Խաղաղապահներ

Բերքահավաք իրականացնող արցախցիները շնորհակալություն են հայտնում խաղաղապահներին

100
(Թարմացված է 10:01 16.07.2021)
Ռուս խաղաղապահներն ապահովում են Մարտակերտի շրջանում բերքահավաք իրականացնող բնակիչների անվտանգությունը։

ԵՐԵՎԱՆ, 16 հուլիսի - Sputnik. Ռուսաստանի պաշտպանության նախարարության մամուլի ծառայությունը հայտնում է, որ ռուս խաղաղապահները Արցախի Մարտակերտի շրջանում հացահատիկային մշակաբույսերի բերքահավաքի ժամանակ ապահովում են տեղի բնակիչների անվտանգությունը:

Այս տարածաշրջանում ցորենի բերքահավաքը մեծ ուշացումով է սկսվել, քանի որ արդեն երկու ամսից կսկսվի աշնանացանը, իսկ դաշտերը չեն հասցնի վերականգնվել:

«Վախենում էինք ադրբեջանական դիրքի մոտ մեր բերքը հավաքել, խաղաղապահների շնորհիվ այլևս չենք վախենում։ Շնորհակալություն մեզ օգնելու համար», - ասել է տեղի բնակիչ Ռուսլանը։

Մարտակերտի շրջանի դաշտերի բերքը հավաքելուց հետո Արցախում բերքահավաքը գրեթե կավարտվի, բայց տեղի բնակիչներն արդեն դիմել են Մարդասիրական արձագանքման կենտրոն, որպեսզի ցանքը չխափանվի։

«Մենք աշխատում ենք դաշտում, բերքը հավաքում, բայց սահմանների տարանջատումից հետո մեզ անհրաժեշտ է ռուս խաղաղապահների օգնությունը, որ բերք հավաքենք», - ասել է կոմբայնի վարորդ Վիտալի Լազարյանը:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

100
թեգերը:
Արցախ, խաղաղապահ
թեմա:
Խաղաղապահներն Արցախում (173)
Ըստ թեմայի
Լաչինի միջանցքով օրական անցնում է մոտ 100 մեքենա. ռուս խաղաղապահները վերահսկում են շարժը
Խաղաղապահները Մարտունիում ապահովում են ջրատարի վերականգնման անվտանգությունը
Արցախում ռուս խաղաղապահները երկար են մնալու. Արտակ Բեգլարյան
Ավելի քան 1000 ուխտավորներ ռուս խաղաղապահների ուղեկցությամբ այցելել են Ամարասի վանք

Ավելի քան 1000 ուխտավորներ ռուս խաղաղապահների ուղեկցությամբ այցելել են Ամարասի վանք

35
(Թարմացված է 10:04 02.08.2021)
Արցախում պարբերաբար ռուս խաղաղապահներն ուխտագնացների այցերի նախօրեին ապահովում են անվտանգությունը։

ԵՐԵՎԱՆ, 2 օգոստոսի – Sputnik. Ռուսական խաղաղապահ զորախմբի զինծառայողները մեկ շաբաթվա ընթացքում Լեռնային Ղարաբաղի Ամարաս վանական համալիր են ուղեկցել ավելի քան 1000 ուխտավորի և տեղի բնակիչների։ Տեղեկությունը հաղորդում է Ռուսաստանի պաշտպանական գերատեսչությունը:

Российские миротворцы сопроводили более тысячи паломников и жителей Карабаха при посещении монастырского комплекса Амарас
Ավելի քան 1000 ուխտավորներ ռուս խաղաղապահների ուղեկցությամբ այցելել են Ամարասի վանք

Ուխտագնացների այցերի նախօրեին ռուսական խաղաղապահ զորախմբի զինծառայողները պարբերաբար ապահովում են սահմանազատման գծի մոտ գտնվող Ամարաս քրիստոնեական վանքի այցելության անվտանգությունը:

Պատկերացնում եմ՝ ինչպես եմ Հադրութ մտնում, գերեզման վազում․ արցախցիների կյանքը կռվից հետո

«Այսօրվա դրությամբ մեր խնդիրն է ապահովել ուխտավորների անվտանգությունը և ուղեկցել նրանց Ամարասի վանական համալիր։ Սրբավայրը սահմանազատման գծի մոտ է գտնվում, ուստի ռուսական խաղաղապահ զորակազմի կողմից մշտական ուղեկցում և անվտանգության ապահովում է պահանջվում»,-հայտնել է ռուսական խաղաղապահ զորակազմի ներկայացուցիչ Անդրեյ Ռեզնիկովը։

Российские миротворцы сопроводили более тысячи паломников и жителей Карабаха при посещении монастырского комплекса Амарас
Ավելի քան 1000 ուխտավորներ ռուս խաղաղապահների ուղեկցությամբ այցելել են Ամարասի վանք

