Բժիշկներ

Ռուս խաղաղապահներն օգնություն են ցուցաբերել Վանք գյուղի բնակիչներին

43
(Թարմացված է 09:47 13.07.2021)
Ռուս խաղաղապահները մոտ 2 տոննա դեղորայք են փոխանցել տեղի հիվանդանոցին, իսկ բնակիչներին սննդամթերք, առաջին անհրաժեշտության պարագաներ, տաք իրեր ու մանկական խաղալիքներ են բաժանել:

ԵՐԵՎԱՆ, 13 հուլիսի – Sputnik. Հումանիտար արձագանքման կենտրոնի սպաները և ռուսական խաղաղապահ զորախմբի հատուկ նշանակության բժշկական ջոկատի ռազմական բժիշկները մարդասիրական-բժշկական ակցիա են կազմակերպել Լեռնային Ղարաբաղի Մարտակերտի շրջանի Վանք գյուղում: Տեղեկությունը հայտնում է ՌԴ ՊՆ մամուլի ծառայությունը։

Նշվում է, որ ռուս զինվորական բժիշկների ժամանման առիթով գյուղի վարչակազմը տեղի հիվանդանոցում աշխատասենյակներ է պատրաստել գյուղի բնակիչներին ընդունելու և բժշկական որակյալ օգնություն ցուցաբերելու համար:

«Մեր գյուղում մոտ 1400 տեղաբնակ կա, ինչպես նաև 160 փախստական։ Մեր հիվանդանոցում բժիշկներ չկան, միայն բուժքույրեր են։ Բժիշկների կարիքը շատ է զգացում։ Շնորհակալ ենք խաղաղապահներին օգնության համար»,-ասել է Վանքի գյուղխորհրդի փոխնախագահ Սերգեյ Բաղրամյանը։

Բժիշկները խորհրդատվական և որակավորված բուժօգնություն են ցուցաբերել տեղի բնակիչներին։

«Աչքերս են տանջում, կատարակտ ունեմ, շտապ վիրահատություն է պետք․․․ Ապրեն։ Բողոք չունեմ, լավ է։ Ամենակարևորը՝ երևում է, թե ինչպես են վարվում պացիենտների հետ»,-ասում է գյուղի բնակիչ Մելա Հակոբյանը։

Հումանիտար արձագանքման կենտրոնի սպաները ռուսաստանյան հասարակական կազմակերպությունների կողմից մոտ 2 տոննա դեղորայք են փոխանցել տեղի հիվանդանոցին: Բացի այդ, բազմազավակ ընտանիքներին, հարկադիր տեղահանվածներին և կարիքավոր տեղացիներին պարենամթերք, առաջին անհրաժեշտության պարագաներ, տաք իրեր և մանկական խաղալիքներ տրամադրելու ակցիա են իրականացրել:

Այժմ Վանք գյուղում փախստականների 68 ընտանիք է բնակվում, նրանցից ավելի քան 20-ը բազմազավակ են, հենց նրանց համար էլ բերել ենք մարդասիրական օգնությունը»,-ասել է Հումանիտար արձագանքման կենտրոնի ներկայացուցիչ Դմիտրի Տուսիդին։

Մարդասիրական ակցիայի շրջանակում ընդհանուր առմամբ չորս տոննա բեռ է փոխանցվել։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ռուս խաղաղապահներն Արցախում ավելի քան 2 հազար մարդասիրական ակցիա են իրականացրել

43
թեգերը:
բժիշկ, Գյուղ, խաղաղապահ, Արցախ
թեմա:
Խաղաղապահներն Արցախում (170)
Փրկարարներ

Փրկարարները զոհված զինծառայողների աճյուններ են փնտրում Վարանդայի շրջանում

32
(Թարմացված է 13:31 28.07.2021)
Զինադադարից հետո Արցախի բռնազավթված տարածքներից հայտնաբերվել և տարհանվել է 1616 անձանց աճյուններ։

