Որոնողական աշխատանքներ

Վարանդայի շրջանում ևս 3 աճյուն է հայտնաբերվել

79
(Թարմացված է 15:54 08.06.2021)
Նախնական տվյալներով` փրկարարները ռազմագործողությունների մասնակիցների աճյուններ են հայտնաբերել։

ԵՐԵՎԱՆ, 8 հունիսի – Sputnik. Այսօր իրականացված որոնողական աշխատանքների ընթացքում Ադրբեջանի վերահսկողության տակ անցած Վարանդայի (Ֆիզուլի) շրջանից հայտնաբերվել և տարհանվել է ևս 3 աճյուն: Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը։

«Նախնական տվյալներով` նրանք ռազմագործողությունների մասնակիցներ են, որոնց ինքնությունը պարզ կդառնա դատաբժշկական փորձաքննությունից հետո»,– նշված է հաղորդագրության մեջ:

2020 թվականի նոյեմբերի 13-ից մինչ օրս՝ Արցախի վերահսկողությունից դուրս գտնվող տարածքներից հայտնաբերվել է 1563 աճյուն:

Նիկոլ Փաշինյանը 44-օրյա պատերազմի զոհերի նոր թիվ հայտնեց

79
թեգերը:
փրկարար, աճյուն, Արցախ
Ըստ թեմայի
«Խորը շունչ քաշեցի, տեսա` սաղ եմ». ինչպես է Գարիկը փրկել վիրավորներին և ինքն էլ ողջ մնացել
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
«4 տարի պայքարեցինք, որ երեխա ունենանք». Հովհաննեսը զոհվեց` չտեսնելով երազանք-դստերը
Արայիկ Հարությունյան

Արցախը միշտ կարևորել է Ռուսաստանի դերը տարածաշրջանում. Արայիկ Հարությունյան

45
(Թարմացված է 11:07 12.06.2021)
Արցախի նախագահը շնորհակալություն է հայտնել Վլադիմիր Պուտինին ադրբեջանա-ղարաբաղյան հակամարտության կարգավորման գործում ներդրած ջանքերի համար։

ԵՐԵՎԱՆ, 12 հունիսի - Sputnik. Դարեր շարունակ գտնվելով աշխարհաքաղաքական վայրիվերումների հորձանուտում, Արցախը միշտ կարևորել է Ռուսաստանի տեղն ու դերը տարածաշրջանում` այստեղ խաղաղության ու կայունության պահպանման գործում: Ռուսաստանի օրվա առթիվ ՌԴ նախագահ Վլադիմիր Պուտինին ուղղված իր ուղերձում այս մասին նշել է Արցախի նախագահ Արայիկ Հարությունյանը, տեղեկանում ենք Հարությունյանի ֆեյսբուքյան էջից։

«Այսօր էլ մեզ հետ միասին Արցախի անվտանգությունն ապահովում է Ռուսաստանի խաղաղապահ զորախումբը: Մենք խորապես շնորհակալ ենք նրանց ու երախտապարտ: Շնորհակալ ենք ՌԴ նախագահ Վլադիմիր Պուտինին ադրբեջանա-ղարաբաղյան հակամարտության կարգավորման գործում ներդրած անձնական ջանքերի ու անուրանալի ավանդի համար»,–նշված է Արցախի նախագահի ուղերձում։

Հարությունյանը նշում է` Արցախի ժողովրդի, իշխանությունների և անձամբ իր անունից շնորհավորում է տոնի կապակցությամբ` մաղթելով խաղաղություն ռուս ժողովրդին և Ռուսաստանին, որը գրկաբաց է ընդունել միլիոնավոր հայերի:

Հիշեցնենք, որ վարչապետի պաշտոնակատար Նիկոլ Փաշինյանը նույնպես շնորհավորել էր ՌԴ նախագահին տոնի կապակցությամբ։

Ռուսաստանը կա, եղել է և կլինի, դրա հետ պետք է հաշտվել. Վլադիմիր Պուտին

45
թեգերը:
Վլադիմիր Պուտին, Ռուսաստան, ուղերձ, Արայիկ Հարությունյան
Ըստ թեմայի
Այսօր ավելի շատ հնարավորություններ կան. Փաշինյանը` ղարաբաղյան հարցը լուծելու մասին
Ղարաբաղյան հակամարտության կարգավորման հեռանկարներն է Մոսկվայում քննարկել Դավիթ Բաբայանը
Պուտինը շատ բան է արել Ղարաբաղյան հակամարտությունը դադարեցնելու համար. Վոլոդին
Դելիմիտացիան կարող է խնդիրներ ստեղծել ղարաբաղյան բանակցային գործընթացում. Քոչարյան
Փրկարարներ

Ջրականի շրջանում ևս 1 հայ զինծառայողի աճյուն է հայտնաբերվել

17
Աճյունի ինքնությունը պարզելու համար դատաբժշկական փորձաքննություն կարվի։

ԵՐԵՎԱՆ, 11 հունիսի – Sputnik․ Այսօր իրականացված որոնողական աշխատանքների ընթացքում Ադրբեջանի վերահսկողության տակ անցած Ջրականի (Ջաբրայիլ) շրջանում հայտնաբերվելէ ևս մեկ հայ զինծառայողի աճյուն: Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը։

