Ուխտավորները խաղաղապահների ուղեկցությամբ այցելել են Ամարասի վանք

Ավելի քան 100 հայ ուխտավորներ խաղաղապահների ուղեկցությամբ այցելել են Ամարասի վանք

86
(Թարմացված է 09:32 31.05.2021)
Ուխտավորներն Ամարաս էին եկել Ստեփանակերտից, ինչպես նաև մոտակա քաղաքներից ու գյուղերից:

ԵՐԵՎԱՆ, 31 մայիսի - Sputnik. Ռուս խաղաղապահ զորախմբի զինծառայողները 117 հոգուց բաղկացած հայ ուխտավորների խմբին Ամարասի վանք են ուղեկցել։ Տեղեկությունը հայտնում է Ռուսաստանի պաշտպանության նախարարությունը:

Ուխտավորներն Ամարաս էին եկել Ստեփանակերտից, ինչպես նաև մոտակա քաղաքներից ու գյուղերից:

Ամարասը վաղմիջնադարյան քրիստոնեական վանք է Մարտունու շրջանում։ Միջնադարյան Հայաստանում հոգևոր ու մշակութային նշանավոր կենտրոն է եղել։

«Ռուսաստանյան խաղաղապահ անձնակազմի հումանիտար արձագանքման կենտրոնի կողմից իրականացվում է ուխտավորների ուղեկցումն ու պաշտպանությունը Լեռնային Ղարաբաղի կրոնական օբյեկտներ, որոնցից է նաև Ամարասը»,-հայտնել է հումանիտար աջակցման կենտրոնի ներկայացուցիչ Ալեքսանդր Կորոլյովը։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Եթե Դադիվանքը խաղաղապահները չհսկեին, Ղազանչեցոցի բախտին կարժանանար. Արցախի թեմի առաջնորդ

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

86
թեգերը:
ռուս, խաղաղապահ, Ամարաս, Արցախ
Ըստ թեմայի
Դեպրեսիան սկսվեց արդեն Մոսկվայում. բժիշկը չի հաշվել՝ քանի կյանք է Արցախում փրկվել
Արցախցի կանայք սկսում են զրոյից․ երբ պետությունը լուռ է, անհատն է գործի անցնում
Ժենգյալով հաց և ձեռագործ աշխատանքներ. Երևանում բացվել է «Արցախի բարիքներ» տոնավաճառը
Աղդամ. արխիվային լուսանկար

Բաքուն հայտնում է, որ 15 հայ գերի են տվել Աղդամի ականապատ տարածքների քարտեզի դիմաց

1930
(Թարմացված է 20:00 12.06.2021)
Բաքվի հայտնած տեղեկատվության համաձայն` այս անգամ հայ գերիներին փոխանցում են ադրբեջանա–վրացական սահմանով։

ԵՐԵՎԱՆ, 12 հունիսի - Sputnik. Ադրբեջանա–վրացական սահմանով ադրբեջանցիները ևս 15 հայ գերի են վերադարձրել։ Տեղեկությունը հայտնում է Ադրբեջանի արտաքին գործերի նախարարությունը` հավելելով, որ գործընթացը տեղի է ունենում Ակնայի (Աղդամ) ականապատ տարածքների քարտեզը տրամադրելու պայմանով։

Հայ գերիների վերադարձի գործընթացը տեղի է ունեցել վրաց պաշտոնյաների մասնակցությամբ:

«Պայմանավորվածության համաձայն` 2021 թվականի հունիսի 12-ին Աղդամի շրջանի քարտեզ տրամադրելու դիմաց 15 ձերբակալված հայեր հանձնվել են Հայաստանին՝ Վրաստանի ներկայացուցիչների ներկայությամբ»,–ասվում է հայտարարության մեջ։

Մասնավորապես, Հայաստանն Ադրբեջանին է հանձնել հակատանկային և հակահրթիռային 97 000 ականների տեղակայման քարտեզը:

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Փաշինյանը հրապարակել է Ադրբեջանից վերադարձող 15 գերիների լուսանկարը

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և բացի այս, հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Նիկոլ Փաշինյանը հաստատեց` 15 գերի է վերադառնում հայրենիք

