Ստեփանակերտի Սուրբ Աստվածածին առաջնորդանիստ տաճարում

Պատարագ Ստեփանակերտում. Կաթողիկոսն աղոթել է զոհերի, գերիների ու անհայտ կորածների համար

64
(Թարմացված է 18:02 06.06.2021)
Կաթողիկոսն իր շնորհակալությունն է ուղղել ՌԴ նախագահ Վլադիմիր Պուտինին` խաղաղության հաստատման ջանքերի համար, նաև շնորհակալություն հայտնել Մոսկվայի և Համայն Ռուսիո Կիրիլ Պատրիարքին, մասնավորապես` Դադիվանքի հոգևոր կյանքի անխաթար ապահովման գործում ներդրած ջանքերի համար։

ԵՐԵՎԱՆ, 6 հունիսի - Sputnik. Հունիսի 6-ին՝ Ստեփանակերտի Սուրբ Աստվածածին առաջնորդանիստ տաճարում մատուցված սուրբ պատարագով ավարտվել է Ն.Ս.Օ.Տ.Տ. Գարեգին Ամենայն Հայոց Կաթողիկոսի 4-օրյա այցն Արցախ։

Ինչպես հայտնում են Մայր Աթոռի տեղեկատվական համակարգից, պատարագին ներկա են եղել Արցախի Հանրապետության նախագահ Արայիկ Հարությունյանը, նախկին նախագահներ Արկադի Ղուկասյանն ու և Բակո Սահակյանը։

Литургия в соборе Покрова Святой Божьей Матери с участием Католикоса Гарегина Второго
Պատարագ Ստեփանակերտի Սուրբ Աստվածածին առաջնորդանիստ տաճարում

Պատարագի արարողության ավարտին Ամենայն Հայոց Կաթողիկոսի հանդիսապետությամբ կատարվել է Հանրապետական մաղթանքի արարողություն` Արցախի խաղաղության և անվտանգության, հավատավոր ժողովրդի ապահով և բարօր կյանքի համար։

«Հայի ոգին չի ընկրկում դժվարությունների առջև, չի կոտրվում ցավից ու վշտից։ Մենք ահասարսուռ պատուհասների հաղթահարումի ու մեր ազգի հարության փորձառությունն ունենք, որը մեզ ուժ է տալու այս նոր ժամանակներում ևս ելնել նոր արարումների, հավատալ մեր ապագային, հավատալ մեր հայրենիքի ու կյանքի զարթոնքին»,– մասնավորապես ասել է Կաթողիկոսը` հավելելով, որ Արցախը հայ ժողովրդի իրավունքների պաշտպանության և ազատ ու անկախ ապրելու վճռականության խորհրդանիշն է, որն անկախ բոլոր խոչընդոտներից, շարունակելու է ապրել ու զորանալ։

Собор Покрова Святой Божьей Матери, Степанакерт
Ստեփանակերտի Սուրբ Աստվածածին առաջնորդանիստ տաճարը

Ամենայն Հայոց Կաթողիկոսն աղոթք է բարձրացրել Արցախյան պատերազմում զոհված զինվորների համար՝ մխիթարություն հայցելով զոհերի հարազատների, նրանց սրտերի ու հոգիների համար, ինչպես նաև շուտափույթ վերադարձ մաղթել գերիներին և անհայտ կորածներին։

Литургия в соборе Покрова Святой Божьей Матери с участием Католикоса Гарегина Второго
Պատարագ Ստեփանակերտի Սուրբ Աստվածածին առաջնորդանիստ տաճարում

Ամենայն Հայոց Հայրապետն Արցախից իր գնահատանքն ու շնորհակալությունն է ուղղել ՌԴ նախագահ Վլադիմիր Պուտինին` խաղաղության հաստատման ջանքերի համար, նաև իր եղբայրական սերն ու շնորհակալությունը հայտնել Մոսկվայի և Համայն Ռուսիո Կիրիլ Պատրիարքին, մասնավորապես` Դադիվանքի հոգևոր կյանքի անխաթար ապահովման գործում ներդրած ջանքերի համար։ Ամենայն Հայոց Կաթողիկոսը գնահատանքով է անդրադարձել նաև Արցախում ռուս խաղաղապահների առաքելությանը։

64
թեգերը:
պատարագ, Արցախ, Ամենայն Հայոց կաթողիկոս Գարեգին Բ
Ըստ թեմայի
Պատերազմից հետո առաջին անգամ Շուռնուխում կաթողիկոսի օրհնությամբ պսակադրություն է եղել
Ամենայն հայոց կաթողիկոսը հանդիպել է Արցախի պետնախարարի հետ
Գարեգին Երկրորդ կաթողիկոսն այցելել է Ամարասի վանք և օրհնել զինծառայողներին
Արցախի ԱԳՆ