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Российские миротворцы сопроводили более тысячи паломников и жителей Карабаха при посещении монастырского комплекса Амарас
Ավելի քան 1000 ուխտավորներ ռուս խաղաղապահների ուղեկցությամբ այցելել են Ամարասի վանք
35
թեգերը:
Արցախ, Ամարաս, խաղաղապահ, ռուս
թեմա:
Խաղաղապահներն Արցախում (173)
Ըստ թեմայի
Երեխաները շատ են, նրանք խաղում են ամենուր. ՌԴ ՊՆ–ն Արցախի մասին հաղորդագրություն է տարածել
Արցախյան Մարտունու` Ադրբեջանի տիրապետության տակ անցած հատվածում զինծառայող է մահացել
«Գիտեի, որ դժվար է լինելու, բայց գալու էինք ու միշտ ենք գալու». Սիրուշոն Արցախում է
Արփի Վանյան

Պատկերացնում եմ՝ ինչպես եմ Հադրութ մտնում, գերեզման վազում․ արցախցիների կյանքը կռվից հետո

100
(Թարմացված է 10:20 02.08.2021)
Պատերազմից հետո հայրենազրկված հադրութցիները բազմաթիվ խնդիրների առաջ են հայտնվել՝ սոցիալական, իրավական, հոգեբանական։ Նոր միջավայրում ինտեգրումն էլ հեշտ չի ստացվում։

Գրող, սցենարիստ Արփի Վանյանը ծնունդով Հադրութից է, սակայն արդեն երկար տարիներ Երևանում է ապրում։ Ասում է` տարին տարի չէր լինի, եթե ընտանիքի հետ գոնե երկու անգամ հարազատ Հադրութ չգնային...

Արցախյան 44–օրյա պատերազմից հետո Արփին հիմնադրել է «Հադրութի դեօկուպացիա» ՀԿ-ն, որը զբաղվում է բռնի տեղահանված հադրութցիների սոցիալական, իրավական, նաև Հադրութի մշակութային ժառանգության հարցերով։

Իսկ խնդիրները շատ են ու բազմապիսի։ ՀՀ նախագահ Արմեն Սարգսյանի աջակցությամբ բռնի տեղահանված 25 ընտանիքի տրամադրել են ժամանակավոր կացարաններ։

Իսկ ներկայում, Արփիի խոսքով, սոցիալական խնդիրը բավականին սուր է հատկապես տղամարդկանց դեպքում։ Կանայք և երեխաները պետությունից 68 հազար դրամի չափով աջակցություն են ստանում, իսկ տղամարդիկ՝ ոչ։

«Անհասկանալի տրամաբանություն է։ Տղամարդիկ մի քանի անգամ դիմել են և՛ ՀՀ ղեկավարությանը, և՛ Արցախի, ամեն անգամ ասել են՝ այո՛, ճիշտ եք, կվերանայենք այդ հարցը, բայց մինչև այսօր չեն վերանայել։ Ստացվում է, որ տղամարդիկ (պատերազմ անցած կամ չանցած) այսօր գրպանում մի կոպեկ փող չունեն` աշխատանք են փնտրում, գտնել չեն կարողանում»,- շեշտում է Արփին։

Ըստ էության՝ անգամ պատերազմի դժոխքով անցած տղամարդիկ, որոնք չեն վիրավորվել և հաշմանդամության կարգ չունեն, որևէ աջակցություն չեն ստանում։

Արփին ընդգծում է՝ աշխատանք գտնելու համար տղամարդիկ տարբեր դռներ են թակում։ Նրանց խոստանում են՝ «կզանգենք», բայց զանգ այդպես էլ չի ստացվում։

«Հադրութի դեօկուպացիա» ՀԿ-ն հայթայթած ֆինանսական միջոցների հաշվին կարողանում է ժամանակ առ ժամանակ աջակցության ծրագրեր իրականացնել։ Դրանցից մեկն, օրինակ, «Նախշուն Հադրութ» ծրագիրն է։

«Կանանց տվել ենք թելեր և շյուղեր, պլեդներ են գործում, հետո մենք իրենցից գնում ենք այդ պլեդները, փորձում վաճառել՝ այդպիսով օգնելով կանանց գումար վաստակելու հարցում»,–պատմում է Արփին։

Այսօր հադրութցիների առջև ծառացած ամենամեծ խնդիրներից մեկն էլ իրավական աջակցություն ու խորհրդատվություն ստանալն է։ Մարդիկ Հադրութում թողել են իրենց տունն ու ունեցվածքը. անհրաժեշտ է գույքագրել ամբողջը, ներկայացնել միջազգային կառույցներին։ ՀԿ–ն ունի մեծ ծրագիր՝ հավերժացնելու հադրութցիների պատմությունները։

Պապին, Ծիտը, Գևորգը... մոռանալ չի կարելի. կապիտանը պատմում է հերոսների ու չհերոսների մասին