1930
թեգերը:
Ադրբեջան, Բաքու, ականազերծում, գերի
Ըստ թեմայի
Հայ գերիների դատավարության արդյունքները միջազգայնորեն չեն կարող ընդունվել. իրավապաշտպան
Հայտնի են դարձել 26 հայ գերիների անունները, որոնց մեղադրանք է առաջադրվել Ադրբեջանում
Եթե Տեր-Պետրոսյանը լինի երկրի ղեկավար, մեկ շաբաթում կլուծվի գերիների հարցը. Զուրաբյան
Հադրութ. արխիվային լուսանկար

Հադրութի շրջանում իրականցված որոնումների արդյունքում հայտնաբերվել է ևս 8 աճյուն

119
(Թարմացված է 17:39 12.06.2021)
Հայտնաբերված աճյունների ինքնությունը կհաստատվի դատաբժշկական փորձաքննությունից հետո։

ԵՐԵՎԱՆ, 12 հունիսի - Sputnik. Ադրբեջանի վերահսկողության տակ անցած Հադրութի շրջանում այսօր իրականցված որոնումների արդյունքում հայտնաբերվել է, նախնական տվյալներով, ևս 8 աճյուն։ Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը։

Աճյունների ինքնությունը կհաստատվի դատաբժշկական փորձաքննությունից հետո։

Հիշեցնենք, որ անցած 7 ամիսների ընթացքում Արցախի վերահսկողությունից դուրս գտնվող տարածքներից հայտնաբերվել և տարհանվել է 1576 աճյուն։

Աճյուններով նկուղ Աբովյանում, կամ ինչպես են Հայաստանում պատվում հերոսներին

119
թեգերը:
Պատերազմ, Հադրութ, աճյուն
Ըստ թեմայի
«Փոխում ենք համակարգը, բայց մարդուն փոխելը հեշտ չէ». Փաշինյանը` աճյունների դեպքի մասին
Մայր աթոռը խստագույնս դատապարտել է զոհվածների աճյունների հանդեպ վերաբերմունքը
ԴՆԹ անցած 100-ից ավելի աճյունների հարազատներն անհայտ են. ՊՆ պաշտոնյա
Խորհրդարանի դահլիճը

Հացթուխ, փականագործ, դիմահարդար ու լոգոպեդ. ովքեր են պայքարում պատգամավորի մանդատի համար

26
(Թարմացված է 21:53 13.06.2021)
Sputnik Արմենիան ուսումնասիրել է արտահերթ խորհրդարանական ընտրություններին մասնակցող քաղաքական ուժերի ընտրական ցուցակներն ու բավական ուշագրավ փաստեր հայտնաբերել դրանցում ներառված թեկնածուների մասին։

2.5 մլն ընտրող ու 2 500 պատգամավորի թեկնածու. հունիսի 20-ին նախանշված արտահերթ խորհրդարանական ընտրություններին, փաստորեն Հայաստանի յուրաքանչյուր 1000 չափահաս քաղաքացիներից 1-ն իրեն տեսնում է պոտենցիալ ազգընտիրի դերում։

Վատ աշխատանք չէ։ 661 400 դրամ աշխատավարձ, ծառայողական ավտոմեքենա, աշխատանքային թեթև գրաֆիկ, գործուղումներ, էլ չենք խոսում հանրային ճանաչման ու կարիերայի մասին։ Հայաստանյան իրականության համար բավական ցանկալի աշխատանք է։

Թերևս հենց այս հանգամանքով է պայմանավորված, որ պատգամավոր դառնալու ցանկություն ունեցողների մեջ բավական լուրջ թիվ են կազմում չաշխատողները։ Այսպես, 2 539 թեկնածուներից 786–ը ներկա պահին չեն աշխատում, գործազուրկ են կամ անաշխատունակ, 27–ը` թոշակառու։

Չաշխատող թեկնածուների թվով առաջատարը Դավիթ Սանասարյանի գլխավորած «Ինքնիշխան Հայաստան» կուսակցությունն է։ Ըստ հրապարակված ցուցակի, այս քաղաքական ուժի 85 թեկնածուներից 52-ը կամ շուրջ 60 տոկսը չի աշխատում։

Ինչ վերաբերում է աշխատանքով ապահովված թեկնածուներին, ապա ինչպես բոլոր, այնպես էլ այս ընտրություններում մեծ թիվ են կազմում գործարար–ձեռներեցները, հասարակական կազմակերպությունների ու տարբեր հիմնադրամների նախագահները, իրավաբանները, գիտաշխատողները, ուսուցիչները, բժիշկները։ Բավական նկատելի է նաև հոգեբանների առկայությունը որոշ քաղաքական ուժերի ցուցակներում։

