ԵՐԵՎԱՆ, 25 օգոստոսի– Sputnik. 30-ը բոլորած մարդիկ շատ լավ են հիշում խորհրդային դպրոցը, երբ միասնական դպրոցական համազգեստ կրելը ողջ Խորհրդային Միության տարածքում նույնքան անվիճելի ճշմարտություն էր թվում, որքան տարվա ժամանակների փոփոխությունը։ ԽՍՀՄ փլուզումից հետո մոռացության մատնվեց նաև այդ ավանդույթը։ Երեխաները դպրոց էին գնում այն հագուստով, ինչով ցանկանում էին, իսկ ավելի հաճախ` ինչի հնարավորություն ունեին ծնողները։ Բայց ահա վերջին տարիներին ավելի շատ դպրոցներն են միասնական դպրոցական համազգեստ կրելու պայման ներկայացնում։

«Sputnik-Արմենիայի» թղթակիցը փորձել է իմանալ, թե ինչպես է որոշվում դպրոցական հագուստի ձևը և գույնը, ինչպես են վերաբերվում աշակերտների ծնողներն այդ պահանջին։

Ճաշակին ընկեր չկա

Միասնական համազգեստ կարող հայ դերձակները չկարողացան հստակ նշել, թե որ միտումներն են Հայաստանում առաջատար համազգեստի գույնն ընտրելիս։

Որպես կանոն` դպրոցի ղեկավարությունն ու ծնողական կոմիտեն դերձակների հետ քննարկում են հագուստի գույնն ու ձևը, իսկ մյուս ծնողներին մնում է միայն համակերպվել այդ որոշմանը։ Եվ եթե գույների առումով ճաշակի ընդհանրություն չի նկատվում, ապա ձևի ընտրության հարցում դասականի ձգտում է նկատվում` ժիլետներ և ուղիղ տաբատներ տղաների համար, իսկ աղջիկների համար` դարսերով կիսաշրջազգեստներ։

Կարելի է ասել` ոչ միայն Երևանի, այլ նաև մարզերի շատ դպրոցներ կամաց–կամաց անցնում են միասնական համազգեստի։
 
Ծնողները «կողմ» են միասնական դպրոցական համազգեստին, բայց…

«Sputnik-Արմենիան» որոշ դպրոցականների ծնողների և տատիկների հետ զրուցել է այն մասին, թե նրանց դուր գալիս է այն գաղափարը, որ դպրոցն է որոշում, թե ինչով երեխաները պետք է այցելեն ուսումնական հաստատություն։

Ընդհանուր առմամբ նրանք հավանություն են տալիս այդ գաղափարին` նշելով, որ միասնական համազգեստը կարգապահություն է մտցնում և թույլ տալիս սոցիալապես անապահով ընտանիքների երեխաներին խուսափել շատ տհաճ պահերից։

Սակայն հարցն ունի նաև իր բացասական կողմը. համազգեստը սովորաբար մեկ հատ են պատվիրում, և ստացվում է, որ միակը հագուստը, որով դպրոցականը պետք է դպրոց գնա, անընդհատ լվացվում է և շատ արագ մաշվում։ Եվ եթե տղաների համար ոճի հարցը գուցե այդքան էլ սկզբունքային չէ, ապա աղջիկների, հատկապես բարձր դասարանի աշակերտուհիների համար համազգեստի ձևը և ամեն օր նույն հագուստը կրելու թեման բավականին ցավոտ է։

ԵՐԵՎԱՆ, 5 մարտի - Sputnik. Երևանի մետրոպոլիտենի տնօրենի ժամանակավոր պաշտոնակատար Գևորգ Ավետիսյանն այսօր հրավիրված ասուլիսի ժամանակ հայտնեց, որ փորձագիտական հանձնաժողովը շարունակում է աշխատանքները մետրոպոլիտենի նոր կայարանի շուրջ, որը կառուցվելու է Աջափնյակ թաղամասում։

© Sputnik / Aram Nersesyan

Երևանի մետրոպոլիտենի համար դրենաժային թունել կկառուցվի

«Չեմ ուզում փակագծերը բացել, դեռ աշխատանքները շարունակվում են։ Կոնկրետ ժամկետներ չեմ կարող նշել», - ասաց նա։

Նա նաև հայտնեց, որ խոսակցություններ կան նաև վճարման նոր համակարգի մասին, սակայն կրկին շատ շուտ է ժամկետների մասին խոսելը։

Ավետիսյանի փոխանցմամբ՝ 2010-ի մարտից սկսվել է մետրոպոլիտենի վերակառուցման նախագիծը, որի շրջանակում կատարվել են գնացքների լվացման, աշխատակիցների ուսուցման աշխատանքներ։

«Մենք կադրերի խնդիր ունենք։ Երկրում չկա ուսումնական հաստատություն, որը կադրեր կպատրաստի մետրոպոլիտենի համար։ Մենք ապավինում ենք փորձառու աշխատակիցների վրա, որոնք կսովորեցնեն երիտասարդներին», - ասաց նա։

Այս տարի Երևանի մետրոպոլիտենը նշում է իր 40-ամյակը։ Պատմության մեջ առաջին ու միակ անգամ մետրոն չի աշխատել 2020-ի ապրիլ-մայիսին կորոնավիրուսի պատճառով։

Աղմկահարույց պատմություն. ինչպես է բեռը ՌԴ–ից ուղարկվել ՀՀ, և ինչ կապ ունի Հայկ Սարգսյանը

«2019-ին մետրոպոլիտենից մարդիկ օգտվել են 21 միլիոն անգամ, իսկ 2020-ին՝ 11: Գրեթե կեսով նվազել է սպառումը։ Հիմա վերականգնվում են տեմպերը, օրական 50-55 հազար մարդ է սպասարկվում», - ասաց Ավետիսյանը։

Մետրոպոլիտենի հոբելյանը նշվելու է մարտի 7-ին։ Կայարաններում կլինեն ցուցահանդեսներ, մշակութային միջոցառումներ, կպարգևատրվեն աշխատակիցները։ Ցուցահանդեսները կայարաններում կլինեն ողջ տարի։

Գյումրու Վերականգնողական կենտրոնում փորձում են վերադարձնել վիրավորված տղաների ժպիտը

Երևանի մետրոպոլիտենը գործարկվել է 1981 թվականին։ Երևանի մետրոյի ուղիների ընդհանուր երկարությունը 12,1 կմ է, գործում է 10 կայարան։ Կայարաններից երեքը՝ Սասունցի Դավիթը, Գործարանայինն ու Չարբախը, վերգետնյա են, մնացած յոթը՝ ստորգետնյա։ Գնացքների ժամանման միջակայքը 6,5 րոպե է։

Հարավկովկասյան երկաթուղին շահագործման է հանձնել 70 նոր կիսավագոններ