ղարաբաղ, արցախ, մարտւնի, արայիկ հարությունյան, շինարարություն, artsax, xarabax, martuni, arayik harutyunyan
Արայիկ Հարությունյան. արխիվային լուսանկար

Մարտունիում 116 բնակարանով թաղամաս է կառուցվում

160
(Թարմացված է 21:08 30.05.2021)
Նախատեսվում է երկու տարում ավարտել Մարտունիում նոր թաղամասի կառուցման շինարարական աշխատանքները։

ԵՐԵՎԱՆ, 30 մայիսի - Sputnik. Մարտունիում մասնավոր ներդրումային ծրագրով բազմաբնակարան թաղամաս է կառուցվում։ Տեղեկությունը հայտնում է Արցախի նախագահ Արայիկ Հարությունյանը` ֆեյսբուքյան իր էջում տեսանյութ տեղադրելով և հայտնելով, որ այսօր այցելել է Մարտունի շրջկենտրոն։

Թաղամասում կկառուցվեն 3 և 4 սենյականոց շենքեր` 116 բնակարանով: Շինարարությանը զուգահեռ կվերանորոգվի նաև Մարտունու հին լողավազանը (պլյաժ): Շրջկենտրոնի բոլոր փողոցները կարճ ժամանակում կունենան գիշերային լուսավորություն, կասֆալտապատվեն նաև գլխավոր փողոցները։

Նախատեսվում է շինարարական աշխատանքները ավարտել երկու տարում։

Նշվում է, որ շինարարությանը զուգահեռ կապամոնտաժվեն նաև ռմբակոծման հետևանքով վնասված վթարային տները։

Հարությունյանը նաև հետմահու պետական բարձր պարգևների արժանացած զինծառայողների հարազատներին հանձնել է պարգևները։

Հիշեցնենք, որ Արցախի քաղաքաշինության նախարար Արամ Սարգսյանը Sputnik Արմենիային հայտնել էր` արցախցի ավելի քան 7000 ընտանիք բնակարանի կարիք ունի։

Արցախցի կանայք սկսում են զրոյից․ երբ պետությունը լուռ է, անհատն է գործի անցնում

Արայիկ Հարությունյանն էլ իր հերթին հայտարարել էր, որ ավելի քան 1000 բնակարան շահագործման կհանձնվի երկու տարվա ընթացքում: Տների բաշխման ժամանակ առաջնահերթությունը կտրվի Շուշիի և Հադրութի բնակիչներին (Ադրբեջանի վերահսկողության տակ անցած տարածքներ), ինչպես նաև սոցիալական խոցելի խմբերին: Առաջին բնակարանները շահագործման կհանձնվեն արդեն այս տարվա վերջին։

160
թեգերը:
շինարարություն, Արցախի նախագահ Արայիկ Հարությունյան, Լեռնային Ղարաբաղ, Արցախ, Մարտունի
Ըստ թեմայի
Ռոմանոս Պետրոսյանը ՌԴ-ում խոսել է Արցախի դեմ Ադրբեջանի կիրառած քիմիական զենքերի մասին
Դեպրեսիան սկսվեց արդեն Մոսկվայում. բժիշկը չի հաշվել՝ քանի կյանք է Արցախում փրկվել
Ժենգյալով հաց և ձեռագործ աշխատանքներ. Երևանում բացվել է «Արցախի բարիքներ» տոնավաճառը
Արցախի ԱԺ

Արցախի և Հայաստանի միջև սեպ խրող հայտարարություններ. Արցախի ԱԺ-ի կոչը

75
(Թարմացված է 15:43 25.06.2021)
ՀՀ-ում արտահերթ խորհրդարանական ընտրությունների հաջորդ օրը՝ հունիսի 21-ին, Արցախի մայրաքաղաք Ստեփանակերտի Վերածննդի հրապարակում հանրահավաք էր կազմակերպվել նախագահ Արայիկ Հարությունյանի հրաժարականի պահանջով։

ԵՐԵՎԱՆ, 25 հունիսի – Sputnik. Արցախի Հանրապետության Ազգային ժողովի խմբակցությունները հանդես են եկել համատեղ հայտարարությամբ, որտեղ անդրադարձել են Արցախի նախագահի հրաժարականի պահանջով արդեն մի քանի օր տեղի ունեցող հանրային հավաքներին:

Արցախի խորհրդարանականներն արձանագրում են, որ սեպտեմբերի 27-ին Ադրբեջանի սանձազերծած պատերազմի հետևանքվ Արցախը հայտնվել է կենսական խնդիրների լուծման պարտադրանքի առջև:

«Պատերազմի ավարտից հետո նկատելի են բևեռացումներ, որոնք ուղեկցվում են պիտակավորումներով: Հանրության տարբեր շերտեր անհարկի վիրավորանքների թիրախ են դարձել. սպառնալիքներ են հնչում և հայի միասնականության ոգուն անհարիր երևույթներ դրսևորվում»,- ասված է հայտարարության մեջ:

Պատգամավորներն անընդունելի և դատապարտելի են համարում ազգին համախմբող բարոյական և պետական հիմքերի խարխլումը, հասարակության մեջ ատելության և թշնամանքի սերմանումն ու հրահրումը, որի արդյունքում ի հայտ են գալիս արհեստածին, լարված իրավիճակներ:

«Հատկապես վտանգավոր են այն հայտարարությունները, որոնք կարող են սեպ խրել Արցախի և Հայաստանի քաղաքացիների միջև»,- նշում են նրանք՝ կոչ անելով լինել միմյանց նկատմամբ հավասարակշիռ, հանդուրժող և հարգալից՝ իրենց կարծիքներն ու մոտեցումներն արտահայտելու գործում:

ԱԺ պատգամավորները համոզմունք են հայտնում, որ խորհրդարանը կարող է լինել երկխոսության լավագույն հարթակ հանրային պահանջները ներկայացնելու, քաղաքական և հասարակական կառույցների տեսակետները առարկայական դարձնելու ու գործնականի վերածելու համար:

Հիշեցնենք՝ ՀՀ-ում արտահերթ խորհրդարանական ընտրությունների հաջորդ օրը՝ հունիսի 21-ին Արցախի մայրաքաղաք Ստեփանակերտի Վերածննդի հրապարակում հավաքվել հանրահավաք էր կազմակերպվել՝ նախագահ Արայիկ Հարությունյանի հրաժարականի պահանջով։

Ակցիայի մասնակիցներն իրենց պահանջը պայմանավորում էին ոչ միայն Արցախյան 44-oրյա պատերազմի ծանր հետևանքներով, այլև ընտրություններին հաջորդող գիշերը Հարությունյանի՝ ՔՊ շտաբ այցով։

Հանրահավաքի մասնակիցները կարծիք էին հայտնում, որ Արայիկ Հարությունյանը չի կարող ներկայացնել Արցախը, չի կարող ներկայացնել արցախցիների տեսակետը։

Սուտ լուրերը խարխլում են հավատը պայմանավորվածությունների հանդեպ․ ՌԴ ԱԳՆ-ն՝ Արցախի մասին

75
թեգերը:
Արցախի նախագահ Արայիկ Հարությունյան, Բողոքի ակցիա, հայտարարություն, ԱԺ, Արցախ
Ըստ թեմայի
Ադրբեջանցիներին կարելի է, մեզ` չէ՞. արցախցիների բողոքի ակցիայի հետքերով
Արցախի նախագահը ՔՊ–ի գրասենյակում է
«Ես փախչող տեսակ չեմ». Արցախի նախագահը` իր հրաժարական չտալու մասին
Ի՞նչ գործ ուներ Արցախի նախագահը ՔՊ-ի շտաբում. Արայիկ Հարությունյանը պարզաբանում է
Փրկարարներ

Զինծառայողների աճյունների որոնումները շարունակվում են Վարանդայի շրջանում

33
(Թարմացված է 13:52 25.06.2021)
Ադրբեջանի վերահսկողության տակ անցած տարածքներից հայտնաբերվել և տարհանվել է ընդհանուր առմամբ 1585 աճյուն:

ԵՐԵՎԱՆ, 25 հունիսի – Sputnik. Ռազմական գործողությունների ընթացքում զոհված զինծառայողների աճյունների որոնումներն այսօր փրկարարական մեկ ջոկատով շարունակվում են Վարանդայի (Ֆիզուլի) շրջանում: Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը։

Ադրբեջանի վերահսկողության տակ անցած տարածքներից 2020 թվականի նոյեմբերի 13-ից մինչև 2021 թվականի հունիսի 24-ն ընկած ժամանակահատվածում հայտնաբերվել և տարհանվել է 1585 աճյուն:

Արդյունքների մասին ծառայությունը երեկոյան կտրամադրի հավելյալ տեղեկություն:

Եղել են դեպքեր` զոհվածի մասունքը նույնականացվել է թաղումից հետո. մնացածը գաղտնիք է

