ՅՈՒՆԵՍԿՕ-ի կենտրոնակայանը

ՌԴ ներկայացուցիչը հայտնել է, թե ՅՈՒՆԵՍԿՕ-ի առաքելությունը երբ կայցելի Ղարաբաղ

63
(Թարմացված է 17:04 22.06.2021)
Ըստ Ռուսաստանի մշտական ներկայացուցչի, նախատեսվում է ՅՈՒՆԵՍԿՕ-ի ոչ թե մեկ, այլ մի քանի առաքելությունների ուղևորություն Ղարաբաղ։

ԵՐԵՎԱՆ, 22 հունիսի – Sputnik. ՅՈՒՆԵՍԿՕ-ում Ռուսաստանի մշտական ներկայացուցիչ Ալեքսանդր Կուզնեցովը կարծում է, որ կազմակերպության առաքելությունը կարող է Ղարաբաղ մեկնել այս տարվա ամռանը: Այս մասին նա հայտնել է լրագրողների հետ հանդիպման ժամանակ։

«Ռուսաստանը շահագրգռված է ապահովել միջազգային ներկայությունն այդ շրջանում, միջազգային կազմակերպությունների, մասնավորապես՝ ՅՈՒՆԵՍԿՕ-ի ներկայությունը, որը զբաղվում է պատմական ժառանգության պահպանությամբ։ Այդ մասին, մասնավորապես, Բաքու կատարած այցի ժամանակ խոսել է Սերգեյ Վիկտորովիչ Լավրովը»,-ասել է Կուզնեցովը՝ պատասխանելով ՌԻԱ Նովոստիի հարցին։

Նրա խոսքով՝ այժմ բանակցություններ են ընթանում ՅՈՒՆԵՍԿՕ-ի քարտուղարության և Ադրբեջանի միջև, «քանի որ առաջին առաքելությունը ենթադրվում է այն տարածքում, որն Ադրբեջանի վերահսկողության տակ է գտնվում»:

«Այնտեղ անհրաժեշտ է բազմաթիվ տեխնիկական, այդ թվում՝ անվտագության հարցեր համաձայնեցնել, քանի որ այնտեղ ականապատ դաշտեր կան։ Եվ քանի որ օբյեկտները շատ են, պետք է ընտրել առաջնայինները»,-ասել է նա։

Ենթադրվում է, որ ոչ թե մեկ, այլ մի քանի առաքելություն կլինի, պազաբանել է Կուզնեցովը։

«Գլխավորը, որ առաջին առաքելությունը կայանա։ Եթե բանակցությունները հաջող լինեն, դա, ամենայն հավանականությամբ, ամռանը կլինի»,-նշել է նա։

Մակրոնը Ալիևին խորհուրդ է տվել թույլ տալ, որ ՅՈւՆԵՍԿՕ-ի առաքելությունն այցելի Ղարաբաղ

Ավելի վաղ Ադրբեջանի ԱԳՆ պաշտոնական ներկայացուցիչ Լեյլա Աբդուլաևան հայտնել էր, որ Բաքուն պատրաստ է ընդունել ՅՈՒՆԵՍԿՕ-ի առաքելությունը Ղարաբաղում:

Հիշեցնենք՝ հայկական կողմը բազմիցս հայտարարել է, որ Ադրբեջանի զինված ուժերի վերահսկողության տակ անցած տարածքներում գտնվող հայկական պատմամշակութային հուշարձանները (մոտ 4000 - խմբ.) ոչնչացման վտանգի տակ են: Ավելին, արդեն կան ադրբեջանցի զինվորականների կողմից հայկական տաճարների և հուշարձանների միտումնավոր ոչնչացման բազմաթիվ կոնկրետ փաստեր։

63
թեգերը:
ՅՈՒՆԵՍԿՕ, Արցախ
Ըստ թեմայի
ՅՈՒՆԵՍԿՕ-ն երկակի ստանդարտներով է առաջնորդվում. արվեստաբանը`հայկական հետքի ոչնչացման մասին
ՌԴ-ն կողմ է, որ ՅՈւՆԵՍԿՕ-ի առաքելությունը շուտափույթ կերպով տարածաշրջան այցելի. Զախարովա
Ադրբեջանը պատրաստ է Ղարաբաղում ընդունել ՅՈՒՆԵՍԿՕ-ի առաքելությանը. ԱԳՆ
Աճյունների որոնման աշխատանքներ

