«Զվարթնոց» օդանավակայանում հարազատները դիմավորում էին ՌԴ ԱԻՆ–ի հատուկ չվերթ իրականացրած ինքնաթիռին, որը տեղափոխում էր Տուլայի մոտ տեղի ունեցած ՃՏՊ–ի տուժածներին։
Վթարից տուժած 32 քաղաքացիներին և 8 զոհերի աճյունները տեղափոխող ինքնաթիռը Երևանի օդանավակայանում վայրէջք էր կատարել 22։00–ին։
Հարազատներն անհամբերությամբ սպասում էին իրենց ազգականներին։ Ինչ–որ մեկը դիմավորում էր հորը, որը պետք է առաջին անգամ տեսներ նորածին աղջկան, մյուսը` ամուսնուն, որը Ռուսաստան էր մեկնել հացի խնդիր լուծելու…
1/7
© Sputnik / Асатур Есаянц
Կարեն Սաֆարյանը պետք է ժամաներ, որպեսզի տեսներ նորածին դստերը, որին ծնված օրից չէր տեսել։ Բարեբախտաբար, Կարենը միայն կողերն էր վնասել։ «Զվարթնոց» օդանավակայանում նրան դիմավորում էին ընտանիքի անդամները, կինը` դստեր հետ
2/7
© Sputnik / Асатур Есаянц
Սիմոն Կարախանյանին դիմավորում է ընկերը` Արմեն Ասրյանը։ Սիմոնը Ռուսաստան էր մեկնել աշխատելու նպատակով։ Չնայած վնասվածքին` Սիմոնն օգնել էր մյուս ուղևորներին դուրս գալ ավտոբուսից
3/7
© Sputnik / Асатур Есаянц
Գարիկ Ղասագուլյանին դիմավորել է հայրը` Արմենակը։ Չնայած վնասվածքին` Գարիկը չի երկմտել և օգնել է դուրս բերել վիրավորներին ու մահացածների մարմինները
4/7
© Sputnik / Асатур Есаянц
Փոքրիկ Ռազմիկ Մակարյանը սպասում է հորը
5/7
© Sputnik / Асатур Есаянц
Մանվել Թադևոսյանը սպասում է եղբորը` Սիրեկանին, որը թեթև վնասվածք է ստացել։ Նա հաղորդել է եղբորը, որը հիվանդանոցի փոխարեն նախընտրում է տուն վերադառնալ
6/7
© Sputnik / Асатур Есаянц
Խաչատրյանների ընտանիքը դիմավորում է որդուն։ Վլադիմիրն ու Կարինեն վստահեցնում են փոքրիկ Արգիշտիին, որ շուտով կտեսնի ավագ եղբորը` Տիգրանին
7/7
© Sputnik / Асатур Есаянц
Ռուդիկ Զաքարյանը դիմավորում է որդուն` Կարենին, որը կես տարի վարորդ է աշխատել Ռուսաստանում։ Նա թեթև վնասվածք է ստացել և հրաժարվել հոսպիտալացումից
