Արխիվային լուսանկար. Ստեփանակերտ, 4 նոյեմբերի, 2020

ԼՂ բյուջեի մուտքերը նվազել են 90 տոկոսով. արցախցիներին հերթական աջակցությունը տրամադրվեց

121
(Թարմացված է 13:15 15.07.2021)
Բնակարաններից զրկված շուրջ 104 000 արցախցիներ արդեն 4-րդ անգամ են օգտվում Հայաստանի բյուջեից ֆինանսավորվող սոցիալական միջոցառումից։

ԵՐԵՎԱՆ, 15 հուլիսի - Sputnik. 2020թ–ի պատերազմից տուժած արցախցիներին առ այսօր Հայաստանի բյուջեից 68 մլրդ դրամի սոցիալական աջակցություh է տրամադրվել։ Այս մասին այսօր կառավարության նիստում հայտնեց ՀՀ փոխվարչապետի պաշտոնակատար Մհեր Գրիգորյանը` հավելելով, որ Արցախի բյուջեի հարկային մուտքերը 90 տոկոսով նվազել են, հետևաբար, սոցիալական միջոցառումներն իրականացվում են հայաստանյան պետական բյուջեից։

«Շուրջ 104 000 շահառու արդեն 4-րդ անգամ է օգտվում միջոցառումից։ Այդ իմաստով այսօր փաստացի սոցիալական բլոկը 68 մլրդ դրամ է, բայց ընթացքում հասնելու է 80 մլրդ–ի, որովհետև մենք սկզբունք ունենք, որ վարձավճարների մատուցման միջոցառումը կգործի այնքան, մինչև մենք կապահովենք մեր հայրենակիցներին բնակարաններով»,– ասաց Գրիգորյանը։

Տարեկան 10 մլրդ դրամ ՀՀ բյուջեից կհատկացվի նաև Արցախի կառավարության ֆինանսական պարտավորությունների ու իրավաբանական անձանց նյութական կորուստների փոխհատուցման համար։ Շուրջ 52 մլրդ դրամ էլ կհատկացվի արցախցիներին բնակարանով ապահովելու համար։

«Արցախի կառավարությունը նաև առանձին է սոցիալական ծրագրեր իրականացնում, իհարկե, ոչ այսքան մեծ ծավալի։ Այնուամենայնիվ, մենք և Արցախի կառավարությունը արել և անում ենք ամեն ինչ, որպեսզի մաքսիմալ հատուցված լինեն մեր հայրենակիցների սոցիալական պետքերը և կարիքները»,– ասաց Գրիգորյանը։

Արցախում 500 000 դրամ կտրամադրվի այն վիրավորներին, որոնք աջակցություն չեն ստացել ՀՀ–ում

Կառավարության այսօրվա նիստում ևս ավելի քան 7 մլրդ դրամ հատկացվեց արցախցիներին ամսական 68 000 դրամ աջակցություն տրամադրելու ծրագրի շրջանակներում։

Բանն այն է, որ աջակցության ծրագրի ժամկետը պարբերաբար թարմացվում է՝ կապված ցուցակներում անհրաժեշտ ճշգրտումների հետ։ Վերջին ծրագիրը ՀՀ կառավարությունը հաստատել էր 2020թ–ի դեկտեմբերի վերջին 6 ամիս ժամկետով։ Այսօր ընդունված որոշմամբ ծրագիրը երկարացվեց ևս 3 ամսով։

121
թեգերը:
Արցախ, օգնություն, բյուջե
Ըստ թեմայի
Արցախի փրկարարները զոհված զինծառայողների ևս 7 աճյուն են հայտնաբերել
Երբ քամին հանդարտվի․ Արցախի մասին ֆիլմը ցուցադրվեց Կաննի կինոփառատոնում
Զինթոշակառուներին անհատույց պետական ֆինանսական աջակցություն կտրամադրվի տուն գնելու համար
ՌԴ ԱԳՆ

Ռուսաստանի ԱԳՆ-ն ասել է` որն է Ղարաբաղի իրադրության կարգավորման առաջնահերթությունը

196
(Թարմացված է 20:41 04.08.2021)
Ռուսաստանն օգտակար է համարել խաղաղապահ ուժերի տեղակայման շրջաններում ՄԱԿ-ի կառույցների ներգրավումը մարդասիրական գործունեությանը։

ԵՐԵՎԱՆ, 4 օգոստոսի - Sputnik. Ռուսաստանի պատվիրակությունը ՄԱԿ-ի Գլխավոր ասամբլեայի 76-րդ նստաշրջանում ի թիվս կարևոր այլ հարցերի շեշտադրել է նաև Լեռնային Ղարաբաղում ՄԱԿ-ի կառույցների գործունեության կարևորությունը։ Փաստաթուղթն այսօր հրապարակել է ՌԴ արտաքին գործերի նախարարությունը։

«Լեռնային Ղարաբաղի հակամարտության շրջանում իրադրության կարգավորմանն ուղղված ջանքերի շրջանակում առաջնահերթությունը 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների իրականացումն է: Օգտակար ենք համարում ռուսական խաղաղապահների գործողության անցկացման գոտում ՄԱԿ գործակալությունների և մասնավորապես ՄԱԿ-ի Փախստականների գործերի գերագույն հանձնակատարի (ՓԳՀ) վարչության ներգրավումը մարդասիրական գործունեությանը»,- նշված է հայտարարության մեջ։

Ռուսական կողմը նաև շեշտել է, որ այդ կառույցների հնարավոր աշխատանքի ձևաչափը պետք է համաձայնեցի Բաքվի և Երևանի հետ ուղղիղ համակարգմամբ։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

