Ադրբեջանի վերահսկողության տակ անցած Շուշին

Նոր օրենք՝ Արցախում. Շուշիին ու բռնազավթված մյուս տարածքներին կշնորհվի հատուկ կարգավիճակ

610
(Թարմացված է 12:36 16.06.2021)
Արցախի Հանրապետության կառավարությունը հստակ դիրքորոշում է հայտնել, որ Էրդողանի ու Ալիևի այցը Շուշի և մյուս գործողություններն ապօրինի են։

ԵՐԵՎԱՆ, 16 հունիսի - Sputnik. Արցախի կառավարությունը մշակել է «Բռնազավթված տարածքների մասին» օրենքի նախագիծ, որը կառավարությունում հաստատվելուց հետո կուղարկվի Ազգային ժողով:

Այս մասին Facebook-ում կատարած գրառմամբ հայտնել է Արցախի Հանրապետության պետական նախարար Արտակ Բեգլարյանը։

Օրինագծի նպատակն է 1991-94 և 2016 թվականներին` Ադրբեջանի, ինչպես նաև 2020 թվականին Ադրբեջանի, Թուրքիայի և վարձկան ահաբեկիչների անմիջական մասնակցությամբ Արցախի Հանրապետության նկատմամբ ռազմական ագրեսիայի հետևանքով բռնազավթված (օկուպացված) տարածքներին շնորհել իրավական կարգավիճակ ու դրանց վրա տարածել իրավական հատուկ ռեժիմ։

Բացի այդ, օրենքը սահմանելու է նաև պետական կառավարման և տեղական ինքնակառավարման մարմինների, կազմակերպությունների գործունեության առանձնահատկությունները, մարդու և քաղաքացու, իրավաբանական անձանց իրավունքների և ազատությունների, շահերի պահպանությունն ու պաշտպանությունը։ Իսկ դրանց խախտման պատասխանատվությունը, միջազգային իրավունքի նորմերի և սկզբունքների համաձայն, ընկնում է բռնազավթումն իրականացրած Ադրբեջանի վրա:

Հայաստանի ԱԳՆ-ն արձագանքել է Էրդողանի և Ալիևի` Շուշի կատարած այցին

Օրենքի ընդունմամբ, բռնազավթված տարածքի կարգավիճակ կստանան Արցախի բոլոր այն բնակավայրերը, որոնք գտնվում են Ադրբեջանի վերահսկողության ներքո, կամրագրվի նաև, որ դրանք Արցախի անբաժանելի մասն են, որոնց վրա տարածվում են Արցախի Սահմանադրությունն ու օրենքները:

Օրենքով ամրագրվելու է նաև, որ բռնազավթված տարածքներում օտարերկրյա անձանց մուտքը, ելքը և տեղաշարժը թույլատրվում է միայն Արցախի օրենսդրությամբ սահմանված կարգով։ Իսկ այդ կարգի խախտումն առաջացնելու է օրենսդրությամբ սահմանված հետևանքներ։

Իրավական հետևանքներ է առաջանալու նաև Արցախի բտռնազավթված տարածքներում ԱՀ օրենսդրության խախտմամբ տնտեսական գործունեություն իրականացնելը։

Օրենքն ամրագրելու է նաև բռնազավթված տարածքներում գույքի նկատմամբ սեփականության իրավունքը, իսկ խախտումն առաջացնելու է Արցախի օրենսդրությամբ սահմանված հետևանքներ։

Բռնազավթված տարածքներում ստեղծված ցանկացած օրենսդիր, գործադիր, դատական, պետական կառավարման կամ տեղական ինքնակառավարման մարմինի գործունեությունն ու կայացրած որոշումները ևս համարվելու են անօրինական:

Նշենք, որ Արտակ Բեգլարյանն այս օրինագծի մասին գրառումն իրականացրել է Էրդողանի ու Ալիևի Շուշի կատարած այցի ու այնտեղ հնչած հայտարարությունների ֆոնին։

«Արցախի Հանրապետության կառավարության հստակ դիրքորոշումն այն է, որ նրանց գործողությունները ապօրինի են»,– արձանագրել է Բեգլարյանը։

Հիշեցնենք, որ երեկ Արդբեջանի վերահսկողության տակ անցած Շուշի էին այցելել Թուրքիայի նախագահ Էրդողանն ու Ադրբեջանի նախագահ Ալիևը։