ԵՐԵՎԱՆ, 28 հուլիսի – Sputnik. 2020 թվականի պատերազմի ընթացքում զոհված և մինչ օրս անհետ կորած համարվող զինծառայողների աճյունների որոնողական աշխատանքներն այսօր փրկարարական մեկ ջոկատով իրականացվում է Վարանդայի (Ֆիզուլի) շրջանում: Տեղեկությունը հայտնում է Արցախի ՆԳ նախարարության ԱԻ պետական ծառայությունը։

Ծառայությունը որոնողական աշխատանքների արդյունքների մասին հավելյալ տեղեկություն կտրամադրի:

«4 տարի պայքարեցինք, որ երեխա ունենանք». Հովհաննեսը զոհվեց` չտեսնելով երազանք-դստերը

Զինադադարից հետո Արցախի բռնազավթված տարածքներից հայտնաբերվել և տարհանվել է 1616 զինծառայողների (կամավորներ, պահեստազորայիններ) և քաղաքացիական անձանց աճյուններ:

Մոնթեին որպես ի՛մ տղա կմեծացնես. Թաթուլը գնաց տղերքին օգնության, երբ ողջ մնալու հույս չկար

32
թեգերը:
աճյուն, զինծառայող, Արցախ
Ըստ թեմայի
«Մարիամս, մինչև կռիվը չվերջանա, չեմ գա». Նարեկ սարկավագը պատարագի փոխարեն պատերազմ մեկնեց
«Խորը շունչ քաշեցի, տեսա` սաղ եմ». ինչպես է Գարիկը փրկել վիրավորներին և ինքն էլ ողջ մնացել
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
Արխիվային լուսանկար

Մատաղիսում ևս մեկ զինծառայողի աճյուն է հայտնաբերվել

71
(Թարմացված է 17:15 27.07.2021)
Զինծառայողի ինքնությունը կհաստատվի Հայաստանում իրականացվելիք դատաբժշկական փորձաքննության արդյունքում։

ԵՐԵՎԱՆ, 27 հուլիսի - Sputnik. Մատաղիսում այսօր իրականացված որոնողական աշխատանքների ընթացքում հայտնաբերվել է ևս 1 զինծառայողի աճյուն: Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը։

«Նրա ինքնությունը կհաստատվի ՀՀ-ում դատաբժշկական փորձաքննությունից հետո»,- նշված է հաղորդագրության մեջ։

Որոնումների առաջիկա ուղղությունների և արդյունքների մասին կտրամադրի հավելյալ տեղեկություն։

Նշենք, որ զինադադարից հետո Արցախի գրավյալ տարածքներում իրականացված որոնումների արդյունքում մինչ օրս հայտնաբերվել և տարհանվել է պատերազմի ընթացքում զոհված զինծառայողների, կամավորների, պահեստազորայինների և քաղաքացիական անձանց ընդհանուր 1616 աճյուն:

Վարանդայի շրջանում ևս 4 զինծառայողի աճյուն են հայտնաբերել

71
թեգերը:
Ադրբեջան, Արցախյան պատերազմ, Լեռնային Ղարաբաղ, Արցախ, աճյուն
Ըստ թեմայի
Զինվորների աճյուններ են փնտրել Մարտունու շրջանի` Ադրբեջանին անցած հատվածում
Ադրբեջանի բռնազավթած Հադրութի շրջանում ևս 3 աճյուն է հայտնաբերվել
Ադրբեջանի վերահսկողության տակ անցած տարածքներից տարհանվել է ևս 2 աճյուն
Վարանդայի շրջանում ևս մեկ հայ զինծառայողի աճյուն է հայտնաբերվել
Փրկարարներն աճյուններ են որոնում Մատաղիսի ուղղությամբ
Տարոն Հովհաննիսյան

Ալիևի ուզածը մեկն է. Հովհաննիսյանը` հայ–ադրբեջանական սահմանի լարվածության մասին

0
(Թարմացված է 14:58 28.07.2021)
«Օրբելի» կենտրոնի վերլուծաբան Տարոն Հովհաննիսյանը Sputnik Արմենիայի եթերում անդրադարձել է հայ–ադրբեջանական սահմանին առաջացած լարվածությանը, Ադրբեջանի հրահրած սադրանքների դրդապատճառներին և միջնորդական խաղաղարար առաքելությունները ձախողելու վարքագծին։
Տարոն Հովհաննիսյան. «Ադրբեջանը տորպեդահարում է Ռուսաստանի միջնորդական նախաձեռնությունը»

