Սլավա Հովսեփյան

Հայերի սրտերը կոտրված են․ Արցախյան առաջին պատերազմի վետերանը՝ մայիսի 9-ի մասին

158
(Թարմացված է 20:59 09.05.2021)
Մի քանի շքանշանով պարգևատրված ստեփանակերտցի թոշակառուն նկարագրել է, թե ինչ տրամադրություն է տիրում հայերի շրջանում Հաղթանակի օրը, ինչպես նաև իր կարծիքն է հայտնել, թե ինչու Հայաստանին վերջին պատերազմի ընթացքում չհաջողվեց պահպանել իր  պատմական հողերը։

ԵՐԵՎԱՆ, 9 մայիսի – Sputnik. 2020թ․-ի Արցախյան պատերազմից առաջ հայերը հաղթանակի օրը յուրահատուկ հպարտությամբ և ուրախությամբ էին նշում, բայց այս տարի ամեն ինչ այլ է։ Այդպես է կարծում Արցախյան առաջին պատերազմի վետերան Սլավա Հովսեփյանը։

«Բոլոր հայերի սրտերը կոտրված են։ Նայում ես մարդկանց և հասկանում ես դա, անգամ երբ նրանք ուրախ են թվում։ Մենք հիմա կարծես ողջ-ողջ թաղված լինենք»,-պատմեց նա Sputnik Արմենիայի թղթակցի հետ զրույցում։

Գրեթե 30 տարի շարունակ Հայաստանում միաժամանակ երեք տոն էին նշում․ Հայրենական մեծ պատերազմում հաղթանակը, Արցախի բանակի ձևավորման օրն ու Շուշիի ազատագրումը, Շուշիի, որն այսօր՝ արցախյան վերջին պատերազմից հետո, նորից Ադրբեջանի վերահսկողության տակ է հայտնվել։

«Այնպիսի իրավիճակ են ստեղծել, որ արդեն ասելու բան էլ չունենք։ Ասում են՝ տաշած քարը գետնին չի մնա, բայց հիմա, փաստորեն, մենք լրիվ անօգուտ ենք դարձել։ Ինչ տղերք կան՝ քաջ, մարտական, կրթված․․․ ու հիմա ի՞նչ»,-հարց է հնչեցնում վետերանը։

Հովսեփյանը ժամանակին սովորել է Բաքվի հրշեջների դպրոցում, այնուհետև, արդեն Հայաստանում, բանտապահ է եղել խիստ ռեժիմի գաղութում, իսկ Արցախյան առաջին պատերազմում մի շարք պարգևների է արժանացել։ Հիմա նա թոշակի է անցել և շատ է նեղվում, որ իր փորձն ու ունակություններն այլևս ի շահ երկրի չեն օգտագործում։

Վետերանի կարծիքով՝ այս պատերազմն անխուսափելի էր, և Հայաստանը, սկզբունքորեն, հաջողության հնարավորություն ուներ։ Սակայն այն չկարողացավ հաղթել մի քանի երկրների միացյալ զինուժին (նկատի ունի Ադրբեջանը և Թուրքիան, ինչպես նաև Սիրիայից և Աֆղանստանից բերված վարձկաններին)։

Միաժամանակ նա նշում է, որ գրեթե 30 տարվա ընթացքում մեր երկրի ղեկավարները բավականաչափ ակտիվորեն չեն զինել բանակը։

Այս ամենը ցավոտ է. հիշում են Շուշին ազատագրած կամավորները

«Բայց մենք ուժեղ էինք «Իսկանդերների» շնորհիվ, որոնք պատերազմի ընթացքում այդպես էլ չկիրառեցինք, չնայած պետք էր․․․ դեռևս Բաքվում իմ սովորելու տարիներին ադրբեջանցիները հաճախ էին ասում, որ հայերը շատ խելացի և ստեղծող ազգ են, որ հայերն անգամ լազերային ճառագայթ ունեն, որն իրենք չունեն․․․ Բայց արդյունքում այնպես ստացվեց, որ մենք պարտվեցինք»,-ասում է վետերանը։

Նրա խոսքով՝ Հայաստանն այնպիսի մարդ պետք է ղեկավարի, որը կկարողանա արդարացի կերպով ամեն ինչ տնօրինել․ «Նիկոլը մեզ խորտակեց։ Չէր հասկանում, թե ինչ է անում։ Բայց մեղավորը միայն նա չէ, մեղավոր են նաև նրանք, առանց որոնց կարծիքը հաշվի առնելու նա չէր կարող որոշում ընդունել՝ խորհրդարանը, նախագահը»։

Սլավա Հովսեփյանը բոլոր հայերին կոչ է անում առավել միասնական լինել, որպեսզի ապագայում անվտանգ ապրեն իրենց հողում։ Հենց իրար հետ անհամաձայնությունն է, ըստ նրա, հայ ժողովրդի դժբախտությունների աղբյուրը։

158
թեգերը:
Ազատամարտիկ, Արցախյան պատերազմ
Ըստ թեմայի
Ադրբեջանցիները գերեզմանաքարերն օգտագործում են Շուշի տանող ճանապարհի շինարարության համար
Մայիսի 9-ի գույնն Արցախում՝ առանց Շուշիի
Կարմիր Շուկան ռազմագերիների հետ փոխանակելը քննարկման ենթակա չէ․ Արցախի արտգործնախարար
Զորամաս

«Մեղավորները պատասխանատվություն են կրելու». Արցախի ՊԲ–ն հայտարարություն է տարածել

268
(Թարմացված է 15:10 18.06.2021)
Բոլոր նրանք, ովքեր կխախտեն քաղաքական գործընթացների հանդեպ չեզոքության կարևորագույն սկզբունքը, պատասխանատվության կենթարկվեն իրավական հարթությունում

ԵՐԵՎԱՆ, 18 հունիսի – Sputnik. Արցախի ՊԲ–ն անընդունելի է համարում քաղաքական քարոզչությունը բանակում։ Պաշտպանության բանակը հայտարարություն է տարածել Facebook–ում։

«Հունիսի 20-ին Հայաստանի Հանրապետությունում կայանալիք արտահերթ խորհրդարանական ընտրություններին ընդառաջ Արցախի պաշտպանության բանակում նկատվում են նախընտրական քաղաքական քարոզչության դեպքեր, ինչը բացարձակ անընդունելի է՝ հաշվի առնելով պարզ իրողությունը, որ զինված ուժերը դուրս է քաղաքականությունից»,– նշված է հայտարարության մեջ:

Արձանագրված դեպքերով արդեն իսկ նշանակվել է ծառայողական քննություն, մեղավորները կրելու են օրենքով սահմանված պատասխանատվություն:

«Խստորեն դատապարտում ենք բոլոր նման միտումները, քաղաքական ուժերին համոզիչ կերպով կոչ անում ձեռնպահ մնալ Արցախի ՊԲ-ն հայաստանյան ներքաղաքական գործընթացներին խառնելու, առավել ևս՝ այս կամ այն թեկնածուի օգտին նախընտրական քարոզչություն իրականացնելու փորձերից»,– ընդգծում է ՊԲ–ն։

Նշվում է, որ այդ գործողությունները դուրս են օրենքից, և բոլոր նրանք, ովքեր կխախտեն քաղաքական գործընթացների հանդեպ չեզոքության կարևորագույն սկզբունքը, պատասխանատվության կենթարկվեն իրավական հարթությունում:

268
թեգերը:
Ընտրություններ, Արցախի պաշտպանության բանակ (ՊԲ), Արցախ
Ըստ թեմայի
Չագուճ և բիզնեսի վրա հարձակումներ. Նիկոլ Փաշինյանի հռետորաբանության հետքերով
Պեսկովը խոսել է Հայաստանում կայանալիք ընտրությունների մասին
Ռուսաստանի ԿԸՀ ներկայացուցիչը կհետևի Հայաստանում կայանալիք ընտրություններին
Դմիտրի Պեսկով

