Փաշինյանն ու Պուտինն օդանավակայանում առանձնազրույց են ունեցել, ի՞նչ են խոսել. տեսանյութ

233
ՀՀ վարչապետ Նիկոլ Փաշինյանը Հայաստանում գտնվող ՌԴ նախագահ Վլադիմիր Պուտինի հետ 2 առանձնազրույց է ունեցել։

ԵԱՏՄ բարձրագույն տնտեսական խորհրդի նիստին մասնակցելու նպատակով Հայաստան ժամանած Ռուսաստանի Դաշնության նախագահ Վլադիմիր Պուտինին երեկ ուշ երեկոյան «Զվարթնոց» օդանավակայանից ճանապարհել է անձամբ ՀՀ վարչապետ Նիկոլ Փաշինյանը։

Ճանապարհելու տեսանյութը նա տեղադրել է Facebook–ի իր էջում։

«Օդանավակայանում ՌԴ նախագահի հետ մեր ունեցած մանրամասն զրույցը կարծում եմ նոր խթան կտա հայ-ռուսական հարաբերություններին»,–տեսանյութին կից գրել է Փաշինյանը:

Իսկ հետգրության մեջ ՀՀ վարչապետը հավելել է, որ ՌԴ նախագահի հետ երեկ կայացած երկու հանդիպումները՝ պաշտոնական և ոչ պաշտոնական, մեկը մյուսի տրամաբանական շարունակությունն էին:

Հիշեցնենք, որ հոկտեմբերի 1–ին Երևանում կայացավ ԵԱՏՄ բարձրագույն խորհրդի նիստը, որին մասնակցեցին ԵԱՏՄ անդամ պետությունների ղեկավարները, ինչպես նաև Սինգապուրի վարչապետը, Իրանի և Մոլդովայի նախագահները։ Եվրասիական տնտեսական միությունը և Սինգապուրն ազատ առևտրի մասին համաձայնագիր կնքեցին։

Ավելի ուշ տեղի ունեցավ Հայաստանի վարչապետի և  Ռուսաստանի նախագահի հանդիպումը, որի ընթացքում Վլադիմիր Պուտինը շնորհակալություն հայտնեց Նիկոլ Փաշինյանին` ԵԱՏՄ–ում Հայաստանի նախագահության արդյունավետ տարվա և բարձրագույն խորհրդի նիստը բարձր մակարդակով անցկացնելու համար։

233
թեգերը:
Ռուսաստան, Հայաստան, Եվրասիական Տնտեսական Միություն (ԵԱՏՄ), «Զվարթնոց» օդանավակայան, Վլադիմիր Պուտին, Նիկոլ Փաշինյան
թեմա:
Հայաստան-Ռուսաստան համագործակցություն (143)
Ըստ թեմայի
Դժոխային վազվզոց. 260 լրագրող լուսաբանում էին ԵԱՏՄ բարձրագույն խորհրդի նիստը. տեսանյութ
Հայաստանը մտադիր է ամրապնդել Ռուսաստանի հետ ռազմավարական գործընկերային հարաբերությունները
Լուրջ, բայց ոչ պաշտոնական. ԵԱՏՄ գագաթնաժողովի ուշագրավ դրվագները` լուսանկարներով
Գիշերը` թռիչքից առաջ Պուտինն ու Փաշինյանը կրկին հանդիպել են. ՀՀ վարչապետը գրառում է արել

sys_stories