Ադրբեջանցիներն ամեն կերպ ուզում են կնքել մի պայմանագիր, որում կամրագրվեն իրենց բոլոր պահանջները, և որով դե ֆակտո կլեգալացվի Հայաստանի սուվերեն տարածքի օկուպացիան։ Sputnik Արմենիայի հետ զրույցում նման կարծիք հայտնեց Տարոն Հովհաննիսյանը։

«Այսինքն` Իլհամ Ալիևի ուզածը Հայաստանի միակողմանի զիջումների փաստաթղթային ամրագրումն է, ինչի ուղղությամբ էլ ադրբեջանցիները շարունակ ձգտում են ճնշում գործադրել»,– նշեց վերլուծաբանը։

Ադրբեջանական կողմը, մայիսից սկսած, անընդհատ լարում է իրավիճակը և շարունակաբար իրականացնում ագրեսիվ գործողություններ ո՛չ միայն հայկական դիրքերի, այլև խաղաղ բնակավայրերի նկատմամբ, իսկ վերջին տասն օրվա ընթացքում ակտիվացել է նաև Երասխի հատվածում` փորձելով գրավել հայկական ուժերի վերահսկողության ներքո գտնվող մի քանի դիրքեր և առաջխաղացում ապահովել ՀՀ սուվերեն տարածքի հաշվին։ Հովհաննիսյանի խոսքով` կողմերի միջև նախապես պետք է լիներ հանդիպում, քննարկում ՌԴ միջնորդությամբ, մինչդեռ Ադրբեջանը փաստացի տորպեդահարում է Ռուսաստանի միջնորդական նախաձեռնությունը։

«Հետևաբար Բաքվի քաղաքականությունը վկայում է այն մասին, որ ամեն կերպ փորձում է խուսափել, խափանել խաղաղ բանակցություններ սկսելու համանախագահների ջանքերը և այդ գործընթացից դուրս մնալու համար ստեղծում է լարվածություն»,– ավելացրեց նա։

Հովհաննիսյանի կարծիքով` ադրբեջանական կողմն ագրեսիվ գործողություններով փորձում է նաև ճնշում գործադրել Հայաստանի վրա դելիմիտացիայի, դեմարկացիայի հարցերում զիջումների գնալու համար։ Ըստ նրա` թեև Բաքվից հնչող հայտարարություններում նշվում է խաղաղության պայմանագիր կնքելու մասին, բայց այնպիսի նախապայմաններ են առաջադրվում, ինչն անհնարին է դարձնում գործընթացը։

Ըստ վերլուծաբանի` խաղաղության պայմանագիրն իր բաղադրիչներով աշխատատար և ծավալուն գործընթաց է, ուստի պետք է կայանան հանդիպումներ, որոնց ընթացքում հնարավոր կլինի գալ փոխզիջումային տարբերակի, այսինքն` անհրաժեշտ է ձևավորել ընդհանուր տեսլական, նոր հետո իրականացնել քայլեր, իսկ այդ դեպքում Ադրբեջանը պետք է հրաժարվի ագրեսիվ քաղաքականությունից, զորքերը հետ քաշի ՀՀ տարածքից, ստեղծի խաղաղ պայմաններ հետագա քննարկումների համար, ինչը թույլ կտա տեսականորեն ինչ–որ արդյունքի գալ խաղաղության պայմանագրի տեսքով։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

0
թեգերը:
Իլհամ Ալիև, Ադրբեջան, Տարոն Հովհաննիսյան, Հայաստան
Ըստ թեմայի
Կիրառվել են ականանետներ, շփման գծի փոփոխություն չի եղել. ՊՆ–ի նոր հաղորդագրությունը
Ադրբեջանը պատասխանատվություն է կրում 3 հայ զինծառայողի սպանության համար. ՄԻՊ
Ֆրանսիան Հայաստանին և Ադրբեջանին քաղաքական գործընթացների վերսկսման կոչ է անում. Լաքոտ