Ռուս խաղապահներն Արցախում. 6 ապրիլի, 2021

Ստեփանակերտցի ուսանողներն ու ռուս խաղաղապահները «Հաղթանակի թելադրություն» են գրել

60
(Թարմացված է 12:54 03.05.2021)
Թելադրությանը մասնակցել են 2 կուրսերի մոտ 50 ուսանող, համալսարանի դասախոսական կազմը, ինչպես նաև ռուսական խաղաղապահ զորակազմի 10 զինծառայող։

ԵՐԵՎԱՆ, 3 մայիսի – Sputnik. Ստեփանակերտի համալսարանի ուսանողներն ու Լեռնային Ղարաբաղում ռուսական խաղաղապահ զորախմբի մարդասիրական արձագանքման կենտրոնի զինծառայողները մասնակցել են «Հաղթանակի թելադրություն» ակցիային, հայտնում է Ռուսաստանի պաշտպանական գերատեսչությունը:

Студенты АГУ и военнослужащие Центра гуманитарного реагирования российского миротворческого контингента в Карабахе написали «Диктант Победы»
Ստեփանակերտցի ուսանողներն ու ռուս խաղաղապահները «Հաղթանակի թելադրություն» են գրել

«Մեր այսօրվա ակցիան նվիրված էր Հայրենական մեծ պատերազմում տարած հաղթանակին։ Նպատակը Հայրենական մեծ պատերազմի թեմայի նկատմամբ տեղի բնակչության հետաքրքրության խթանումն է։ Բոլոր մասնակիցները մեծ հետաքրքրություն ցուցաբերեցին իրադարձության նկատմամբ և գերազանց արդյունք ցույց տվեցին։ Մենք, նախևառաջ, հարցերը հատուկ ընտրել էինք այնպես, որ դրանք համահունչ լինեն տեղի բնակչության պատմական հիշողությանը, ջանացել էինք հաշվի առնել Հայրենական մեծ պատերազմի այն հերոսներին, որոնք ծնունդով Լեռնային Ղարաբաղից էին, և հարցերի մի մասը նրանց նվիրել»,-հայտնել է Մարդասիրական արձագանքման կենտրոնի սպա, կապիտան Իվան Սերգեևը։

Студенты АГУ и военнослужащие Центра гуманитарного реагирования российского миротворческого контингента в Карабахе написали «Диктант Победы»
Ստեփանակերտցի ուսանողներն ու ռուս խաղաղապահները «Հաղթանակի թելադրություն» են գրել

Թելադրությանը մասնակցել են 2 կուրսերի մոտ 50 ուսանող, համալսարանի դասախոսական կազմը, ինչպես նաև ռուսական խաղաղապահ զորակազմի 10 զինծառայող։

«Ռուսական խաղաղապահ ուժերի հետ փոխգործակցության շնորհիվ մենք ընդունեցինք «Հաղթանակի թելադրություն» անցկացնելու առաջարկը, քանի որ կարծում ենք, որ դա մեր ընդհանուր հիշողությունն է, մեր ընդհանուր պատմությունը»,-հայտնել է Ստեփանակերտի համալսարանի պրոռեկտոր Վիդիկ Իրոմիշյանը։ «Երիտասարդ սերունդը պարտավոր է իմանալ մեր հերոսների, մեր հաղթանակի մասին, իմանալ իր պատմությունը»,-ավելացրել է նա։ 

Студенты АГУ и военнослужащие Центра гуманитарного реагирования российского миротворческого контингента в Карабахе написали «Диктант Победы»
Ստեփանակերտցի ուսանողներն ու ռուս խաղաղապահները «Հաղթանակի թելադրություն» են գրել

Միջոցառման ավարտին ուսանողներն ու դասախոսները բանաստեղծություններ են կարդացել Հայրենական Մեծ պատերազմի հերոսների մասին, դիտել են կադրեր պատերազմական վավերագրությունից, ինչպես նաև պատմել են 1941-1945թթ․ մարտի դաշտում ընկած իրենց հարազատների մասին։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

Студенты АГУ и военнослужащие Центра гуманитарного реагирования российского миротворческого контингента в Карабахе написали «Диктант Победы»
Ստեփանակերտցի ուսանողներն ու ռուս խաղաղապահները «Հաղթանակի թելադրություն» են գրել

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

60
թեգերը:
Հայրենական մեծ պատերազմ, Ուսանող, խաղաղապահ, Արցախ
Ըստ թեմայի
27 մլն ծառ՝ ի հիշատակ Մեծ հայրենականի 27 մլն զոհի. Գյումրին ու Վանաձորը միացան ակցիային
Գյումրիում մեկնարկել է Մեծ Հայրենականին նվիրված ֆիլմերի ազդագրերի ցուցադրությունը
Արցախի նախագահը հարցաքննվել է
Ռուս սակրավորներ

Ռուս սակրավորներն Արցախում ավելի քան 1120 հա հող են ականազերծել

42
(Թարմացված է 10:55 16.05.2021)
Ռուս խաղաղապահները 27 դիտակետերում իրավիճակի շուրջօրյա մոնիթորինգ են իրականացնում և վերահսկում հրադադարի ռեժիմի պահպանումը։

ԵՐԵՎԱՆ, 16 մայիսի – Sputnik. Մարդասիրական ականազերծման կենտրոնի ինժեներասակրավորական խմբերը մեկ օրվա ընթացքում Արցախում 12 շենք են ստուգել, մաքրել 6 հա տարածք, 1 կմ ճանապարհ, հայտնաբերել 2 պայթյունավտանգ առարկա։ Տեղեկությունը հայտնում է ՌԴ ՊՆ մամուլի ծառայությունը։

«2020 թվականի նոյեմբերի 23-ից չպայթած ռազմամթերքից ընդհանուր առմամբ մաքրվել է 2 121 հա տարածք, 657,3 կմ ճանապարհ, 1 844 շենք (այդ թվում սոցիալական նշանակություն ունեցող 30 օբյեկտ), հայտնաբերվել ու  վնասազերծվել է 25 613 պայթյունավտանգ առարկա», – ասվում է հաղորդագրության մեջ։

Նշվում է, որ հրադադարի ռեժիմը պահպանվում է շփման գծի ողջ երկայնքով։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

42
թեգերը:
ականազերծում, խաղաղապահ, Լեռնային Ղարաբաղ, Արցախ
թեմա:
Խաղաղապահներն Արցախում
Ըստ թեմայի
Լուրերը, թե մեր այցելության վայրը Սև լիճը չէ, ապատեղեկատվությունն է. Ավինյանը մեկնաբանել է
Ներգրաված են մինչև 15 000 զինծառայողներ. Ադրբեջանը սկսել է զորավարժությունները
Կութ գյուղն ու դպրոցը հայտնվել են ադրբեջանական զինծառայողների նշանառության տակ. ՄԻՊ
Ադրբեջանական շարասյունների շարժը

Կարմիր Շուկայի և Շոշի բնակիչներին անհանգստացնում է ադրբեջանական շարասյունների շարժը

993
(Թարմացված է 22:44 15.05.2021)
Կարմիր Շուկա ու Շոշ գյուղերում (որոնց միջով ադրբեջանական մեքենաները Շուշի են գնում) ասում են, որ վերջին շրջանում շարասյունները սկսել են գրեթե ամեն օր անցնել:

Հիմա ադրբեջանցիներն անցնում են Արցախի՝ հայերի վերահսկողության տակ գտնվող տարածքով՝ Հադրութից Շուշի, ինչպես նաև Մատաղիսից Քարվաճառ հասնելու համար։

© Sputnik
Ադրբեջանական շարասյունը` Ստեփանակերտ - Կարմիր Շուկա ճանապարհին

Կարմիր Շուկա

Այժմ համայնքի տարածքում տեղահանվածների համար նոր թաղամաս է կառուցվում. հողային աշխատանքներն արդեն սկսվել են։ Մինչև տարեվերջ ծրագրվում է 127 հավաքովի տուն կառուցել Թաղավարդի բնակիչների համար (գյուղի կեսը ադրբեջանական վերահսկողության տակ է):

Շուշին ամեն ինչ է ինձ համար․ Արցախի միակ կին կռունկավարը տներ է կառուցում ուրիշների համար

Փաստացի սահմանը գյուղից մեկ կիլոմետր հեռավորության վրա է։ Երբեմն (հիմնականում երեկոյան) բնակիչները լսում են՝ ինչպես են օդ կրակում։ Բայց մարդկանց ավելի շատ հուզում է ադրբեջանական շարասյունների հայտնվելը։

«Մարդիկ դժվար են համակերպվում։ Սպասում են, որ 4 ամսից ադրբեջանցիները ճանապարհ կառուցեն և դադարեն այստեղ հայտնվել»,- Sputnik Արմենիայի հետ զրույցում ասաց Կարմիր Շուկա համայնքի ղեկավար Նարեկ Աթայանը։

Նա պատմեց, որ եղել են դեպքեր, երբ ադրբեջանցիներն իրենց կոռեկտ չեն պահել նույն ճանապարհով ընթացող հայկական մեքենաների նկատմամբ։ Բարեբախտաբար, լուրջ միջադեպեր չեն եղել։

Глава общины Красный Базар (Кармир Шука) Мартунинского района Карабаха Нарек Атаян
© Sputnik / Aram Nersesyan
Կարմիր Շուկա համայնքի ղեկավար Նարեկ Աթայան

Ամեն ինչի մասին տեղում հաղորդվում է խաղաղապահներին։ Սակայն շարասյունները չափազանց երկար են լինում, դժվար է ամբողջ գործընթացը վերահսկել։

Российские миротворцы сопровождают азербайджанскую автоколонну на дороге Шуши - Кармир Шука
© Sputnik / Aram Nersesyan
Ռուս խաղաղապահները Կարմիր Շուկայի ճանապարհին ուղեկցում են Շուշի գնացող ադրբեջանական ավտոշարասյունը

Չնայած գյուղի նկատմամբ վերահսկողություն հաստատելու Ադրբեջանի փորձերի մասին լուրերին՝ նման բան չի սպասվում։

Այժմ գյուղում մոտ 800 բնակիչ կա։ Պատերազմի հետևանքով համայնքը զրկվել է 260 հա վարելահողերից, արոտավայրերից և խաղողի այգիներից (մոտ 50%)։ Կարմիր Շուկայում ապրում է 7 տեղահանված ընտանիք, ևս 5-ը բնակություն են հաստատել Արցախի վերահսկողության տակ գտնվող ավելի վտանգավոր գյուղերից։

Машины на дороге в селе Кармир Шука
© Sputnik / Aram Nersesyan
Մեքենաներ Կարմիր Շուկա գյուղի ճանապարհին

Շոշ գյուղում անհանգստանում են երեխաների համար

Արցախի Ասկերանի շրջանի Շոշ գյուղը նույնպես Կարմիր Շուկա – Շուշի ճանապարհով ադրբեջանական շարասյունների շարժման ճանապարհին է: Դեռ մարտին ադրբեջանցիները գյուղի մոտ՝ Սարուշեն-Կարմիր Շուկա ճանապարհի հատվածում, քարեր էին նետել հայկական համարանիշներով մեքենայի վրա։

Շոշ համայնքի ղեկավար Էրիկ Աբրահամյանը Sputnik Արմենիայի հետ զրույցում ասաց, որ սկզբում շարասյունները երեքշաբթի և հինգշաբթի օրերին էին անցնում, հետո նաև շաբաթ օրերին։ Բայց արդեն ավելի քան մեկ շաբաթ է` դրանք գրեթե ամեն օր են անցնում։

Глава села Шош Аскеранского района Карабаха Эрик Абрамян
© Sputnik / Aram Nersesyan , Asatur Yesayants
Շոշ համայնքի ղեկավար Էրիկ Աբրահամյան

«Սովորաբար շարասյունն անցնում է Շոշի միջով դեպի Շուշի, որից հետո արդեն դատարկ մեքենաները հետ են վերադառնում։ Հիմնականում դրանք շինանյութ ու տեխնիկա են տանում, - նշեց Աբրահամյանը։

Ընդ որում, շարասյուններում մեքենաների քանակը խիստ տարբերվում է։ Երբեմն նրանց թիվը կարող է 60-ի հասնել։ Նման ակտիվ երթևեկությունն անհանգստացնում է տեղի բնակիչներին, քանի որ հենց այդ ճանապարհին են գտնվում գյուղի դպրոցն ու մանկապարտեզը։

Детский сад и школа в селе Шош
© Sputnik / Aram Nersesyan
Շոշ գյուղի դպրոցն ու մանկապարտեզը

«Ու որևէ համաձայնեցված և ամրագրված ժամ չկա, որ գոնե երեխաներին փողոց չթողնենք։ Հենց անցնելու ժամանակ ենք իմանում շարասյան մասին», - ասաց Աբրահամյանը։

Նրա խոսքով՝ ռուս խաղաղապահների մեկական մեքենա է շարասյուններն ուղեկցում առջևից և հետևից։ Բայց մեքենաների միջև բացը (այդ թվում շատ բեռնատար կան) չափազանց մեծ է: Առաջին և վերջին մեքենայի անցնելու տարբերությունը կարող է մեկ ժամ տևել։

 Дорога в селе Шош
© Sputnik / Aram Nersesyan
Շոշ գյուղի ճանապարհը

Սկզբում ադրբեջանցի զինծառայողները ինչ-որ վիրավորական ժեստեր էին ցույց տալիս։ Հիմա հիմնականում քաղաքացիական վարորդներն են անցնում։ Նրանց մեծ մասն ավելի տարիքով մարդիկ են, իրենց զուսպ են պահում։

Պատերազմի ընթացքում գյուղում գնդակոծություններից շուրջ 120 տուն է տուժել։ Վերականգնման ուղղությամբ աշխատում է 3 բրիգադ, մոտ 90 տուն գրեթե ամբողջությամբ վերականգնվել են։ Իսկ ահա գյուղի գյուղատնտեսական հողերի 75 տոկոսը մնացել է ադրբեջանցիների վերահսկողության տակ։ Անասունների զգալի մասն արդեն վաճառել են, մնացածին պետք է ուշադիր հետևել, որ հակառակորդի կողմը չանցնեն։ Մարդիկ աշխատում են իրենց տնային տնտեսություններում՝ մնացած հողի վրա։

Գյուղում այժմ ժամանակավորապես բնակվում է 5 բռնի տեղահանված ընտանիք (երկուսը Քաշաթաղի շրջանից, երկուսը՝ Հադրութի, մեկն էլ` Ասկերանի)։

Սյունիքի սահմանին տիրող իրավիճակի հարցով ադրբեջանցիների հետ բանակցություններն ավարտվել են

993
թեգերը:
Պատերազմ, Արցախ, Ադրբեջան, Շոշ, Կարմիր շուկա
Ըստ թեմայի
Կարմիր շուկան եղել է ու կմնա մեր վերահսկողության տակ․ Վիտալի Բալասանյան
Կարմիր Շուկան ռազմագերիների հետ փոխանակելը քննարկման ենթակա չէ․ Արցախի արտգործնախարար
Ինչպե՞ս կօգտագործվի Կարմիր Շուկայի ճանապարհը
Լևոն Զուրաբյան

Փաշինյանը իրականացրեց Տեր-Պետրոսյանի՞ ծրագիրը. Լևոն Զուրաբյանի մեկնաբանությունը

24
(Թարմացված է 13:09 16.05.2021)
Զուրաբյանի խոսքով` 2008 - ին Նիկոլ Փաշինյանը կիսում էր ՀՀ առաջին նախագահ Լևոն Տեր-Պետրոսյանի մոտեցումները, սակայն 2012-ին, հայտնվելով խորհրդարանում, նա կուսակցության հետ խզել է բոլոր կապերը։

ԵՐԵՎԱՆ, 16 մայիսի -Sputnik. «Հայ ազգային կոնգրես» կուսակցության փոխնախագահ Լևոն Զուրաբյանն այսօր ընթացող ՀԱԿ համագումարում  մեկնաբանել է շրջանառվող տեղեկատվությունն այն մասին, թե ՀՀ վարչապետի պաշտոնակատար Նիկոլ Փաշինյանն իրականացրել է ՀՀ առաջին նախագահ Լևոն Տեր-Պետրոսյանի պլանը, և որ նա նրա հոգեզավակն է` այդ մասին լուրերը որակելով ցնդաբանություն:

Զուրաբյանի խոսքով` այդ խոսակցությունները խորը արմատներ են թողել հայաստանյան քաղաքական դաշտում։

«Պարզ վերլուծությունը ցույց է տալիս սակայն, որ Փաշինյանը Հայաստանում և Արցախում իրականացրեց այն, ինչը Լևոն Տեր-Պետրոսյանի պլանը փորձել էր կանխել։ Փաշինյանն իրականացրել է «ոչմիթիզականների» պլանը, որովհետև նա այդպես էլ չզիջեց ոչ մի սանտիմետր հող։ Այդ հողը նրանից ու մեզնից գրավեցին ուժով, մեր հազարավոր զինվորների կյանքի գնով։

Զուրաբյանի խոսքով` քանի որ նա իրականացրեց «ոչմիթիզականների»  պլանը, ճիշտ կլիներ նրան համարել ՀՀ 2–րդ նախագահ Ռոբերտ Քոչարյանի, ՀՅԴ–ի, «Սասնա ծռերի» հոգեզավակը։

Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»

Նա նաև նշել է, որ 2008-ին այսօրվա վարչապետի պաշտոնակատարը կիսում էր Տեր-Պետրոսյանի մոտեցումները, սակայն 2012-ին, հայտնվելով խորհրդարանում, Փաշինյանը խզեց բոլոր կապերը կուսակցության հետ։ Իսկ 2015-ից նա բացահայտորեն սկսեց քննադատել Լևոն Տեր-Պետրոսյանին ՝ հավատարիմ մնալով «ոչ մի թիզ հող» գաղափարի հետևորդների դիրքորոշմանը։

Հիշեցնենք, որ ԼՂ հակամարտության կարգավորման` Լևոն Տեր-Պետրոսյանի ծրագիրը նախատեսում էր կարգավիճակի դիմաց տարածքների փուլային հանձնում։

24
թեգերը:
Պատերազմ, Արցախ, Լևոն Տեր-Պետրոսյան, Լևոն Զուրաբյան, Հայաստան
Ըստ թեմայի
Ներգրաված են մինչև 15 000 զինծառայողներ. Ադրբեջանը սկսել է զորավարժությունները
Կութ գյուղն ու դպրոցը հայտնվել են ադրբեջանական զինծառայողների նշանառության տակ. ՄԻՊ
Գիշերն ադրբեջանական կողմը փորձել է թիկունքային աշխատանքներ իրականացնել, ինչը կանխվել է. ՊՆ