«Նրա ինքնությունը պարզելու նպատակով ՀՀ-ում կնշանակվի դատաբժշկական փորձաքննություն»,- նշված է հաղորդագրության մեջ։

Նշենք, որ 2020 թվականի նոյեմբերի 13-ից առ այսօր Արցախի վերահսկողությունից դուրս գտնվող տարածքներից հայտնաբերվել են 1568 աճյուն, որից 27-ը, նախնական տվյալներով, քաղաքացիական անձինք են:

17
թեգերը:
զինծառայող, աճյուն, Լեռնային Ղարաբաղ, Արցախ, Ջաբրայիլ
Սիրանուշ Սահակյան

Հայ գերիների դատավարության արդյունքները միջազգայնորեն չեն կարող ընդունվել. իրավապաշտպան

0
ՄԻԵԴ-ում ռազմագերիների շահերի ներկայացուցիչ, իրավապաշտպան Սիրանուշ Սահակյանը Sputnik Արմենիայի եթերում անդրադարձել է 26 հայ ռազմագերիների հետ կապված հարցին, որոնց գործերն արդեն ուղարկվել են վարույթ և քննվելու են Բաքվի ծանր հանցագործությունների դատարանում:

Սիրանուշ Սահակյանի դիտարկմամբ` ադրբեջանական կողմի հարուցած դատավարությունները շինծու բնույթ են կրում։ Դրանց ընթացքում խախտվել են մեր քաղաքացիների հիմնաքարային իրավունքները, հետևաբար այդ դատավարությունների արդյունքները միջազգայնորեն չեն կարող լինել ընդունելի։

Ըստ նրա` հայ ռազմագերիներից որևէ մեկը ներկայացված չէ իր կողմից ընտրված պաշտպանի միջոցով, իսկ պաշտպանության իրավունքը առանցքն է. եթե անձին պաշտպանվելու իրավունք և հնարավորություններ չեն տրվում, ապա դատապարտման օրինականությունն արդեն իսկ կասկածի տակ է առնվում։

«Որևէ մեկը միամտորեն չի հավատում, որ ադրբեջանական իշխանությունների կողմից ֆինանսավորվող և նշանակված հանրային պաշտպանները հայատյացության այս մթնոլորտում կարող են ապահովել պաշտպանության իրավունքի իրացումը։ Սա ընդամենը մի ասպեկտն է։ Մենք գործ ունենք նաև խոշտանգումների արդյունքում ձեռք բերված ապացույցների օգտագործման հետ, ինչը ևս անթույլատրելի է, էլ չեմ խոսում առհասարակ այս գործը քննող դատավորների անաչառության և անկախության մասին, որովհետև քաղաքական պատվերով գործեր քննելը հիմնախնդիրներից մյուսն է»,– նշեց իրավապաշտպանը։

Այդուհանդերձ, Սահակյանը լավատեսորեն է տրամադրված, որովհետև բոլոր հայ ռազմագերիների գործերը գտնվում են ՄԻԵԴ–ում, որն իր հերթին վերահսկողություն է իրականացնում նաև ներպետական դատարանների կողմից իրականացված արդարադատության նկատմամբ և կարող է գնահատական տալ, թե արդյո՞ք անձի դատապարտումը չի խախտում կոնվենցիայի արդար դատաքննության իրավունքը։

Սահակյանի կարծի​քով` կարճ ժամանակ անց բոլոր գանգատների առարկաները փոխվելու են և մենք ունենալու ենք վեճ միջազգային դատական ատյանում, որը պահանջելու է ադրբեջանական քրեական գործի և դատավարության նյութերը, ուստի այս փուլում ադրբեջանական իշխանությունների ողջ դեմքը պարզվելու է միջազգային հանրության առջև, հենց միջազգային հարթակներում մերկացվելու է ադրբեջանական կողմի զեղծարարությունը, ինչը բնորոշ է բազում այլ գործերին։

Իրավապաշտպանի պնդմամբ` ՀՀ իշխանությունների ռեսուրսները պետք է ուղղվեն Ադրբեջանի պաշտոնատար անձանց առնչությամբ պատժամիջոցներ կիրառելու մեխանիզմների գործարկմանը, և միջազգային հանրությունն իսկապես կարող է իրավիճակը փոխել, շտկել, առավել ևս, որ Ադրբեջանը միջազգային ճնշումներին դիմակայելու բավարար ռեսուրս չունի։

Չմոռանանք Բաքվի քայլերը. Արման Աբովյանը` գերիների հարցի և «գլխատված» ԱԳՆ–ի մասին

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան

0
թեգերը:
Հայաստան, հայ, Ադրբեջան, գերի
Ըստ թեմայի
Գերիների վերադարձը կարող է 1-2 տարի տևել. Սահակյանը ներկայացրեց գործընթացի մանրամասները
Աժ-ում փակ դռների հետևում քննարկել են գերիների վերադարձի հարցը
Արտակ Զեյնալյանը հավանական գերիների վերաբերյալ տեսանյութ է հրապարակել. 16+