33
թեգերը:
աճյուն, փրկարար, Արցախ
Ըստ թեմայի
«Դե, դե, ծալի՛ր ծունկդ, մի՛ վախեցիր». վիրավոր տղաները գերժամանակակից պրոթեզներ կունենան
«Խորը շունչ քաշեցի, տեսա` սաղ եմ». ինչպես է Գարիկը փրկել վիրավորներին և ինքն էլ ողջ մնացել
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
(0:29 / 3.14Mb / просмотров видео: 15)

Վերացրե՛ք Չարչյանի կալանքը. սպիտակ խալաթներով ակցիա` դատախազության դիմաց. տեսանյութ

29
(Թարմացված է 18:03 25.06.2021)
Բուժաշխատողները նաև զգուշացնում են, որ հակառակ դեպքում իրենք դարձյալ կհագնեն սպիտակ խալաթներն ու «կալեկոծեն փողոցները»:

ՀՀ գլխավոր դատախազության մուտքի մոտ այսօր սպիտակ խալաթներով բողոքի ակցիա էին կազմակերպել կալանավորման ենթարկված պրոֆեսոր, «Իզմիրլյան» ԲԿ գլխավոր տնօրեն Արմեն Չարչյանի գործընկերները։

Նրանք նաև բաց նամակ հանձնեցին ՀՀ գլխավոր դատախազին, որտեղ վստահեցնում էին, որ ազատ արձակվելու պարագայում Չարչյանը չի կարող խոչընդոտել ոչ մի քննչական գործողության և կներկայանա առաջին իսկ ծանուցման դեպքում:

Акция протеста врачей в поддержку директора медцентра Измирлян Армена Чарчяна перед зданием генпрокуратуры Армении (25 июня 2021). Еревaн
© Sputnik / Asatur Yesayants
Բժիշկների բողոքի ակցիան` դատախազության դիմաց

«Վերացրե՛ք կալանքը, նպաստե՛ք կալանքը վերացնելուն, պատմությունը ձեզ բարի խոսքերով կհիշի: Խնդրում, հորդորում, պահանջում ենք՝ վերացրե՛ք կալանքը, թող պրոֆեսորի հոգին հանդարտվի: Հետևաբար, նրա մարմինը ևս կբուժվի: Թող պրոֆեսորին ընտրած հիվանդը նրա մատներով ու նշտարով ամոքվի»,- ասված է բաց նամակում:

Բուժաշխատողները նաև զգուշացնում են, որ հակառակ դեպքում իրենք դարձյալ կհագնեն սպիտակ խալաթներն ու «ալեկոծեն փողոցները»: «Հետո երևի շատանանք, շատանանք…»,- նշված է բժիշկների՝ դատախազին հանձնած նամակում:

Նրանք նաև հիշեցում են, որ պաշտոնը ժամանակավոր է, իսկ մարդու բարի գործերը՝ հավերժական: Բաց նամակի հեղինակները ՀՀ դատախազին հորդորում են իրենց նամակն անձամբ կարդալ և այդ գործը չհանձնարարել իր ենթականերին:

Բաց նամակը  ստորագրել են 539 բուժաշխատող: Նամակի մեկ օրինակ էլ ակցիայի կազմակերպիչները հանձնեցին ՀՀ Արդարադատության նախարարին:

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։ Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՔԾ-ում քննվող քրեական գործի շրջանակում։

Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել

Հունիսի 21-ին ԿԸՀ–ն թույլատրեց Արմեն Չարչյանին քրեական հետապնդման ենթարկել։ Քննիչը Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրեց։ Հունիսի 23-ին դատարանը նրան կալանավորելու որոշում կայացրեց։ Նույն օրը հայտնի դարձավ, որ Չարչյանին շտապօգնության մեքենայով տեղափոխել են հիվանդանոց։

Ի դեպ, Չարչյանը երկրորդ նախագահ Ռոբերտ Քոչարյանի գլխավորած «Հայաստան» դաշինքի անդամ ու պատգամավորության թեկնածու է։

29
թեգերը:
կալանք, ՀՀ դատախազություն, Բողոքի ակցիա, բժիշկ, Արմեն Չարչյան
Ըստ թեմայի
Արմեն Չարչյանին կալանավորելու` դատարանի որոշման դեմ վերաքննիչ բողոք է ներկայացվել
«Դա բացարձակ սուտ է». Արմեն Չարչյանի պաշտպանը պատասխանել է դատախազությանը
Արմեն Չարչյանի ձերբակալությունը քաղաքական քայլ է. Արա Աբրահամյան