610
թեգերը:
Արցախ, Շուշի, օկուպացիա
Ըստ թեմայի
Արցախի նախկին նախագահները պատասխանել են իրենց հասցեին հնչող մեղադրանքներին
Արցախում ռուս խաղաղապահների մանդատը պետք է անժամկետ դարձնել․ Ռոբերտ Քոչարյան
Էրդողանի անհրավեր այցը դիտարկում ենք որպես ուժի ցուցադրման նոր փորձ․ Արցախի պատգամավորներ

Արցախյան Մարտունու` Ադրբեջանի տիրապետության տակ անցած հատվածում զինծառայող է մահացել

259
Ադրբեջանի ԶՈւ–ի զինծառայողը, ըստ պաշտոնական տվյալների, զոհվել է զենքի հետ վարվելու կանոնների կոպիտ խախտման հետևանքով:

ԵՐԵՎԱՆ, 31 հուլիսի - Sputnik. Ադրբեջանի պաշտպանության նախարարությունը հայտնել է զինծառայողի մահվան մասին։

Պաշտպանական գերատեսչության տվյալներով՝ Շամիլ Ասլանովը զոհվել է զենքի հետ վարվելու կանոնների կոպիտ խախտման հետևանքով։

2 ադրբեջանցի «Նիվայով» մտել են Թալիշ գյուղ․ նրանցից 1–ը պայթել է ականի վրա

Ավելի վաղ Razm.info կայքը հայտնել էր, որ միջադեպը տեղի է ունեցել հուլիսի 29-ին Արցախի Հանրապետության Մարտունու շրջանի այն հատվածում, որն անցել է Ադրբեջանի ԶՈւ–ի վերահսկողության տակ:

Ադրբեջանի ՄԻՊ-ը հայտնել է, թե պատերազմից հետո քանի ադրբեջանցի է պայթել ականի վրա

259
թեգերը:
Ադրբեջան, Արցախ, զինծառայող, Մահ
Ըստ թեմայի
Հերթական ադրբեջանցին է պայթել ականի վրա. դեպքը տեղի է ունեցել Ֆիզուլիում
Վարանդայի շրջանում ևս 2 ադրբեջանցիներ են պայթել ականի վրա
Արցախում ականների վրա կրկին ադրբեջանցիներ են պայթել
10 օր անհետ կորած համարվող ադրբեջանցին Աղդամում ականի վրա պայթել է
Արխիվային լուսանկար

Երեխաները շատ են, նրանք խաղում են ամենուր. ՌԴ ՊՆ–ն Արցախի մասին հաղորդագրություն է տարածել

112
(Թարմացված է 16:45 31.07.2021)
Նախորդ շաբաթվա ընթացքում խաղաղապահ զորակազմի պատասխանատվության գոտում հրադադարի ռեժիմի խախտումներ և ռուս զինծառայողների նկատմամբ սադրիչ գործողություններ չեն արձանագրվել։

ԵՐԵՎԱՆ, 31 հուլիսի – Sputnik. Ռուս խաղաղապահները մեկ շաբաթվա ընթացքում ապահովել են Լաչինի միջանցքով դեպի Լեռնային Ղարաբաղ և հակառակ ուղղությամբ ավելի քան 2000 ավտոմեքենաների երթևեկության անվտանգությունը: Տեղեկությունը հայտնում է ՌԴ ՊՆ մամուլի ծառայությունը։

Ինչպես նշել է Լեռնային Ղարաբաղում ռուս խաղաղապահ զորախմբի ներկայացուցիչ Լեոնիդ Ստեֆանովը, դիտորդական կետի անձնակազմը շուրջօրյա ռեժիմով իրականացնում է Լաչինի միջանցքով ավտոմեքենաների և քաղաքացիական անձանց տեղաշարժի վերահսկման աշխատանքներ: Ամեն օր ռուս խաղաղապահների հսկողությամբ նշված տարածքով անցնում է ավելի քան 200 մեքենա։

«Ընդ որում, յուրաքանչյուր մեքենա անցնում է զննման ընթացակարգ, իսկ վարորդն ու ուղևորները ներկայացնում են անձը հաստատող փաստաթղթեր։ Նշված բոլոր կետերը պահպանելու դեպքում ուղևորին տեղափոխող մեքենան անցնում է առաջ», – ասել է Ստեֆանովը։

Նա նշել է, որ ռուս խաղաղապահները շարունակում են իրականացնել կողմերի սահմանազատման գծում հրադադարի ռեժիմի պահպանման վերահսկողության և ավտոտրանսպորտի երթևեկության անվտանգության ապահովման, Լաչինի միջանցքով պարենի և այլ ապրանքների տեղափոխման խնդիրները:

Ռուս խաղաղապահներն Արցախում նոր վարժանքներ են իրականացրել

Անցած շաբաթվա ընթացքում խաղաղապահ զորախմբի պատասխանատվության գոտում հրադադարի ռեժիմի խախտումներ չեն արձանագրվել, ռուս զինծառայողների նկատմամբ սադրիչ գործողություններ չեն արձանագրվել:

«Շատ անվտանգ է, հանգիստ, և ոչ մի սարսափելի բան չկա։ Այստեղ են գտնվում ռուս խաղաղապահները։ Երեխաները շատ են, նրանք խաղում են ամենուր, ամեն ինչ շատ լավ է. և կրակոցներ չեն եղել», – պատմում է տեղի բնակչուհի Անահիտ Հարությունյանը։

Ռուս խաղաղապահ զորախմբի բոլոր դիտակետերը սարքավորված են «Բլոկպոստ» ամրաշինական կառույցներով, որոնք նախատեսված են զինծառայողներին հրաձգային զենքից և բեկորներից պաշտպանելու, ինչպես նաև հարակից տարածքին շրջանաձև հսկողություն իրականացնելու համար:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

112
թեգերը:
Արցախ, Լեռնային Ղարաբաղ, խաղաղապահ
Ըստ թեմայի
Արցախում Ռուսաստանի խաղաղապահ զորախումբը մարտական պատրաստության պարապմունքներ է անցկացրել
Ռուս խաղաղապահներն օգնություն են ցուցաբերել Վանք գյուղի բնակիչներին
Ինչպես են ռուս խաղաղապահներն ապահովում Լաչինի միջանցքի անվտանգությունը
Ռուս խաղաղապահներն Ամարաս ու Գանձասար են ուղեկցել ուխտավորներին
Երասխում ադրբեջանցիները կրակել են սնունդ տեղափոխող մեքենայի վրա

Երասխում ադրբեջանցիները կրակել են սնունդ տեղափոխող մեքենայի վրա

211
(Թարմացված է 00:15 01.08.2021)
Ժամը 22։00-ի դրությամբ իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ ստորաբաժանումների լիարժեք վերահսկողության ներքո։

ԵՐԵՎԱՆ, 31 հուլիսի - Sputnik. Երասխում այսօր ադրբեջանցիները կրակել են սնունդ տեղափոխող մեքենայի վրա։ Տեղեկությունը հայտնում է ՀՀ ՊՆ մամուլի ծառայություը։

Попавший под обстрел ВС Азербайджана военный грузовик
Երասխում ադրբեջանցիները կրակել են սնունդ տեղափոխող մեքենայի վրա

«Հուլիսի 31-ին, ժամը 18:10-ից մինչև 18:50-ը, ադրբեջանական ԶՈՒ ստորաբաժանումները հերթական անգամ դիմել են սադրանքի` տարբեր տրամաչափի հրաձգային զինատեսակներով կրակ բացելով հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ:

Մասնավորապես` թիրախային կրակ է արձակվել թիկունքային ապահովման (սնունդ տեղափոխող) մեքենայի վրա` լրջորեն վնասելով այն»,-ասված է հաղորդագրության մեջ:

Տեղեկացվում է, որ հայ դիրքապահների պատասխան գործողություններից հետո հակառակորդի կրակը լռեցվել է: Հայկական կողմից տուժածներ չկան:

Ժամը 22։00-ի դրությամբ իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ ստորաբաժանումների լիարժեք վերահսկողության ներքո

Ինչպես արդեն հաղորդեկլ էինք, այսօր, ժամը 06։30-ին էլ, ադրբեջանական ԶՈւ ստորաբաժանումները կրակ էինն բացել հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ և փորձել ինժեներական տեխնիկայի կիրառմամբ ամրաշինական աշխատանքներ իրականացնել։

211
թեգերը:
Երասխ, Սահման, կրակոց, սնունդ, ավտոմեքենա, Հայաստան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Ի՞նչ քարտեզներ են փոխանցվել Երևանին և Բաքվին, կամ սահմանի լարումը սահմանազատման համար է
Ինչո՞ւ Ալիևը գնաց զոհողությունների, կամ այլևս Ադրբեջան չկա, կա Թուրքիա-1 և Թուրքիա-2
Քոչարի` Արարարտի փեշին. նորակոչիկները երդումից հետո պար են բռնել Խոր Վիրապում. տեսանյութ