Շահումյանի շրջանը Լեռնային Ղարաբաղի անբաժանելի մասն է. Արցախի ԱԳՆ-ի հայտարարությունը

32
Գերատեսչությունը նշում է, որ 2020 թվականին Ադրբեջանը, Թուրքիայի և միջազգային ահաբեկիչների անմիջական ռազմական մասնակցությամբ, կրկին փորձեց անել այն, ինչը նրան չէր հաջողվել 1991-1994 թվականներին։

ԵՐԵՎԱՆ, 16 հունիսի – Sputnik. Շահումյանի շրջանը Լեռնային Ղարաբաղի անբաժանելի մասն է, Արցախի պատմական տարածքը, որտեղ մեր ժողովուրդն իրացրել է ինքնորոշման իր անքակտելի իրավունքը և հետագայում ստեղծել պետականություն: Նման հայտարարություն է տարածել Արցախի արտաքին գործերի նախարարությունը Շահումյանի շրջանի օկուպացիայի 29-րդ տարելիցի կապակցությամբ։

Նշենք, որ 1992 թ. հունիսի 12-ին ձեռնարկված լայնամասշտաբ հարձակման հետևանքով 1992 թ. հունիսի կեսերին ադրբեջանական զորամիավորումներն ամբողջովին գրավեցին Շահումյանի շրջանը։

«Օկուպացիայի ընթացքում ադրբեջանական բանակը կատարեց ռազմական և մարդկայնության դեմ ուղղված բազմաթիվ հանցագործություններ։ Մասնավորապես գրավված բնակավայրերը լքել ցանկացող մարդկանց կանխամտածված գնդակահարություններ եղան, արտադատարանային հաշվեհարդարներ տեսան գերիների հանդեպ և պատանդների նկատմամբ և այլն»,–նշված է Արցախի ԱԳՆ-ի հաղորդագրության մեջ։

Գերատեսչությունը միաժամանակ հիշեցնում է, որ 2020 թվականի սեպտեմբեր-նոյեմբեր ամիսներին Ադրբեջանը, Թուրքիայի և միջազգային ահաբեկիչների անմիջական ռազմական մասնակցությամբ, կրկին փորձեց անել այն, ինչը նրան չէր հաջողվել 1991-1994 թվականներին: Նոր պատերազմը հանգեցրեց մարդկային ավելի մեծ տառապանքների, փախստականների և ներքին տեղահանվածների նոր ալիքի և Արցախի մեծ մասի բռնազավթման:

Արցախի ԱԳՆ–ն հայտնում է, որ Շահումյանի շրջանի, ինչպես նաև 1991-1994, 2016 և 2020 թվականներին գրավված Արցախի մյուս տարածքների դեօկուպացիան, ադրբեջանա-ղարաբաղյան հակամարտության առանցքային բաղադրիչն է:

 

 

32
թեգերը:
Արտաքին գործերի նախարարություն (ԱԳՆ), Ադրբեջան, Արցախ
Ըստ թեմայի
Քաշել է նռնակի օղակն ու մերժել ադրբեջանցիներին. Տեղի գյուղապետը մանրամասներ է պատմել
ԱԱԾ-ն արձագանքել է Երևանում ադրբեջանցիների հնարավոր ներկայության մասին լուրերին
Ալիևից մենք վտանգ չունենք. պատերազմ անհնար է Հայաստանի և Ադրբեջանի միջև. Տեր-Պետրոսյան
Ասկերան. արխիվային լուսանկար

Արցախում քրեական գործ է հարուցվել դիակը կամ թաղման վայրերն անարգանքի ենթարկելու փաստով

95
(Թարմացված է 14:05 16.06.2021)
Ադրբեջանցիներն ազգային, կրոնական, ատելության և թշնամանքի շարժառիթով քանդել ու ոչնչացրել են հայկական գերեզմանատան գերեզմանաքարերը, այլ շինություններն ու առարկաները, անարգանքի ենթարկել հայկական շիրիմները։

ԵՐԵՎԱՆ, 16 հունիսի - Sputnik. Արցախի քննչական կոմիտեն քրեական գործ է հարուցել Ասկերանի հայկական գերեզմանատանը ադրբեջանցիների իրականացրած վանդալիզմի փաստերով։