196
թեգերը:
Ռուսաստան, Լեռնային Ղարաբաղ
Ըստ թեմայի
«Շնորհակալ եմ, որ փոխզիջումային լուծումներ են գտնվում». Պուտինը և Ալիևը խոսել են Ղարաբաղից
Ադրբեջանի նպատակը եղել է Ղարաբաղի ամբողջական զավթումը. Քոչարյանը հիշեցրեց Պուտինի խոսքը
Բաքուն ստիպված է դուրս գալ Անկարայի ղարաբաղյան «լավության տակից». ո՞րն է գինը
ՀՀԿ–ն անթույլատրելի է համարում «Լեռնային Ղարաբաղի տարածք» բառակապակցության  գործածումը
Փրկարարներ

Վարանդայի շրջանում ևս մեկ հայ զինծառայողի աճյուն է հայտնաբերվել

47
(Թարմացված է 15:33 04.08.2021)
Զինադադարից հետո Արցախի գրավյալ տարածքներից տարհանվել է 1630 աճյուն։

ԵՐԵՎԱՆ, 4 օգոստոսի – Sputnik. Վարանդայի (Ֆիզուլի) շրջանում այսօր տեղի ունեցած որոնողական աշխատանքների արդյունում հայտնաբերվել և տարհանվել է ևս մեկ հայ զինծառայողի աճյուն։ Տեղեկությունը հայտնում է Արցախի ներքին գործերի նախարարության տեղեկատվության և հասարակայնության հետ կապերի բաժնի պետ Հունան Թադևոսյանը։

«Նրա ինքնությունը կհաստատվի ՀՀ-ում դատաբժշկական փորձաքննությունից հետո»,– Facebook–ի իր էջում գրել է նա։

Այսպիսով, զինադադարից հետո Արցախի գրավյալ տարածքներից տարհանվել է 1630 աճյուն։

Որոնումների առաջիկա ուղղությունների մասին ԱԻ պետական ծռայությունը կտրամադրի հավելյալ տեղեկություն։

Մոնթեին որպես ի՛մ տղա կմեծացնես. Թաթուլը գնաց տղերքին օգնության, երբ ողջ մնալու հույս չկար

47
թեգերը:
Արցախ, Ադրբեջան, աճյուն
Ըստ թեմայի
«Չեմ կարող վախկոտի պես ապրել». Վահեն իր վերջին վիրավորին կուրանալուց փրկեց, ինքը զոհվեց
«Դոբրին». զոհված Վարուժան Մատոսյանն ուզում էր 100 տարի ապրել և Արարատը բարձրանալ
«Խորը շունչ քաշեցի, տեսա` սաղ եմ». ինչպես է Գարիկը փրկել վիրավորներին և ինքն էլ ողջ մնացել
Շախմատ

Սպիտակները հաղթո՞ւմ են. գիտնականներն առաջարկում են փոխել շախմատի կանոնները

0
(Թարմացված է 23:47 04.08.2021)
Գիտնականներն ուսումնասիրել են աշխարհի առաջատար շախմատիստների մասնակցությամբ մրցաշարերի վիճակագրությունը և որոշել, որ ինչ–որ բան այն չէ։

ԵՐԵՎԱՆ, 4 օգոստոսի - Sputnik. Բրիտանացի և ամերիկացի գիտնականներն առաջարկել են փոփոխություններ անել շախմատային խաղի կանոններում, որպեսզի հավասարեցնեն խաղի շանսերը և՛ սպիտակներով, և՛ սևերով խաղալու դեպքում:

Ինչպես Լոնդոնի Թագավորական քոլեջի կայքում գրում է գաղափարի համահեղինակ, տնտեսագետ Մեհմեթ Իսմայիլը, առաջարկի էությունը հետևյալն է` սպիտակների առաջին քայլից հետո սևերը պատասխան երկու քայլ են անում, այնուհետև երկու քայլ անընդմեջ սպիտակներն են անում: Դրանից հետո քայլերի հերթականությունը շարունակվում է սովորական կարգով (այսինքն` սևերը մեկ պատասխան քայլ են անում, սպիտակները նույնկերպ են պատասխանում և այլն):

Իսմայիլի և գաղափարի համահեղինակ, Նյու Յորքի համալսարանի գիտնական Ռիչարդ Բրամսի կարծիքով ՝ այդպիսով չեզոքացվում է առաջին քայլի առավելությունը, որը ստանում են սպիտակները: Նրանց կարծիքով` շախմատիստները հեշտությամբ կհարմարվեն փոփոխություններին։

Հայազգի նորարարը ապագայի շախմատ է ստեղծել. ո՞րն է նոր խաղի «գաղտնիքը» 

Գիտնականներն ուսումնասիրել են աշխարհի առաջատար շախմատիստների մասնակցությամբ մրցաշարերի վիճակագրությունը և պարզել, որ հաղթական ավարտ ունեցող պարտիաներից 64 տոկոսի դեպքում հաղթում են սպիտակները:

Նրանց խոսքով` շախմատային խաղերում ոչ մեծ առավելություն է ստանում այն խաղացողը, որը սպիտակներով է խաղում առաջին պարտիան (թեև հանդիպումների ժամանակ շախմատիստները սպիտակներով ու սևերով նույն քանակի պարտիաներ են խաղում):

Երևանում շախմատի բարձրագույն վարպետության մարզադպրոց կբացվի. ավագանին որոշեց

 

0
թեգերը:
շախմատ, գիտնական
Ըստ թեմայի
«Պարգև չեմպիոնին», կամ ինչպես նուրբ հայուհին գրավեց լեգենդար հրեա շախմատիստի սիրտը
Հայ շախմատիստի մասին հարցն օգնեց լրագրողին գումար շահել ռուսական «Ինչ, որտեղ, երբ»- ում
Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում