Արցախ, Ղարաբաղ, Ռուսաստան, խաղաղապահ, arcakh, kharabakh, rusastan, khaxaxapah
Ռուս զինվորականները «Խաղաղապահի դասեր» են անցկացրել Ասկերանի շրջանում

Ռուս զինվորականները «Խաղաղապահի դասեր» են անցկացրել Ասկերանի շրջանում

51
(Թարմացված է 11:20 28.05.2021)
Դասախոսության ընթացքում ռուսական խաղաղապահ զորակազմի զինծառայողները պատմել են խաղաղապահ ստորաբաժանումների գլխավոր խնդիրների մասին։

ԵՐԵՎԱՆ, 28 մայիսի – Sputnik. Լեռնային Ղարաբաղում ռուսական խաղաղապահ զորախմբի զինծառայողները Ասկերանի շրջանի Նորագյուղ գյուղի միջնակարգ դպրոցում «Խաղաղապահի դաս» կրթական ակցիա են իրականացրել։ Տեղեկությունը հայտնում է Ռուսաստանի պաշտպանության նախարարությունը։

Ակցիան անցկացվել է ինտերակտիվ դասի ձևով, 100 սովորողի մասնակցությամբ։ Դասախոսության ընթացքում ռուսական խաղաղապահ զորակազմի զինծառայողները պատմել են խաղաղապահ ստորաբաժանումների գլխավոր խնդիրների մասին։ Երեխաներին բացատրել են նախկին մարտական գործողությունների շրջաններում գտնվելու բարձր վտանգավորությունը՝ մեծ թվով պայթյունավտանգ առարկաների պատճառով։

Ռուս սպաները երեխաներին ցույց են տվել Լեռնային Ղարաբաղի տարածքում հանդիպող պայթյունավտանգ առարկաների հիմնական տեսակների նկարները, ինչպես նաև գործնականում բացատրել են տուժածներին առաջին բուժօգնության ցուցաբերելու կանոնները, այդ թվում՝ ականապայթյունային վնասվածքների ժամանակ։

«Կարող եմ ասել, որ այս ինտերակտիվ դասը շատ օգտակար էր ինչպես մեզ՝ մեծահասակներիս, այնպես էլ աշակերտների համար։ Շատ կարևոր է, որ աշակերտներն ու մեծահասակները իմանան նախազգուշական միջոցները, թե ինչ պետք է անեն, եթե չպայթած ականների հանդիպեն: Մեզ համար շատ օգտակար տեղեկություններ էին»,-ասել է Նորագյուղի միջնակարգ դպրոցի ռուսաց լեզվի և գրականության ուսուցչուհի Լիանա Իլիյանը։

Միջոցառման ավարտին աշակերտները ռուսերեն բանաստեղծություններ են արտասանել և երգել։

Լեռնային Ղարաբաղի տարածքում խաղաղապահ խնդիրների կատարման ընթացքում ռուս զինծառայողները ավելի քան 40 անգամ այցելել են երեխաներին՝ պատմության ինտերակտիվ դասեր, հայրենասիրական ակցիաներ և թեմատիկ ստեղծագործական հանդիպումներ անցկացնելու համար: Ընդհանուր առմամբ այդ միջոցառումներին մասնակցել է ավելի քան 4000 աշակերտ և ուսանող։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

51
թեգերը:
դպրոց, խաղաղապահ, Արցախ
թեմա:
Խաղաղապահներն Արցախում (155)
Ըստ թեմայի
Շուշիի մոտակայքում խաղաղապահների օգնությամբ վերացվել է գազատարի վթարը․ տեսանյութ
Հանգիստ գյուղատնտեսական աշխատանքներ. Արցախում խաղաղապահները ապահովում են անվտանգությունը
Շնորհակալ եմ, որ այստեղ եք. 80 հայ ուխտավոր խաղաղապահների ուղեկցությամբ Ամարաս են այցելել
Արցախի ԱԺ

Արցախի և Հայաստանի միջև սեպ խրող հայտարարություններ. Արցախի ԱԺ-ի կոչը

57
(Թարմացված է 15:43 25.06.2021)
ՀՀ-ում արտահերթ խորհրդարանական ընտրությունների հաջորդ օրը՝ հունիսի 21-ին, Արցախի մայրաքաղաք Ստեփանակերտի Վերածննդի հրապարակում հանրահավաք էր կազմակերպվել նախագահ Արայիկ Հարությունյանի հրաժարականի պահանջով։

ԵՐԵՎԱՆ, 25 հունիսի – Sputnik. Արցախի Հանրապետության Ազգային ժողովի խմբակցությունները հանդես են եկել համատեղ հայտարարությամբ, որտեղ անդրադարձել են Արցախի նախագահի հրաժարականի պահանջով արդեն մի քանի օր տեղի ունեցող հանրային հավաքներին:

Արցախի խորհրդարանականներն արձանագրում են, որ սեպտեմբերի 27-ին Ադրբեջանի սանձազերծած պատերազմի հետևանքվ Արցախը հայտնվել է կենսական խնդիրների լուծման պարտադրանքի առջև:

«Պատերազմի ավարտից հետո նկատելի են բևեռացումներ, որոնք ուղեկցվում են պիտակավորումներով: Հանրության տարբեր շերտեր անհարկի վիրավորանքների թիրախ են դարձել. սպառնալիքներ են հնչում և հայի միասնականության ոգուն անհարիր երևույթներ դրսևորվում»,- ասված է հայտարարության մեջ:

Պատգամավորներն անընդունելի և դատապարտելի են համարում ազգին համախմբող բարոյական և պետական հիմքերի խարխլումը, հասարակության մեջ ատելության և թշնամանքի սերմանումն ու հրահրումը, որի արդյունքում ի հայտ են գալիս արհեստածին, լարված իրավիճակներ:

«Հատկապես վտանգավոր են այն հայտարարությունները, որոնք կարող են սեպ խրել Արցախի և Հայաստանի քաղաքացիների միջև»,- նշում են նրանք՝ կոչ անելով լինել միմյանց նկատմամբ հավասարակշիռ, հանդուրժող և հարգալից՝ իրենց կարծիքներն ու մոտեցումներն արտահայտելու գործում:

ԱԺ պատգամավորները համոզմունք են հայտնում, որ խորհրդարանը կարող է լինել երկխոսության լավագույն հարթակ հանրային պահանջները ներկայացնելու, քաղաքական և հասարակական կառույցների տեսակետները առարկայական դարձնելու ու գործնականի վերածելու համար:

Հիշեցնենք՝ ՀՀ-ում արտահերթ խորհրդարանական ընտրությունների հաջորդ օրը՝ հունիսի 21-ին Արցախի մայրաքաղաք Ստեփանակերտի Վերածննդի հրապարակում հավաքվել հանրահավաք էր կազմակերպվել՝ նախագահ Արայիկ Հարությունյանի հրաժարականի պահանջով։

Ակցիայի մասնակիցներն իրենց պահանջը պայմանավորում էին ոչ միայն Արցախյան 44-oրյա պատերազմի ծանր հետևանքներով, այլև ընտրություններին հաջորդող գիշերը Հարությունյանի՝ ՔՊ շտաբ այցով։

Հանրահավաքի մասնակիցները կարծիք էին հայտնում, որ Արայիկ Հարությունյանը չի կարող ներկայացնել Արցախը, չի կարող ներկայացնել արցախցիների տեսակետը։

Սուտ լուրերը խարխլում են հավատը պայմանավորվածությունների հանդեպ․ ՌԴ ԱԳՆ-ն՝ Արցախի մասին

57
թեգերը:
Արցախի նախագահ Արայիկ Հարությունյան, Բողոքի ակցիա, հայտարարություն, ԱԺ, Արցախ
Ըստ թեմայի
Ադրբեջանցիներին կարելի է, մեզ` չէ՞. արցախցիների բողոքի ակցիայի հետքերով
Արցախի նախագահը ՔՊ–ի գրասենյակում է
«Ես փախչող տեսակ չեմ». Արցախի նախագահը` իր հրաժարական չտալու մասին
Ի՞նչ գործ ուներ Արցախի նախագահը ՔՊ-ի շտաբում. Արայիկ Հարությունյանը պարզաբանում է
Փրկարարներ

Զինծառայողների աճյունների որոնումները շարունակվում են Վարանդայի շրջանում

31
(Թարմացված է 13:52 25.06.2021)
Ադրբեջանի վերահսկողության տակ անցած տարածքներից հայտնաբերվել և տարհանվել է ընդհանուր առմամբ 1585 աճյուն:

ԵՐԵՎԱՆ, 25 հունիսի – Sputnik. Ռազմական գործողությունների ընթացքում զոհված զինծառայողների աճյունների որոնումներն այսօր փրկարարական մեկ ջոկատով շարունակվում են Վարանդայի (Ֆիզուլի) շրջանում: Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը։

Ադրբեջանի վերահսկողության տակ անցած տարածքներից 2020 թվականի նոյեմբերի 13-ից մինչև 2021 թվականի հունիսի 24-ն ընկած ժամանակահատվածում հայտնաբերվել և տարհանվել է 1585 աճյուն:

Արդյունքների մասին ծառայությունը երեկոյան կտրամադրի հավելյալ տեղեկություն:

Եղել են դեպքեր` զոհվածի մասունքը նույնականացվել է թաղումից հետո. մնացածը գաղտնիք է

31
թեգերը:
աճյուն, փրկարար, Արցախ
Ըստ թեմայի
«Դե, դե, ծալի՛ր ծունկդ, մի՛ վախեցիր». վիրավոր տղաները գերժամանակակից պրոթեզներ կունենան
«Խորը շունչ քաշեցի, տեսա` սաղ եմ». ինչպես է Գարիկը փրկել վիրավորներին և ինքն էլ ողջ մնացել
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
Ապօրինի շինությունների ապամոնտաժում

Ընդունեք այս հայտարարությունը որպես զգուշացում. Մարությանը դիմել է քաղաքացիներին

0
(Թարմացված է 17:14 25.06.2021)
Երևանի քաղաքապետը վստահեցնում է, որ քաղաքապետարանը հաստատակամ է և հետևողականորեն գնալու է բոլոր ապօրինի շինությունների հետևից:

ԵՐԵՎԱՆ, 25 հունիսի - Sputnik. Երևանի քաղաքապետ Հայկ Մարությանը դիմել է Երևանի այն քաղաքացիներին, ովքեր Երևանի տարածքում ապօրինի շինություններ, այդ թվում՝ կրպակներ են կառուցել:

«Ինքնակամ կառույցներ նախաձեռնողները ի սկզբանե պետք է տեղյակ լինեին, որ ապօրինություն են գործում, հետևաբար, ըստ էության, ինքնակամ կառույցներ իրականացնելու պահից սկսած՝ նրանք ժամանակ և հնարավորություն ունեին «իրենց ձեռքով» կանխելու կամ վերացնելու ապօրինությունը»,- նշում է Մարությանն ի պատասխան ապօրինի կառույցների տերերի աայն առաջարկին, որ քաղաքային իշխանությունները չքանդեն դրանք, այլ իրենց ժամանակ տան ինքնուրույն քանդելու:

«Ընդունեք այս հայտարարությունը որպես ևս մեկ զգուշացում: Սրանով ևս մեկ հնարավորություն ենք տալիս ձեզ՝ ժամ առաջ ապամոնտաժելու ապօրինի կառույցները: Երբ քաղաքապետարանից գան ձեր ապօրինի կառույցը քանդելու, այլևս ժամանակ չեք ունենալու»,- նշում է նա:

Երևանի քաղաքապետը վստահեցնում է, որ քաղաքապետարանը հաստատակամ է և հետևողականորեն գնալու է բոլոր ապօրինի շինությունների հետևից:

Երևանյան կրիմինալը. ապամոնտաժվել են ապօրինի կրպակներ, Աջափնյակի ղեկավարը հրաժարական է տվել

Հիշեցնենք՝ Երևանի ավագանու հունիսի 22-ի նիստում Հայկ Մարությանը, անդրադառնալով օրեցօր ավելացող ապօրինի կրպակներին ու շինություններին, հայտարարել էր, որ Աջափնյակ վարչական շրջանում ապօրինի շինարարության հարցում գործում է հանցավոր խումբ, որում ներգրավված են բազմաթիվ մարդիկ պետական մարմիններից, դատական համակարգից, թաղային հեղինակություններ։

Քաղաքապետը նշել էր, որ նախորդ տարվա դեկտեմբերից մինչև այսօր Աջափնյակ վարչական շրջանում իրավախախտման վերաբերյալ կազմվել է 60 վարչական արձանագրություն։

0
թեգերը:
Երևան, ապօրինի շինություն, Հայկ Մարության
Ըստ թեմայի
Երևանում անհետացել է 21 թափոնաման. քաղաքապետարանը դիմել է կոչով
Ծառուկյանի նկարը և թեքահարթակի անհետանալը. Կինոյի տան մուտքը մի քանի օրում ձևափոխել են
Աջափնյակում ևս 5 ապօրինի կառույց է ապամոնտաժվել. տեսանյութ