«Դուք գնում եք ձեր երեխաների ննջարանները պաշտպանելու». Փաշինյանի ելույթը զինվորների առջև

536
(Թարմացված է 22:55 16.10.2020)
Հայաստանն ունի բարեկամ երկրներ, բայց նրանցից ոչ մեկը չի կերտելու հայոց զինվորի հաղթանակը, ասաց վարչապետը։

Հայաստանի վարչապետ Նիկոլ Փաշինանը ելույթ է ունեցել Արցախ մեկնել պատրաստվող գումարտակի առաջ։

«Շատ կուզեի ասել` հայրենիքը չունի ձեր զինվորական ծառայությունների կարիքը, վերադարձեք ձեր քաղաքացիական աշխատանքին, բայց դա այդպես չէ։ Դուք այսօր այստեղ եք, որովհետև հայրենիքը ունի ձեր և յուրաքանչյուրիս կարիքը։ Դուք գնալու եք մի տեղ, որտեղ հնարավոր է ձեր շուրջը նայելով ոչ մի ծանոթ ծառ չտեսնեք, բայց դուք կանգնած եք լինելու ձեր երեխաների ննջարանների առաջ։ Պաշտպանելով այդ հողը` դուք պաշտպանելու եք ձեր երեխաների ննջարանները, ձեր շքամուտքը, ձեր թաղը։ Դուք գնում եք այդտեղ կռվելու, որ հաջորդ օրը չկռվեք ձեր շքամուտքի առջև», – ասաց իր ելույթում վարչապետը։

Հայաստանն ունի բարեկամ երկրներ, բայց նրանցից ոչ մեկը չի կերտելու հայոց զինվորի հաղթանակը, ասաց վարչապետը։

«Եթե մենք որոշենք պարտվել, մեր բարեկամ երկրները կպաշտպանեն մեր պարտվելու որոշումը, եթե որոշենք հաղթել` մեր հաղթելունը», – ասաց Փաշինյանը։

Նա նաև վկայակոչեց 2016-ի ապրիլը, երբ որոշում էր կայացրել մեկնել ռազմաճակատ։

«Որոշումը կայացրել եմ ակնթարթի, պահի տակ։ Առավոտյան նայել եմ մեկ տարին չբոլորած դստերս ու հասկացել, որ պատրաստ եմ գնալ ու զոհվել հանուն նրա, որ իմ երեխան, իմ հարևանի երեխան, իմ ընկերոջ երեխան ապրեն», – ասաց վարչապետը։

Զինծառայողները ծափողջյուններով ու «Հաղթանակ» բառը վանկարկելով պատասխանեցին Փաշինյանի ելույթին։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

 

536
թեգերը:
ելույթ, Նիկոլ Փաշինյան, Արցախյան պատերազմ
թեմա:
Ադրբեջանական ագրեսիան Արցախում - 2020 (1685)
Ըստ թեմայի
Շնորհակալություն հայերին աջակցելու համար. Փաշինյանն ընդունել է Հունաստանի արտգործնախարարին
Պատրա՞ստ եք հանձնել 7 շրջանները. պատասխանում է Նիկոլ Փաշինյանը
Իմ ակնկալիքը հստակ է՝ կիրառել «Անջատում հանուն փրկության» սկզբունքը. Նիկոլ Փաշինյան

Սյունիքում հակառակորդի հարվածից զինծառայողներ են վիրավորվել

188
(Թարմացված է 16:29 27.10.2020)
Հայկական բանակը հակառակորդին զգալի կորուստներ է պատճառել` հասցնելով հարվածներ։

Սյունիքի մարզում հակառակորդի ԱԹՍ–ների հարվածներից զինծառայողներ են վիրավորվել։ «Զինուժ մեդիան» տեսանյութ է հրապարակել, որի կադրերում երևում է, թե ինչպես են վիրավորված զինծառայողներին տեղափոխում հոսպիտալ։

«Հակառակորդը թիրախավորել է Հայաստանի հարավային սահմանը։ Կրակ է վարում հարավի ուղղությամբ, հիմնականում օգտագործում է անօդաչու թռչող սարքեր»,-ասվում է տեսանյութում:

Նշվում է, որ հայկական բանակը հակառակորդին զգալի կորուստներ է պատճառել` հասցնելով հարվածներ։

Ավելի վաղ հայտնել էինք, որ այսօր առավոտյան՝ ժամը 10:00-10:15–ի սահմանում, հերթական անգամ խախտելով հրադադարի ռեժիմը, ադրբեջանական կողմը անօդաչուներով և հրթիռահրետանային միջոցներով հրետակոծել է ՀՀ հարավային սահմանի Իրանի հետ հատման կետի հայկական սահմանապահ ուղեկալի դիրքերը: Անօդաչուներից մեկն ընկել էր Հայաստանի Հանրապետության տարածքում։