Քրեական գործը հարուցվել է Արցախի քրեական օրենսգրքի 276-րդ հոդվածի 2-րդ մասի 2-րդ կետով, այն է` ազգային, ռասսայական կամ կրոնական ատելության կամ թշնամանքի շարժառիթով դիակը կամ թաղման վայրերն անարգանքի ենթարկելը։

Քննչական մարմնից հայտնում են, որ քրգործի հիմքում դրվել են փաստեր այն մասին, որ 44-օրյա պատերազմի հետևանքով Ադրբեջանի վերահսկողության տակ անցած Ասկերանի շրջանի Ավետարանոց գյուղում ադրբեջանցիներն ազգային, կրոնական, ատելության և թշնամանքի շարժառիթով քանդել ու ոչնչացրել են հայկական գերեզմանատան գերեզմանաքարերը, այլ շինություններն ու առարկաները, անարգանքի ենթարկել հայկական շիրիմները։

«Հուսով ենք` Բաքուն միջոցներ կձեռնարկի». Զախարովան՝ Քարինտակի ու Շուշիի վանդալիզմի մասին

Նշենք, որ ի տարբերություն Ադրբեջանի` Հայաստանում արդեն ավելի քան 30 տարի պահպանվում են ադրբեջանցիների գերեզմանները։

Sputnik Արմենիան բազմիցս ներկայացրել է Հայաստանի տարածքում մնացած ադրբեջանական գրեթե չվնասված գերազմանների լուսանկարներ։

95
թեգերը:
ադրբեջանցի, գերեզման, Քրեական գործ, վանդալիզմ, Արցախ
Ըստ թեմայի
ԽՍՀՄ տարիներին ադրբեջանցիները զավթում էին հայերի հողերը, ապա դարձնում քննարկման առարկա
Նոր միջադեպ Տեղ գյուղի մոտակայքում. ադրբեջանցիները սպառնացել են հայ հովիվներին
ԱԱԾ-ն արձագանքել է Երևանում ադրբեջանցիների հնարավոր ներկայության մասին լուրերին
Генеральная прокуратура Армении

Պետությանը պատճառվել է 300 մլն դրամի վնաս. պաշտոնյաների նկատմամբ հարուցվել է 15 քրգործ

0
ՀՀ պետական գույքի կառավարման վարչության պաշտոնատար անձինք պայմանավորվել են անշարժ գույքի գնահատում իրականացնող մի ընկերության հետ, ինչի արդյունքում ընկերության մասնագետները կազմել են 15 կեղծ եզրակացություն։

ԵՐԵՎԱՆ, 16 հունիսի – Sputnik. 2021թ.-ի 1-ին կիսամյակի ընթացքում ՀՀ գլխավոր դատախազության պետական շահերի պաշտպանության վարչությունում ուսումնասիրվել են 2016-2020թթ. –ի սեփականաշնորհման գործարքները։

Պարզվել է, որ ՀՀ պետական գույքի կառավարման վարչության պաշտոնատար անձինք 2016-2017թթ.–ին պայմանավորվել են անշարժ գույքի գնահատում իրականացնող «Ֆ...» ընկերության  հետ, ինչի արդյունքում ընկերության մասնագետները կազմել են 15 կեղծ եզրակացություն։

Նշված ընկերության կողմից վավերացված այդ եզրակացություններով 378.700.000 ՀՀ դրամ իրական արժեքով գույքերը գնահատվել են ընդհանուր 135.016.137 ՀՀ դրամ կամ իրենց իրական արժեքից 3 անգամ պակաս։

Այս կեղծ եզրակացությունները հիմք է ընդունվել անշարժ գույքի օտարման մրցութային հանձնաժողովի կողմից, որի արդյունքում այդ 15 գույքերն օտարվել են ընդհանուր 79.144.580 ՀՀ դրամով կամ իրական արժեքից շուրջ 5 անգամ պակաս։

Այս գործընթացի հետևանքով պետությանը պատճառվել է 299.555.420 ՀՀ դրամի վնաս:

Հայտնաբերված փաստերով ՀՀ գլխավոր դատախազության պետական շահերի պաշտպանության վարչությունում հարուցվել է 15 քրեական գործ` ՀՀ քրեական օրենսգրքի 308-րդ հոդվածի 1-ին և 2-րդ մասերի հատկանիշներով (պաշտոնատար անձի կողմից պաշտոնեական լիազորությունները չարաշահելը): Նախաքննությունը  հանձնարարվել է ՀՀ քննչական կոմիտեին:

0
թեգերը:
բյուջե, չարաշահում, ՀՀ գլխավոր դատախազություն, Կադաստրի կոմիտե