«15 թվի եղեռնից հետո չկային տեխնիկական հնարավորություններ՝ արձանագրելու ցեղասպանությունը վերապրածների պատմությունները։ Հիմա այդ մարդիկ այլևս ողջ չեն, շատ պատմություններ կորսված են։ Բայց այսօր տեխնոլոգիաները թույլ են տալիս վավերագրել այս ամենը։ Ուզում ենք հադրութցիների պատմությունը՝ իրենց հետ բերած լուսանկարներով, նյութերով ներկայացնել»,- ասում է Արփին` նշելով, որ ներկայում այս ծավալուն ծրագրի իրականացման համար են ֆինանսավորում փնտրում։

Ի թիվս առկա մի շարք խնդիրների՝ Արփին ընդգծում է նաև ինտեգրման խնդիրը։ Միշտ չէ, որ դա հարթ է ստացվում, հատկապես, երբ մարդիկ տարբեր բարբառներով են խոսում։ Այս ամենի կողքին Արփին կարևորում է իրենց՝ Հադրութի բարբառի պահպանումը, պարբերաբար հադրութցիների հանդիպումների կազմակերպումը, որ հավաքվեն ու հարազատ բարբառով զրույցի բռնվեն։

Իսկ բոլոր ծրագրերի հիմքում, անշուշտ, Հադրութ վերադառնալու երազանքն է։ Արփին նշում է՝ առանց այդ հավատի ամեն բան անիմաստ է դառնում, կյանքի գույներն են կորչում։

«Ես մի վայրկյան անգամ չեմ կասկածում, որ վերադառնալու եմ։ Ես անընդհատ պատկերացնում եմ՝ ինչպես եմ մտնում Հադրութ, ինչպես եմ նկարում, ինչպես եմ վազում գերեզմաններ, չխենթանալու համար՝ մամայիս հետ երկնքում եմ խոսում, ասում եմ՝ գիտեմ, որ դու վերևում ես, ոչ թե այնտեղ...»։

Արցախցի կանայք սկսում են զրոյից․ երբ պետությունը լուռ է, անհատն է գործի անցնում

Ծաղկուն քաղաքը թշնամին քարուքանդ արեց, google maps-ի օգնությամբ տեսել են՝ հարազատ փողոցներն ու տներն այրված են։ Ցավը մեծ է, բայց հույսն ու հավատն ավելի մեծ են։ Հենց դրանք են օգնում հաղթահարել առկա բազմաթիվ խնդիրները, ուժ տալիս պայքարել հայրենի տուն վերադառնալու համար։

100
թեգերը:
Հադրութ, Պատերազմ
Ըստ թեմայի
Կառավարությունում քննարկել են քաշաթաղցիների և հադրութցիների բնակապահովման հարցը
Շնորհակալություն, Երևան. հադրութցիները ծառեր են տնկել Նոր Նորքում
Ստեփանակերտում կառուցվող շենքի բնակարանները կտան Շուշիից ու Հադրութից տեղահանվածներին
Артур Ванецян перед началом первого заседания парламента Армении 8-го созыва (2 августа 2021). Еревaн

Քաղաքականության մեջ ընկեր կամ նախկին ընկեր չունեմ. Վանեցյանը` Ալեն Սիմոնյանի մասին

2
(Թարմացված է 10:43 02.08.2021)
Արթուր Վանեցյանի խոսքով` չի պատրաստվում անձամբ որոշումներ կայացնել, կա քաղաքական թիմ և կայացվում են քաղաքական որոշումներ։

ԵՐԵՎԱՆ, 2 օգոստոսի – Sputnik. «Պատիվ ունեմ» դաշինքի ղեկավար, պատգամավոր Արթուր Վանեցյանը ԱԺ–ում լրագրողների հետ զրույցում հայտարարեց, որ քաղաքականության մեջ ընկերներ չունի։

Նա նման հայտարարություն նա արեց` պատասխանելով լրագրողներից մեկի այն հարցին, թե անձամբ պատրա՞ստ է իր ընկեր կամ նախկին ընկեր Ալեն Սիմոնյանին ընտրել ԱԺ նախագահ, թե՞ ոչ։

«Քաղաքականության մեջ ընկեր կամ նախկին ընկեր, բարեկամ, հարազատ չունեմ։ Կա քաղաքական թիմ և կայացվում են քաղաքական որոշումներ։ Ինչպիսի որոշում կկայացվի քաղաքական թիմի կողմից, ես կառաջնորդվեմ այդ որոշմամբ»,–ասաց նա։ 

Նշենք, որ այս պահին ընթանում է նորընտիր` 8-րդ գումարման Ազգային ժողովի անդրանիկ նիստը։

Հիշեցնենք` հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

2
թեգերը:
Արթուր Վանեցյան, ԱԺ, Ալեն Սիմոնյան, Հայաստան, քաղաքականություն