ԵՐԵՎԱՆ, 7 մայիսի - Sputnik․ Արցախի արտաքին գործերի նախարար Դավիթ Բաբայանը պատվաստվել է կորոնավիրուսի դեմ «Սպուտնիկ V» տեսակի պատվաստանյութով։ Նա այդ մասին գրել է Facebook–ի իր էջում և լուսանկար հրապարակել։
«Ինչպես կյանքում, այնպես էլ քաղաքականության մեջ ուժեղ իմունային համակարգը կարևոր է»,–գրել է նա։
Նշենք, որ ապրիլի 29–ին Արցախի Հանրապետության նախագահ Արայիկ Հարությունյանը հայտնել էր, որ Արցախ է տեղափոխվել կորոնավիրուսի դեմ ռուսական «Սպուտնիկ V» պատվաստանյութի առաջին խմբաքանակը։ Ռուսաստանի Դաշնությունից Արցախ է բերվել պատվաստանյութի 15,000 չափաբաժին։