ՌԴ-ն շփումների մեջ է Լեռնային Ղարաբաղի իրավիճակի բոլոր կողմերի հետ. Պեսկով

52
(Թարմացված է 13:56 18.06.2021)
Կրեմլի ներկայացուցիչը շեշտում է, որ ցանկացած քայլ պետք է նպաստի Անդրկովկասում իրավիճակի կայունացմանը։

ԵՐԵՎԱՆ, 18 հոնիսի - Sputnik. Ռուսաստանը սերտ շփումների մեջ է Թուրքիայի, Հայաստանի ու Ադրբեջանի հետ՝ Լեռնային Ղարաբաղում իրավիճակը կայունացնելու համար։ Այդ մասին լրագրողներին տեղեկացրել է ՌԴ նախագահի մամուլի քարտուղար Դմիտրի Պեսկովը։

«Մենք սերտ շփումների մեջ ենք թե՛ Անկարայի, թե՛ Բաքվի, թե՛ Երևանի հետ ու կարծում ենք, որ ցանկացած քայլ պետք է նպաստի Անդրկովկասում իրավիճակի կայունացմանը, ինֆրաստրուկտուրայի զարգացմանը, տրանսպորտային հաղորդակցությանը, իրավիճակի ընդհանուր բարելավվմանը ու չպետք է պարունակի ինչ-որ տարրեր, որոնք կարող են լարվածության աճի պատճառ դառնալ»,-ասել է Կրեմլի ներկայացուցիչը։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցինլ ռազմական գործողությունների դադարեցման վերաբերյալ։

Քոչարյանը խոստանում է վերադառնալ Ռուսաստանի հետ հարաբերություններին՝ առանց «մութ խաղերի»

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

52
թեգերը:
Դմիտրի Պեսկով, Արցախ, Ռուսաստան
Ըստ թեմայի
Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան
Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան
Պետք է Ռուսաստանին զուգահեռ զարգացնել հարաբերությունները նաև Արևմուտքի հետ. Գասպարյան
Արմեն Չարչյան

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

52
(Թարմացված է 10:11 19.06.2021)
Դատախազը միջնորդություններ է ներկայացրել ԿԸՀ, որպեսզի Արմեն Չարչյանի նկատմամբ քրեական հետապնդում իրականացնելու համաձայնություն ստանան։

ԵՐԵՎԱՆ, 19 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանն ընդունել է ձերբակալման օրը առավոտյան գործընկերների հետ ունեցած զրույցի փաստը։ Տեղեկությունը հայտնում է գլխավոր դատախազի խորհրդական Գոռ Աբրահամյանը։

Ավելի վաղ հայտնի էր դարձել, որ բժշկական հաստատության ղեկավարի կողմից տվյալ կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում ձերբակալվել է 2021թ. հունիսի 20-ին կայանալիք ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը: ՀՔԾ–ի հաղորդագրության համաձայն` Չարչյանը ճնշում է գործադրել աշխատակիցների նկատմամբ։

«Քրեական գործով ձեռք բերված բավարար ապացույցներով հաստատվել է ձայնագրության մեջ առկա դեպքի փաստն ու բովանդակությունը։ Չարչյանն ընդունել է զրույցի փաստը»,– Facebook–ի իր էջում գրել է Աբրահամյանը։

Նա նշել է` քրեական գործի նախաքննության օրինականության նկատմամբ հսկողություն իրականացնող դատախազն օրենքով սահմանված կարգով ՀՀ կենտրոնական ընտրական հանձնաժողով միջնորդություններ է ներկայացրել նրա նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու վերաբերյալ՝ հաշվի առնելով այն հանգամանքը, որ վերջինս հանդիսանում է ԱԺ պատգամավորության թեկնածու:

Հիշեցնենք` երեկ համացանցում հայտնված ձայնագրությունում Չարչյանն ասում է, որ տնօրինությունը «շատ կոշտ, խիստ համարժեք վերաբերմունք է ցուցաբերելու» նրանց նկատմամբ, ովքեր ընտրություններին չեն մասնակցի։

Մայր աթոռը կոչ է անում ազատ արձակել Արմեն Չարչյանին

52
թեգերը:
Գոռ Աբրահամյան, ձայնագրություն, Արմեն Չարչյան