արարողակարգային հանդերձանքով տիկնիկները
Ken Knockwell
Նման որոշ հավաքածուներ շատ թանկարժեք են ու ընտանիքում փոխանցվում են սերնդեսերունդ

Դիպուկահարներ, ձայնային ու լուսային նռնակներ և ոչ միայն․ Երևանի այսօրը` լուսանկարներով

183

22:09 03.03.2021(Թարմացված է 13:30 04.03.2021)

ՀՀ վարչապետն Ազգային ժողովում էր, իսկ Բաղրամյան պողոտայում` հենց խորհրդարանի դիմաց, շարունակվում էր ընդդիմադիրների հանրահավաքը` Փաշինյանի հրաժարականի պահանջով։ Sputnik Արմենիայի ֆոտոշարքը ներկայացնում է օրվա տպավորիչ կադրերը։

Հայաստանի մայրաքաղաքն այսօր կրկին փոթորկուն էր։ ԱԺ–ի հետ հարցուպատասխանի համար ՀՀ վարչապետ Նիկոլ Փաշինյանը մեկնել էր խորհրդարան։ Սկզբում բազմաթիվ ոստիկանական ուժեր հավաքվել էին ՀՀ կառավարության շենքի մոտ, որպեսզի ապահովեն վարչապետի անվտանգ դուրս գալը։ Ապա այդ ուժերը, և ոչ միայն նրանք, տեղափոխվեցի ԱԺ–ի մոտ։

ՄԻՊ-ը քննադատել է ԱԺ պատուհաններից հրազենի և դիպուկահարների ցուցադրությունը

Խորհրդարանի պատուհաններից քաղաքացիներն ու ԶԼՄ–ները նկատել ու արձանագրել էին դիպուկահարների և հրազենի, որոնք ուղղված էին ցուցարարների կողմը` ի պաշտպանություն ՀՀ վարչապետի ու կառավարության։

Իսկ Բաղրամյան պողոտայում` խորհրդարանի դիմաց, շարունակվում էր Հայրենիքի փրկության շարժման և Փաշինյանի հրաժարականը պահանջող քաղաքացիների հանրահավաքը։

Sputnik Արմենիայի լուսանկարները կպատմեն Երևանի այսօրը։

183

թեգերը:

դիպուկահար, Նիկոլ Փաշինյան, ԱԺ, հանրահավաք, ընդդիմություն, Երևան

Մերձերկրային ուղեծրում տիեզերական հյուրանոց կբացվի. ահա թե ինչ տեսք է այն ունենալու

139

19:09 02.03.2021(Թարմացված է 19:07 02.03.2021)

Համալիրը կլինի շրջանաձև: Այն պտտվելու է, որ ապահովի արհեստական ձգողականություն: Նախատեսված է լինելու 400 մարդու համար։

Orbital Assembly Corporation (OAC) կորպորացիան 2025 թվականին կսկսի ցածր երկրային ուղեծրում Voyager առաջին տիեզերական հյուրանոցի շինարարությունը:

Rover Down-Look Camera-յով արված NASA's Perseverance Mars Rover-ի լուսանկար։

ՆԱՍԱ-ի սարքը վայրէջքից հետո Կարմիր մոլորակի առաջին լուսանկարներն է արել

Daily Mail-ը գրում է, որ հյուրանոցը կարող է շահագործման հանձնվել արդեն 2027 թվականին։ Այն մեծ շրջանակի տեսք կունենա ու կպտտվի՝ արհեստական ձգողականություն ստեղծելու համար։ Ձգողականությունը կլինի նույնը, ինչ լուսնի վրա է: Հյուրանոցը հագեցած կլինի ռեստորաններով, բարերով, մարզադահլիճով, կինոթատրոնով, սպա սրահով։ Այնտեղ միաժամանակ կարող են 400 մարդ հյուրընկալվել:

Դեռևս չի հաղորդվում հյուրանոցի շինարարության ու գիշերակացի արժեքը, սակայն հայտնի է, որ Voyager-ը կունենա պտտվող օղակի արտաքին կողմին կցված խցիկներ: Որոշ խցիկներ կվաճառվեն տիեզերական գործակալություններին՝ տարբեր հետազոտություններ իրականացնելու համար։

Փարիզը, արծաթագույն ամպերն ու Սևանը․ ՄՏԿ–ի տիեզերագնացների անհավանական լուսանկարները

Ներքին օղակը կդառնա տիեզերանավերի «կայանատեղի»՝ ուղևորներին ու բեռները տեղ հասցնելու համար: Իսկ բնակելի օղակում կլինեն ոչ միայն սենյակներ, այլև մարզասրահ, խոհանոց, ռեստորան, բար ու անձնակազմի համար նախատեսված տարածքներ։ Տիեզերական հանգստի սիրահարները կարող են ձեռք բերել 20 x 12 մ մոդուլներ մասնավոր առանձնատան համար, իսկ գործարարները կարող են ձեռք բերել մոդուլներ ուղեծրում բիզնես վարելու համար:

Հայտնի է նաև, որ հյուրանոցի կառուցման ծախսերը նվազում են բազմակի օգտագործման կրիչ–հրթիռների շնորհիվ։

Էտնայի ահավոր գեղեցկությունը․ հրաբխի ժայթքման կադրերը գրավել են էսթետներին

139

թեգերը:

Հյուրանոց, տիեզերք, Լուսանկար

Ըստ թեմայի
Դիմակներ, բայց բոլորովին ուրիշ. ինչ տեսք ունի Վենետիկն առանց ավանդական դիմակահանդեսի

Ջրհեղեղ Գերմանիայում. նավագնացությունը կաթվածահար է, բայց կա մեկ «բայց». վառ լուսանկարներ

Վայրի և անսպասելի. այս մոդելները գերել են Փարիզի նորաձևության շաբաթվա հանդիսատեսին

Ջերմաստիճանը կբարձրանա. եղանակի տեսություն

08:02 05.03.2021(Թարմացված է 16:14 04.03.2021)

Հիդրոօդերևութաբանների կանխատեսումներով` տեղումնառատ օրերը դեռ կշարունակվեն։

ԵՐԵՎԱՆ, 5 մարտի - Sputnik. Հայաստանի Հանրապետության տարածքում այսօր` մարտի 5-ին հարավային շրջաններում, 7-ի կեսօրից հետո, 8-ին, 9-ի գիշերը շրջանների զգալի մասում, 9-ի ցերեկը առանձին շրջաններում սպասվում են տեղումներ, լեռնային և նախալեռնային շրջաններում` ձյան տեսքով։ Մարտի 6-ին, 7-ի գիշերը սպասվում է առանց տեղումների եղանակ։ Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

Օդի ջերմաստիճանը մարտի 5-6-ի ցերեկն աստիճանաբար կբարձրանա 2-4 աստիճանով, 8-ի ցերեկը նույնքան կնվազի։