ՀՀ ՊՆ խոսնակ Շուշան Ստեփանյանը նշել էր, որ ստիպված են լինելու պատասխան հարվածներ հասցնել ադրբեջանական ուժերի ուղղությամբ:

Ավելի ուշ նա հայտնել էր, որ ՀՀ հարավային սահմանի ուղղությամբ հակառակորդի ձեռնարկած ոտնձգության հետևանքով վիրավորներ կան:

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

188
թեգերը:
տեսանյութ, Վիրավոր, զինծառայող, Սյունիք
թեմա:
Ադրբեջանական ագրեսիան Արցախում - 2020 (1685)
Ըստ թեմայի
Պաշտպանության բանակը շուտով պատասխան հարված կհասցնի. Վահրամ Պողոսյան
Հակառակորդի ինքնաթիռը հարվածել է Ստեփանակերտին. տեսանյութ
Հաշվարկված, ճշգրիտ հարված. թշնամու կորուստները շարունակվում են. տեսանյութ

Իմ անմիջական հրամանատարն ասաց, որ թշնամու՝ այսինքն հայկական դիրքերը դատարկ են. ռազմագերի

126
(Թարմացված է 16:02 27.10.2020)
Համաձայն ռազմագերու խոսքերի` ամառվանից Ադրբեջանի զինված ուժերում եղել են Թուրքիայի բանակից զինվորականներ, իսկ պատերազմը սկսելու ժամանակ պետք է օգնեին զինվորականներ Պակիստանից։

Հայաստանի Քննչական կոմիտեն հրապարակել է ադրբեջանցի ռազմագերի, ենթասպա Էմին Բախշալիևի հարցաքննության տեսանյութը։ Տեսանյութում ռազմագերին մանրամասներ է բացահայտում Ադրբեջանի կողմից Արցախի վրա հարձակման նախապատրաստումից։

«2020 թվականի սեպտեմբերի 20–ին կամ 21-ին մեր գումարտակով մենք դուրս ենք եկել և «ԿամԱզ» մեքենայով շարժվել Գյուլիստանի ուղղությամբ: Իմ անմիջական հրամանատար Ահմադ Հանիֆաևը մեզ ասել է, որ թշնամու՝ այսինքն հայկական դիրքերը դատարկ են, 5-7 զինծառայողներ կլինեն, հրաման է տրվել նրանց էլ ոչնչացնել, գրավել և տեղակայվել հայերի մարտական դիրքերում: Հրաման էր տրված՝ ինչքան շատ գրավեինք, այնքան լավ կլիներ»,- նշում է նա:

Նրա խոսքով՝ քաղաքացիական բնակիչների տների բակերում տեղադրվել են հրթիռահրետանային միջոցներ, որոնք կիրառվել են ռազմական գործողությունների ընթացքում, այդ բնակավայրերում քաղաքացիական բնակիչները շարունակել են ապրել։

Ադրբեջանական կողմում այս պահին 17 հայ ռազմագերի կա. ՔԿ

126
թեգերը:
Պատերազմ, Արցախ, ադրբեջանցի, ռազմագերի
թեմա:
Ադրբեջանական ագրեսիան Արցախում - 2020 (1685)
Ըստ թեմայի
Ադրբեջանցիների տարածած ոչ բոլոր նյութերում են Արցախի կամ ՀՀ զինված ուժերի ծառայողներ. ՄԻՊ
Ադրբեջանը հրթիռակոծել է Արցախի 120 բնակավայր, զոհվել են 39 խաղաղ բնակիչ. ՔԿ
Ադրբեջանի օգտին լրտեսություն կատարած երկու անձինք կալանավորված են. ԱԱԾ
Եվգենի Պետրոսյան

Եվգենի Պետրոսյանին հոսպիտալացրել են կորոնավիրուսի կասկածանքով

0
Արտիստին հիվանդանոց են տեղափոխել շտապօգնության մեքենայով։ Պետրոսյանը 75 տարեկան է։

ԵՐԵՎԱՆ, 27 հոկտեմբերի - Sputnik. Հայտնի երգիծաբան Եվգենի Պետրոսյանին հոսպիտալացրել են կորոնավիրուսի կասկածանքով։ Տեղեկությունը հայտնում է ՌԻԱ Նովոստին` հղում անելով ռուսական լրատվամիջոցներին։

Համաձայն հրապարակման` արտիստին հիվանդանոց են տեղափոխել շտապօգնության մեքենայով։ Այժմ նա արդեն հիվանդանոցում է և իրեն լավ է զգում։

Պետրոսյանն այս տարի դարձավ 75 տարեկան։ Արտիստը երկու երեխա ունի` 1 տարեկան Վահանը և 51-ամյա Վիկտորյան։ Եվգենի Պետրոսյանն այժմ ամուսնացած է իրենից 43 տարով փոքր Տատյանա Բրուխունովայի հետ։

0