Ադրբեջանի վերահսկողության տակ անցած տարածքներից տարհանվել է ևս 6 աճյուն

97
(Թարմացված է 20:04 03.08.2021)
Աճյուններից 3–ը ռուսական խաղաղապահ առաքելության զորակազմի միջնորդությամբ հայկական կողմին է փոխանցել Մարտունու շրջանի Կարմիր Շուկա-Շեխեր համայնքների հատվածում:

ԵՐԵՎԱՆ, 3 օգոստոսի – Sputnik. Ադրբեջանի վերահսկողությանն անցած Վարանդայի (Ֆիզուլի) շրջանում այսօր իրականացված որոնողական աշխատանքների ընթացքում հայտնաբերվել և տարհանվել է 3 հայ զինծառայողի աճյուն: Տեղեկությունը հայտնում է Արցախի Հանրապետության ներքին գործերի նախարարության արտակարգ իրավիճակների պետական ծառայությունը։

Եվս 3 աճյուն ադրբեջանական կողմը ռուսական խաղաղապահ առաքելության զորակազմի միջնորդությամբ հայկական կողմին է փոխանցել Մարտունու շրջանի Կարմիր Շուկա-Շեխեր համայնքների հատվածում:

«Ընդհանուր առմամաբ, այսօր Ադրբեջանի վերահսկողության տակ անցած տարածքներից տարհանվել է 6 աճյուն: Նրանց ինքնությունը կհաստատվի դատաբժշկական փորձաննությունից հետո»,–նշված է հաղորդագրության մեջ:

Վարանդայում հայտնաբերվել է 4 զինծառայողի աճյուն

Հիշեցնենք, որ զինադադարից հետո մինչ օրս Ադրբեջանի կողմից Արցախի գրավյալ տարածքներից որոնողական աշխատանքների ընթացքում տարհանվել է 1629 աճյուն:

97
թեգերը:
Արցախ, Արցախյան պատերազմ, զինծառայող, Զոհ, Դիակ, աճյուն
Ըստ թեմայի
Պատկերացնում եմ՝ ինչպես եմ Հադրութ մտնում, գերեզման վազում․ արցախցիների կյանքը կռվից հետո
Արցախի դիրքերից մեկի մոտակայքում 23–ամյա զինծառայողի դի է հայտնաբերվել
Խաղաղապահներն Արցախում ժամանակակից մարտ վարելու մարտավարություն են մշակել
Խաղաղապահ, արխիվային լուսանկար

Խաղաղապահներն Արցախում ժամանակակից մարտ վարելու մարտավարություն են մշակել

83
(Թարմացված է 10:24 03.08.2021)
Զինծառայողները հետ են մղել հակառակորդի պայմանական դիվերսիոն խմբի հարձակումը, Պարապմունքներին շուրջ 100 զինծառայող է մասնակցել

ԵՐԵՎԱՆ, 3 օգոստոսի - Sputnik. Լեռնային Ղարաբաղում գտնվող ռուսական խաղաղապահ զորախմբի զինծառայողները Ստեփանակերտի զորավարժարանում ժամանակակից մարտ վարելու մարտավարություն են մշակել։ Տեղեկությունը հայտնում է Ռուսաստանի պաշտպանության նախարարությունը։

Ըստ հաղորդագրության` զրահամեքենաների վարորդները լեռնային տեղանքի պայմաններում կատարելագործել են ականապայթյունային պատնեշի արանքով առավելագույն արագությամբ շարասյունով անցնելու հմտությունները։

Զինծառայողները հետ են մղել հակառակորդի պայմանական դիվերսիոն խմբի հարձակումը, իսկ վերանորոգման մասնագետները, ԲՌԷՄ–Կ կիրառելով, վնասված մեքենաներն ամենասեղմ ժամկետում դաշտային հավաքակայան են տարհանել նրանց մարտունակությունը վերականգնելու համար։

Ընդհանուր առմամբ մարտական պատրաստության պարապմունքներին ներգրավված են եղել ռուսական խաղաղապահ զորակազմի շուրջ 100 զինծառայող:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

83
թեգերը:
Արցախ, խաղաղապահ
թեմա:
Խաղաղապահներն Արցախում
Արխիվային լուսանկար

Ինչ չի կարելի անել առավոտյան. այս 4 սննդային սովորությունները կրճատում են կյանքը

5
(Թարմացված է 12:42 03.08.2021)
Գիտնականներն առանձնացրել են առավոտյան մի քանի սովորություններ, որոնք կարող են ծանր ու մահացու հիվանդությունների պատճառ դառնալ:

ԵՐԵՎԱՆ, 4 օգոստոսի - Sputnik. Կտրականապես չի կարելի հրաժարվել նախաճաշից, ուտելուց առաջ սուրճ կամ մրգային հյութեր խմել, ինչպես նաև խորհուրդ չի տրվում առավոտյան բեկոն ուտել: Այս թեմայով հոդվածը հրապարակվել է «Մոսկովսկի Կոմսոմոլեց» թերթում JACC-ի, Science Daily-ի ու Diabetes Care-ի հետազոտությունների հղումով:

 Նախաճաշից հրաժարվելը

Մեգապոլիսների շատ բնակիչներ անտեսում են նախաճաշը: Աշխատանքից առաջ քնի ավելորդ րոպեները մարդկանց ավելի կարևոր են թվում։ Բժիշկները խորհուրդ չեն տալիս արթնանալուց հետո առաջին ժամերին հրաժարվել ուտելուց։

Հետազոտությունը, որին ավելի քան 6500 մարդ է մասնակցել, ցույց է տալիս, որ նախաճաշից հրաժարվելը 87 տոկոսով բարձրացնում է սրտանոթային հիվանդություններից մահվան վտանգը: Մեկ այլ հետազոտության արդյունքները պակաս զարմանալի չեն։ Նախաճաշի բացակայությունը բացասաբար է ազդում մարդու քաշի վրա։ Մարդիկ, որոնք առավոտյան ժամերին լիարժեք սնվել են, օրվա ընթացքում գրեթե երկու անգամ ավելի շատ կալորիա են այրում։

Ե՞րբ նախաճաշել և ո՞րն է նախաճաշի ճիշտ տարբերակը. խորհուրդներ սննդաբան Լիլիթ Բաբասյանից

Ավելին, փորձի մասնակիցների արյան մեջ շաքարի մակարդակը զգալիորեն ցածր է եղել։ Այս մասին գրում է «ՄԿ»-ն՝ հղում անելով արտասահմանյան հետազոտություններին:

Սուրճ ուտելուց առաջ

Ուտելուց առաջ թարմացնող ըմպելիքի օգտագործումը կարող է լրջորեն վնասել մարդու օրգանիզմը։ Բրիտանացի գիտնականները պարզել են, որ սոված ստամոքսին խմած սև սուրճը կարող է ազդել արյան մեջ գլյուկոզայի մակարդակի վրա: Նախաճաշից առաջ ավելի լավ է մի բաժակ տաք ջուր խմել, իսկ տաք ըմպելիքն օգտագործել ուտելուց հետո:

Նախաճաշին մեկ բաժակ հյութ

Գիտնականները պնդում են, որ նախաճաշին խմած մեկ բաժակ հյութը, ինչպես և ցանկացած այլ քաղցր ըմպելիք, 16 տոկոսով ավելացնում է շաքարային դիաբետի վտանգը: Ավելի լավ է ուտել մեծ քանակությամբ բջջանյութով թարմ մրգեր։ Ընդ որում, պետք է հաշվի առնել, որ երկար հագեցվածության համար անհրաժեշտ է սնվել սպիտակուցների և ճիշտ ճարպերի բարձր պարունակությամբ մթերքով։ Նախաճաշը չի կարող բաղկացած լինել  երկու խնձորից ու մեկ բանանից։

Բեկոնի օգտագործումը

Ըստ ամաճարակաբանության  միջազգային ամսագրում հրապարակված  ուսումնասիրության` օրական մեկ կտոր բեկոնը կարող է 20%–ով մեծացնել կոլոռեկտալ քաղցկեղի հավանականությունը։  Օրական ընդամենը 25 գրամ բեկոնը կարող է հաստ աղիքի ուռուցքի առաջացման հանգեցնել։

Ինչ ուտել նիհարելու համար․ դիետիկ նախաճաշի 5 բաղադրատոմս

5
թեգերը:
սնունդ, առողջ սնունդ, նախաճաշ, գիտնական
Ըստ թեմայի
Դիետոլոգը պատմել է, թե որ մթերքներն ունեն թարմացնող ազդեցություն
Ինչպե՞ս քիչ ուտել․ դիետոլոգները գտել են միջոցը
Նշի դիետիկ առանձնահատկությունը. որ հիվանդություններով մարդկանց համար է այն օգտակար