Քննությունը կպարզի ՔՊ-ի քարոզարշավին խոչընդոտելու դեպքի հանգամանքները

Թե ինչ անելիք ունի խորհրդարանում հոգեբանը, կարելի է ենթադրել, բայց թե ինչ անելիք ունեն այնտեղ պահնորդները, վարսահարդարները, դիմահարդարներն ու անգամ լոգոպեդները, մնում է միայն ենթադրել։ Եվ սա կատակ չէ։ Այս մասնագիտությունների տեր մարդիկ ևս ընտրացուցակներում կան։

Կա նաև 1 դաշնակահարուհի, մի քանի անասնաբույժներ, վարորդներ ու վարորդ–առաքիչներ, տարբեր առևտրի կենտրոնների վաճառողներ ու վաճառքի խորհրդատուներ, մի քանի մարզիչներ ու դպրոցների զինղեկներ, մանկապարտեզի ֆիզկուլտուրայի 1 դաստիարակ, անգամ` կահույքի արտադրամասի 1 վարպետ, 2 փականագործ, էլեկտրամեխանիկ, ճաշարանի վարիչ, բանվորներ, հացթուխ, խաղատան օպերատոր ու գազալցակայանի լիցքավորող։

Թե նրանցից ով որ քաղաքական ուժի ցուցակում է, միտումնավոր չենք նշում` քարոզչությունից ու հակաքարոզից ձեռնպահ մնալու համար, հատկապես, որ ցանկության դեպքում ընտրողներն իրենք կարող են ծանոթանալ թենածուների ցանկին ԿԸՀ պաշտոնական կայքում։ 

Իսկ թե ինչպես է ստացվել, որ օրինաստեղծ գործունեության հետ կապ չունեցող մասնագիտությունների տեր անձինք հայտ են ներկայացրել լինելու օրենսդիր ու գործադիր իշխանություններում, Sputnik Արմենիան որոշեց ճշտել Հանրային կառավարման հարցերի փորձագետ Հովհաննես Ավետիսյանից։

«Քաղաքական տեսանկյունից դաշտն այնքան նոսրացած է որակների առումով, որ մարդիկ ընտրում են իրենց հավատարիմ  անձանց` առանց խորանալու մասնագիտական որակների ու օգտակարության մեջ»,– ասաց նա` հավելելով, որ նույն կերպ 2018-ին Փաշինյանը ձևավորել էր նաև այսօրվա խորհրդարանական մեծամասնությունն ու կառավարությունը, թերևս բացառությամբ մի քանի իրոք որակյալ մասնագետների։

Իսկ այդ ամենի հիմքում, Ավետիսյանի խոսքով, Հայաստանում կայացած քաղաքական կուսակցությունների, այդ համակարգում ձևավորված քաղաքական կադրերի բացակայությունն է։

Դրանում համոզվելու համար Հովհաննես Ավետիսյանն առաջարկում է հայաստանյան կուսակցություններից հանել դրանց լիդերներին, համոզվելու համար, որ այդ կուսակցությունն ուղղակի կդադարի գոյություն ունենալ։

«Կա անհատ, կան նրա շուրջ հավաքված անձինք, որոնք հավաքվում են բարիդրացիական հարաբերությունների, բիզնեսի, նվիրվածության չափորոշիչներով»,– ասաց փորձագետը։

Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը

Իսկ եթե ընտրությունների արդյունքում իշխանության գա այս հիմքով ձևավորված քաղաքական ուժ, որը չի ապահովի երկրի առջև ծառացած խնդիրները գիտակցելու ու դրանք լուծելու մասնագիտական ներուժ, ապա Հովհաննես Ավետիսյանի խոսքով, առկա խնդիրներն էլ ավելի են խորանալու։

26
թեգերը:
մասնագիտություն, թեկնածու, Պատգամավոր, Հայաստան
Ըստ թեմայի
«2008 թ.–ից հետո իշխանությունների հետ որևէ առնչություն չեմ ունեցել, հասկացա՞ք». Քոչարյան
Փաշինյանի հետ համագործակցությունը բացառվում է, իսկ Քոչարյանի՞. Արման Աբովյանի պատասխանը
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